IND vs SL: ஓபனர்ஸ் 2 பேரும் கோல்டன் டக் அவுட்: உலகக் கோப்பையில் 2ஆவது முறையாக மோசமான சாதனை படைத்த இலங்கை!
சுருக்கம்
இலங்கை அணியில் தொடக்க வீரர்கள் இருவரும் கோல்டன் டக் முறையில் ஆட்டமிழந்து வெளியேறியுள்ளனர்.
இந்தியா மற்றும் இலங்கை அணிகளுக்கு இடையிலான 33ஆவது லீக் போட்டி தற்போது வான்கடே மைதானத்தில் நடந்து வருகிறது. இதில், முதலில் விளையாடிய இந்திய அணி 50 ஓவர்களில் 8 விக்கெட் இழப்பிற்கு 357 ரன்கள் குவித்தது. இந்தப் போட்டியில் சுப்மன் கில் 92 ரன்களும், விராட் கோலி 88 ரன்களும், ஷ்ரேயாஸ் ஐயர் 82 ரன்களும் எடுத்தனர். இலங்கை அணியில் தில்ஷன் மதுஷங்கா 5 விக்கெட்டுகள் கைப்பற்றினார்.
பின்னர் கடின இலக்கை துரத்திய இலங்கை அணிக்கு தொடக்க வீரர் பதும் நிசாங்கா முதல் ஓவரின் முதல் பந்திலேயே ஆட்டமிழந்து அதிர்ச்சி கொடுத்தார். அந்த ஓவரில் பும்ரா 2 வைடுகள் வீசினார். பின்னர் சிராஜ் தனது முதல் ஓவரை வீசினார். அந்த ஓவரில் மற்றொரு தொடக்க வீரர் திமுத் கருணாரத்னே கோல்டன் டக் முறையில் சிராஜ் பந்தில் எல்பி டபிள்யூ முறையில் ஆட்டமிழந்தார். தொடக்க வீரர்கள் இருவரும் கோல்டன் டக் முறையிலும், முதல் ஓவரின் முதல் பந்திலேயும், 2ஆவது ஓவரின் முதல் பந்திலேயும் ஆட்டமிழந்துள்ளனர்.
India vs Sri Lanka: கில், கோலி பொறுப்பான ஆட்டம்; ஷ்ரேயாஸ் ஐயர் அதிரடியால் இந்தியா ரன்கள் குவிப்பு!
அதுமட்டுமின்றி இருவரும் ஒரே மாதிரியாக எல்பிடபிள்யூ முறையில் ஆட்டமிழந்தனர். இதன் மூலமாக தொடக்க வீரர்கள் இருவரும் டக் அவுட் முறையில் ஆட்டமிழந்து வெளியேறியுள்ளனர். இதற்கு முன்னதாக உலகக் கோப்பை போட்டியில் கடந்த 2015 ஆம் ஆண்டு லகிரு திரிமண்ணே மற்றும் திலகரத்னே தில்ஷன் இருவரும் ஆப்கானிஸ்தான் அணிக்கு எதிராக டக் அவுட் முறையில் ஆட்டமிழந்துள்ளனர்.
ரிஸ்க் எடுக்காத சுப்மன் கில் - சதம் அடிக்கும் வாய்ப்பை தவறவிட்டு 92 ரன்களில் அவுட்!
அதுமட்டுமின்றி 2ஆவது முறையாக ஒரு நாள் போட்டியில் இலங்கை அணியின் தொடக்க வீரர்கள் இருவரும் கோல்டன் டக் முறையில் ஆட்டமிழந்துள்ளனர். பதும் நிசாங்கா மற்றும் திமுத் கருணாரத்னே இருவரும் கோல்டன் டக் முறையில் எல்பிடபிள்யூ முறையில் ஆட்டமிழந்துள்ளனர். இதற்கு முன்னதாக கடந்த 2015 ஆம் ஆண்டு லகிரு திரிமண்ணே மற்றும் திலகரத்னே தில்ஷன் இருவரும் ஆப்கானிஸ்தான் அணிக்கு எதிராக டக் அவுட் முறையில் ஆட்டமிழந்துள்ளனர்.
இலங்கை அணியில் டாப் 4 வீரர்கள் 1 ரன்கள் மட்டுமே எடுத்துள்ளனர். 2 வைடுகள் உள்பட இலங்கை அணி 4 விக்கெட் இழப்பிற்கு 3 ரன்கள் மட்டுமே எடுத்திருந்தது. மேலும், இந்திய அணிக்கு எதிராக 4 வீரர்களில் 3 பேர் டக் அவுட் முறையில் ஆட்டமிழந்துள்ளனர். கடந்த 2003 ஆம் ஆண்டு ஒரு நாள் போட்டியில் இலங்கை அணியில் 3 வீரர்கள் டக் அவுட்டாகியுள்ளனர். இதே போன்று 2022 ஆம் ஆண்டு இங்கிலாந்து வீரர்கள் 3 பேர் டக் அவுட்டாகியுள்ளனர்.
4வது விக்கெட் சரிந்த போது குறைந்த ஸ்கோர்கள்:
1 ரன் – பாகிஸ்தான் vs வெஸ்ட் இண்டீஸ், கிறிஸ்ட்சர்ஜ், 2015
3 ரன்கள் – இலங்கை vs இந்தியா, மும்பை WS, 2023*
4 ரன்கள் - கனடா vs ஜிம்பாப்வே, போர்ட் ஆஃப் ஸ்பெயின், 2006