புகைப்பிடித்தலோ, உணவு முறையோ இல்ல.. நீரிழிவு நோயாளிகளுக்கு இதய நோய்கள் ஏற்பட இதுதான் முக்கிய காரணம்..
By Ramya s | First Published Jun 30, 2023, 3:44 PM ISTநீரிழிவு நோயாளிகளின் இதயப் பிரச்சனைகள் ஏற்பட தனிமை உணர்வே பெரிய காரணமாக இருப்பது சமீபத்திய ஆய்வில் தெரியவந்துள்ளது.
நீரிழிவு நோயாளிகளிடையே, உணவு, உடற்பயிற்சி, புகைபிடித்தல் மற்றும் மனச்சோர்வு ஆகியவற்றை விட தனிமை தான் மிகப்பெரிய அச்சுறுத்தலாக மாறி உள்ளது. ஆம். இதய நோய்களுக்கு, தனிமை தான் பெரிய ஆபத்தை ஏற்படுத்துகிறது என்று ஆராய்ச்சியாளர்கள் கண்டுபிடித்துள்ளனர். இந்த ஆய்வின் முடிவுகள் ஐரோப்பிய இதய இதழில் வெளியிடப்பட்டுள்ளன.
அமெரிக்காவின் நியூ ஆர்லியன்ஸில் உள்ள துலேன் பல்கலைக்கழக பொது சுகாதாரம் மற்றும் வெப்பமண்டல மருத்துவப் பள்ளியின் ஆராய்ச்சி எழுத்தாளர் பேராசிரியர் லு குய் கூறுகையில் “ நீரிழிவு நோயாளிகளின் இதய ஆரோக்கியத்திற்கு தொடர்புகளின் எண்ணிக்கையை விட சமூக தொடர்புகளின் தரம் மிகவும் குறிப்பிடத்தக்கதாகத் தெரிகிறது. நீரிழிவு நோயாளிகள் தனிமையை அனுபவிக்கும் வாய்ப்புகள் அதிகம். இது இதய நோயை உருவாக்கும் வாய்ப்பு அதிகம். பொது மக்களின் முந்தைய ஆய்வுகளில் தனிமை மற்றும் சமூக தனிமை ஆகிய இரண்டும் இதய நோய்க்கான அதிக ஆபத்துடன் இணைக்கப்பட்டுள்ளன. நீரிழிவு நோயாளிகளிடம் நடத்தப்பட்ட ஆய்வில், தனிமையாக உணர்பவர்கள் அல்லது சமூகத்திலிருந்து துண்டிக்கப்படுபவர்களுக்கு இதய நோய் வருவதற்கான ஆபத்து அதிகம் என்று கண்டறியப்பட்டது.” என்று தெரிவித்தார்.
Latest Videos
undefined
தவறியும் குழந்தைகள் முன் பெற்றோர் இந்த 4 வார்த்தைகளை சொல்லாதீங்க!! இதனால் மோசமான விளைவு வரும்!!
ஆய்வு எப்படி நடந்தது?
இந்த ஆய்வில் இங்கிலாந்தை சேர்ந்த 37 மற்றும் 73 வயதுக்குட்பட்ட 18,509 நபர்கள் நீரிழிவு நோயால் பாதிக்கப்பட்டவர்கள் ஆய்வில் சேர்க்கப்பட்டனர். ஆனால் ஆரம்பத்தில் இதய நோய் இல்லாதவர்கள் இந்த ஆய்வில் பங்கேற்றனர். இதில் தனிமையின் உணர்வுகள் மதிப்பிடப்பட்டன. உதாரணமாக சமூக தனிமைப்படுத்தலின் அபாயத்தை அதிகரிக்கும் குணாதிசயங்கள் தனிமையில் வாழ்வது, குடும்பம் மற்றும் நண்பர்கள் குறைவாக அடிக்கடி வருவது மற்றும் வாரத்திற்கு ஒரு முறையாவது சமூக நடவடிக்கைகளில் ஈடுபடாமல் இருப்பது ஆகியவை அடங்கும்.
பாலினம், வயது, ஏழ்மை, ஒருவரின் உடல் நிறை குறியீட்டெண் (பிஎம்ஐ), மருந்துகள், உணவுமுறை, உடற்பயிற்சி, சிகரெட் மற்றும் மது அருந்துதல், மற்றும் ரத்த சர்க்கரை மேலாண்மை, ரத்த அழுத்தம் போன்ற இணைப்புகளைப் பாதிக்கக்கூடிய மாறிகளைக் கட்டுப்படுத்திய பிறகு கொலஸ்ட்ரால், தனிமைப்படுத்துதல் மற்றும் தனிமை உணர்வு மற்றும் இதய நோய் நிகழ்வுகளுக்கு இடையிலான தொடர்பை ஆராய்ச்சியாளர்கள் ஆய்வு செய்தனர்.
ஆய்வில் என்ன கண்டுபிடிக்கப்பட்டது?
3,247 நபர்கள் 10.7 வருடங்களின் சராசரி கண்காணிப்பின் போது இருதய நோயை அனுபவித்தனர், அவர்களில் 2,771 பேர் கரோனரி இதய நோயையும் 701 பேர் பக்கவாதத்தையும் அனுபவித்தனர். சில நோயாளிகளுக்கு இரண்டும் இருந்தது. குறைந்த தனிமை நிலை உள்ளவர்களுடன் ஒப்பிடும்போது, தனிமையை உணர்ந்தவர்களின் இருதய நோய் அபாயம் 11% மற்றும் 26% அதிகமாக இருந்தது. கரோனரி இதய நோய்க்கும் இதே போன்ற கண்டுபிடிப்புகள் காணப்பட்டன. மற்ற ஆபத்து காரணிகளுடன் ஒப்பிடுகையில், இருதய நோய்க்கான நிகழ்தகவு மீதான தனிமைப்படுத்தலின் விகிதாசார தாக்கமும் ஆராய்ச்சியாளர்களால் மதிப்பிடப்பட்டது.
புகைபிடித்தல், ரத்த அழுத்தம், சிறுநீரக செயல்பாடு மற்றும் உடல் செயலற்ற தன்மை ஆகியவற்றை விட தனிமையின் காரணமாக ஏற்படும் மனச்சோர்வுக் கோளாறுகள் அதிக விளைவை ஏற்படுத்தியது கண்டுபிடிக்கப்பட்டது. கூடுதலாக, தனிமையை அனுபவிக்கும் நபர்கள், ரத்த சர்க்கரை, உயர் இரத்த அழுத்தம், உயர் கொழுப்பு, புகைபிடித்தல் மற்றும் பலவீனமான சிறுநீரக செயல்பாடு போன்றவை உடல்நல ஆபத்து காரணிகளை அதிக அளவில் அனுபவிக்கின்றனர் என்பதும் கண்டறியப்பட்டது.
சேனலை கிளிக் செய்து பின்தொடரவும்