புதுவையில் பாலை விடவும், மது அதிக அளவில் கிடைக்கிறது; காங்கிரஸ் எம்.பி. ஆதங்கம்
By Velmurugan s | First Published Feb 21, 2023, 6:16 PM ISTரெஸ்டோ பார் ஒதுக்கியதில் மிகப்பெரிய முறைகேடு நடந்துள்ளது விற்பனை வரி செலுத்தாமல் மதுபானம் விற்கப்படுவதாக குற்றம் சாட்டிய வைத்திலிங்கம் இதனை சி.பி.ஐ விசாரிக்க வேண்டும் என்று வலியுறுத்தி உள்ளார்.
காங்கிரஸ் எம்.பி. வைத்திலிங்கம் இன்று செய்தியாளர்களை சந்தித்தார். அப்போது அவர் பேசுகையில், இந்திய பொருளாதாரத்தை சீர்குலைத்த அதானி பங்கு மோசடி குறித்து பாராளுமன்ற நிலைக்குழு விசாரணை நடத்த வேண்டும். பாராளுமன்றத்தில் ராகுல்காந்தி எழுப்பிய கேள்விகளுக்கு பிரதமர் மோடி எந்தவித பதிலும் அளிக்கவில்லை.
பிரதமர் மோடியும், பாஜகவினரும் ராகுலின் கேள்விக்கு பயந்து தப்பியோடி ஒளிந்துகொண்டனர். புதுவையிலும் அதானி குழுமம் கால் பதித்துள்ளது. காரைக்கால் துறைமுகத்தை அதானி குழுமம் வாங்கியதாக தகவல் வெளியாகியுள்ளது. மின்துறை தனியார் மயத்தில் அதானி, டாடா, வெளிநாட்டு நிறுவனங்கள் டெண்டர் கோரியுள்ளன. இது தொடர்பாக அரசு வெளிப்படையாக தெரிவிக்க வேண்டும்.
Latest Videos
undefined
மின்துறை அமைச்சர் நமச்சிவாயம் பிரீபெய்டு மீட்டரை மக்கள் விரும்புவதாக சொல்கிறார். செல்போன் நிறுவனங்கள் போஸ்ட்பெய்டு, பிரீபெய்டு என 2 வழிமுறைகளை தருகிறது. விருப்பமான வழிமுறையை நாம் தேர்வு செய்ய முடியும். அதேபோல மின்துறையில் இத்திட்டத்துக்கு அரசால் விண்ணப்பம் கோர முடியுமா? தனியாரிடம் மின்துறையை தாரைவார்க்கும் நேரத்தில் எதற்கு பிரீபெய்டு மின் மீட்டர் திட்டத்தை கொண்டுவர வேண்டும் என்று கேள்வி எழுப்பினார்.
ஓரினசேர்க்கைக்காக வடமாநில இளைஞர் கடத்த முயற்சி; கத்தி, கூச்சலிட்டதால் தப்பி ஓட்டம்
1991 முதல் கூட்டுறவு நிறுவனங்களை முதலமைச்சர் ரங்கசாமி தன் கட்டுப்பாட்டில் வைத்துள்ளார். இதனால் கூட்டுறவு நிறுவனம் அனைத்தும் நலிவடைந்து, சீர்குலைந்து போயுள்ளது. பாண்லே கூட்டுறவு பால் நிறுவனத்தில் தட்டுப்பாடு ஏற்பட்டுள்ளது. பொதுமக்களுக்கு பால் கிடைப்பதை விட மது அதிகமாக தடையின்றி கிடைக்கிறது. தமிழகத்தில் பால் கொள்முதல் விலை அதிகமாக உள்ளது. புதுவையில் கொள்முதல் விலை குறைவாக உள்ளதால் உற்பத்தியாளர்கள் பாலை தர முன்வருவதில்லை.
ஆசை வார்த்தை கூறி பலாத்காரம் செய்யப்பட்ட பள்ளி மாணவி ஆற்றில் குதித்து தற்கொலைக்கு முயற்சி
அதேநேரத்தில் பால் விற்பனை விலை தமிழகத்தைவிட புதுவையில் அதிகமாக உள்ளது. கூட்டுறவு நிறுவனங்களுக்கு, சங்கங்களுக்கு பல ஆண்டாக தேர்தல் நடத்தப்படவில்லை என்று கூறிய வைத்திலிங்கம்
கூட்டுறவு நிறுவனங்களை சீரமைக்கக்கோரி மத்திய மந்திரி அமித்ஷாவுக்கு கடிதம் அனுப்ப உள்ளதாகவும் வருமானத்தை பெருக்கவே ரெஸ்டோ பார் வழங்குவதாக முதலமைச்சர் தெரிவிக்கிறார். ரெஸ்டோ பார்களில் விற்கப்படும் மதுக்களுக்கு கலால்வரி செலுத்தப்படுகிறதா? என்ற சந்தேகம் உள்ளது இதில் மிகப்பெரிய முறைகேடு நடந்துள்ளது இதனை சிபிஐ விசாரிக்க வேண்டும் என்று வைத்திலிங்கம் எம்பி தனது பேட்டியின் போது கேட்டுக் கொண்டார்.
சேனலை கிளிக் செய்து பின்தொடரவும்