IRE vs IND T20 Tickets: காலியான ஃபர்ஸ்ட் 2 டி20 போட்டி டிக்கெட்: உலகம் முழுவதும் பரவும் இந்தியா புகழ்!

இந்தியா மற்றும் அயர்லாந்து அணிகளுக்கு இடையிலான முதல் 2 டி20 போட்டிகளுக்கான டிக்கெட் விற்பனை அதற்குள்ளாக விற்று தீர்ந்து விட்டதாக தகவல் வெளியாகியுள்ளது.

இந்தியா மற்றும் அயர்லாந்து அணிகளுக்கு இடையிலான 3 டி20 போட்டிகள் கொண்ட தொடரின் முதல் டி20 போட்டி இன்று இரவு 7.30 மணிக்கு டப்ளின் மைதானத்தில் தொடங்குகிறது. இந்த டி20 தொடருக்கான இந்திய அணி ஏற்கனவே அறிவிக்கப்பட்டுள்ளது. இதில், யஷஸ்வி ஜெய்ஸ்வால், ருதுராஜ் கெய்வாட், திலக் வர்மா, சஞ்சு சாம்சன் (விக்கெட் கீப்பர்), ஷிவம் துபே, ரிங்கு சிங், வாஷிங்டன் சுந்தர், ரவி பிஷ்னாய், அர்ஷ்தீப் சிங், ஜஸ்ப்ரித் பும்ரா (கேப்டன்), முகேஷ் குமார், ஆவேஷ் கான், ஜித்தேஷ் சர்மா, பிரஷித் கிருஷ்ணா மற்றும் ஷாபாஸ் அகமது ஆகியோர் இடம் பெற்றுள்ளனர்.

குறிப்பிட்டு சொல்ல வேண்டுமென்றால், வெஸ்ட் இண்டீஸ் அணிக்கு எதிரான டி20 போட்டிகளில் விளையாடிய யஷஸ்வி ஜெய்ஸ்வால், சஞ்சு சாம்சன் மற்றும் திலக் வர்மா ஆகியோர் அயர்லாந்துக்கு எதிரான டி20 போட்டிகள் கொண்ட தொடரில் இடம் பெற்றுள்ளனர்.

இன்று நடக்கும் முதல் டி20 போட்டியில் யாருக்கெல்லாம் இடம் கிடைக்கும் என்பது குறித்து பார்த்தால், ஓபனிங் யஷஸ்வி ஜெய்ஸ்வால் மற்றும் ருதுராஜ் கெய்க்வாட் ஆகியோர் களமிறங்க வாய்ப்பிருக்கிறது. மூன்றாவதாக சஞ்சு சாம்சன் களமிறங்கலாம். அடுத்து திலக் வர்மா, ரிங்கு சிங், ஷிவம் துபே, வாஷிங்டன் சுந்தர், ஜஸ்ப்ரித் பும்ரா, ரவி பிஷ்னாய், அர்ஷ்தீப் சிங் மற்றும் முகேஷ் குமார் ஆகியோருக்கு வாய்ப்பு கிடைக்கும் என்று எதிர்பார்க்கப்படுகிறது.

இந்தியா பிளேயிங் 11:

யஷஸ்வி ஜெய்ஸ்வால், ருதுராஜ் கெய்க்வாட், சஞ்சு சாம்சன், திலக் வர்மா, ரிங்கு சிங், ஷிவம் துபே, வாஷிங்டன் சுந்தர், ஜஸ்ப்ரித் பும்ரா, ரவி பிஷ்னாய், அர்ஷ்தீப் சிங் மற்றும் முகேஷ் குமார்.

அயர்லாந்து பிளேயிங் 11:

ஆண்ட்ரூ பல்பிர்னி, பால் ஸ்டிர்லிங் (கேப்டன்), லோர்கன் டக்கர் (விக்கெட் கீப்பர்), ஹாரி டெக்டர், கரேத் டெலானி, கர்டிஸ் கேம்பர், ஜார்ஜ் டோக்ரெல், மார்க் அடேர், பேரி மெக்கார்த்தி, ஜோசுவா லிட்டில், பெஞ்சமின் ஒயிட்

இதற்கிடையில், இந்திய அணி நாடு முழுவதும் சுற்றுப்பயணம் மேற்கொள்ளும் உற்சாகம் அயர்லாந்தில் உள்ள கிரிக்கெட் ரசிகர்களை உற்சாகப்படுத்தியுள்ளது. இந்திய வீரர்களின் புகழ் உலகம் முழுவதும் அபரிமிதமானது மற்றும் அது IND vs IRE T20I தொடரின் டிக்கெட் விற்பனையில் மிகச்சரியாக பிரதிபலித்தது. இந்தத் தொடரின் முதல் இரண்டு போட்டிகளுக்கான டிக்கெட்டுகள் ஏற்கனவே விற்றுத் தீர்ந்துவிட்டன, விருந்தோம்பல் டிக்கெட்டுகள் மட்டுமே இப்போது கிடைக்கின்றன என்று கூறப்படுகிறது.

ஸ்டேடியத்தின் இருக்கைகள் சுமார் 11,500 ஆக உள்ளது. குறைந்தபட்சம் ஆகஸ்ட் 18 மற்றும் 20 ஆம் தேதிகளில் நடைபெறும் தொடரின் இரண்டு போட்டிகளுக்காக இது ரசிகர்களால் நிரம்பி வழியும். மூன்றாவது மற்றும் கடைசி T20Iக்கான டிக்கெட்டுகள் இன்னும் உள்ளன, ஆனால் விரைவில் விற்று தீர்ந்துவிடும் என்று எதிர்பார்க்கப்படுகிறது.

இதுவரையில், இரு அணிகளும் 5 டி20 போட்டிகளில் விளையாடியுள்ளன. இதில், இந்தியா தான் 5 முறையும் வெற்றி பெற்றுள்ளது. அதிகபட்சமாக இந்திய அணி 7 விக்கெட் இழப்பிற்கு 225 ரன்கள் எடுத்துள்ளது. அயர்லாந்து அணி 221 ரன்கள் எடுத்துள்ளது என்பது குறிப்பிடத்தக்கது. இந்தப் போட்டியை ஜியோ சினிமா மற்றும் Viacom18 க்கு சொந்தமான ஸ்போர்ட்ஸ் 18 இல் தொலைக்காட்சியில் நேரடியாக பார்க்கலாம்.