டயட்ல இருந்தாலும், ஒர்க் அவுட் பண்ணாலும் உடல் எடை குறையலயா? அப்ப காரணம் இதுதான்!
By Asianet Tamil | First Published Sep 2, 2024, 7:20 PM ISTஉணவுக் கட்டுப்பாடு மற்றும் உடற்பயிற்சி மட்டும் எடையைக் குறைக்காது. நார்ச்சத்து, புரதம் நிறைந்த உணவுகள், மது அருந்துவதை தவிர்ப்பது, நீரிழப்பு, மன அழுத்தம் போன்றவற்றை கட்டுப்படுத்துவதன் மூலம் எடை இழப்பு பயணத்தில் வெற்றி பெறலாம்.
இன்றைய வேகமான வாழ்க்கை முறை, மோசமான உணவு முறைகள், உடகார்ந்த வாழ்க்கை முறை உள்ளிட்ட பல காரணங்கள் உடல் பருமன் பிரச்சனை அதிகரித்து வருகிறது. எனவே உடல் எடையை எப்படியாவது குறைக்க வேண்டும் என்பதே பலரின் இலக்காக உள்ளது. இதற்காக பல டயட் முறைகள், உடற்பயிற்சி, ஆரோக்கிய உணவு என பல முயற்சிகளை மேற்கொண்டு வருகின்றனர். சிலருக்கு உடல் எடை குறைந்தாலும் சிலருக்கு உடல் எடையில் எந்த மாற்றமும் இருக்காது.
ஆரோக்கியமான வாழ்க்கை முறையை பராமரித்தாலும், ஏன் உடல் எடை குறையவில்லை என்று எப்போதாவது யோசித்திருக்கிறீர்களா? நீங்கள் செய்யும் சிறிய தவறுகள் கூட எடை இழப்பு பயணத்தில் பாதிப்பை ஏற்படுத்தலாம். எனவே உடல் எடை பயணத்தில் இருக்கும் போது நீங்கள் மனதில் கொள்ள வேண்டிய முக்கியமான விஷயங்கள் குறித்து இந்த பதிவில் பார்க்கலாம்.
Latest Videos
உங்கள் செரிமான அமைப்பு நல்ல நிலையில் இருக்கிறதா? இதெல்லாம் தான் அறிகுறிகள்!
உடல் எடையை குறைக்க வேண்டும் விரும்புவோர் முதலில் மனதில் கொள்ள வேண்டியது என்னவென்றால், உணவுக் கட்டுப்பாடு மற்றும் உடற்பயிற்சி செய்வது எடையைக் குறைக்க உதவாது. நார்ச்சத்து, புரதம், வைட்டமின்கள், தாதுக்கள் மற்றும் பிற அத்தியாவசிய ஊட்டச்சத்துக்கள் நிறைந்த உணவுகள் எடையைக் குறைக்க உதவும். இந்த உணவுகள் உங்கள் உணவுத் திட்டத்தில் சேர்க்கப்பட வேண்டும். நீங்கள் உடல் எடையை குறைக்கவில்லை என்பதை நீங்கள் கவனித்தால், நீங்கள் குறைவான சத்துள்ள உணவுகளை உட்கொள்வதால், உடல் எடையை குறைக்க தேவையான ஊட்டச்சத்தை இழக்க நேரிடும்.
உடல் எடையை குறைக்க நினைத்தால்
நீங்கள் எடை இழப்பு பயணத்தில் கட்டாயம் மது அருந்துவதை தவிர்க்க வேண்டும். அதிகமாக மது அருந்தினால் உங்கள் உடல் எடை குறையாது. எனவே குறைவான அளவில் மது அருந்துவதை அல்லது முற்றிலும் மதுவை தவிர்ப்பதை வழக்கமாக்கிக் கொள்ளுங்கள். இது எடை அதிகரிப்பதைத் தவிர்க்க உதவும்.
நீரிழப்பு காரணமாகவும் உங்கள் எடை குறையாமல் இருக்கலாம். ஒவ்வொரு உணவிற்கும் முன் ஒரு கிளாஸ் தண்ணீர் குடிப்பது அதிக கலோரிகளை எரிக்க உதவும். உணவுக்கு முன் தண்ணீர் குடிப்பது உங்கள் பசியை குறைக்கவும் உதவும். இதனால் நீங்கள் எடுக்கும் கலோரிகளின் அளவும் குறையும்.
நீங்கள் பதற்றமாக இருக்கும்போது, குறுகிய ஆறுதலாக நொறுக்குத் தீனிகள் அல்லது அதிக கலோரி கொண்ட பொருட்களை சாப்பிடும் வாய்ப்புகள் அதிகம். உங்களுக்கு பசி இல்லாவிட்டாலும் அதிகமாக சாப்பிட வாய்ப்பு உள்ளது. எனவே, எடையைக் குறைக்கவும், தினசரி மன அழுத்தத்தை சரியாக நிர்வகிக்கவும், ஒருவர் மன அழுத்த மேலாண்மை உத்திகளைக் கடைப்பிடிக்க வேண்டும். தியானம், யோகா போன்ற பழக்கங்களில் ஈடுபடலாம்.
21 நாட்களில் ஹீரோயின் போல ஜொலிக்கணுமா? இந்த சீக்ரெட்ஜூஸை ட்ரை பண்ணி பாருங்க!
குறைந்த புரத உணவு
உங்கள் உணவில் 25-30% புரதம் இருந்தால், நீங்கள் இயற்கையாகவே ஒவ்வொரு நாளும் பல நூறு கலோரிகளை குறைவாக எரிக்கலாம். உங்கள் வளர்சிதை மாற்றத்தை 80-100 கலோரிகளால் அதிகரிக்கலாம். இது பசி மற்றும் தின்பண்டங்களின் தேவையை கணிசமாகக் குறைக்கும். நிறைவான, அதிக புரதம் கொண்ட காலை உணவை உண்ணுங்கள்.
சேனலை கிளிக் செய்து பின்தொடரவும்