Oct 14, 2018, 9:54 AM IST
டெல்லியில் குர்கான் நகரில் மக்கள் நடமாட்டம் அதிகமுள்ள இடத்தில் நீதிபதியின் மனைவி மற்றும் மகன் மீது துப்பாக்கிச்சூடு நடத்திய சம்பவம் பரபரப்பை ஏற்படுத்தியுள்ளது. இந்த துப்பாக்கிச்சூடு நடத்தியது அவர்களுக்கு பாதுகாப்பு பணியில் ஈடுபட்டு இருந்த பாதுகாவலரே என்பது அதிர்ச்சியை ஏற்படுத்தியுள்ளது. இதனையடுத்து அவரை போலீசார் கைது செய்துள்ளனர். இந்த துப்பாக்கிச்சூட்டில் படுகாயமடைந்த இருவரும் மருத்துவமனையில் அனுமதிக்கப்பட்டுள்ளனர்.
விசாரணையில், துப்பாக்கிச்சூடு நடத்திய பாதுகாவலரின் பெயர் மகிபால் என்பதும், கடந்த ஒன்றரை ஆண்டுகளாக இந்த பாதுகாப்பு பணியில் ஈடுபட்டு வந்ததும் தெரிய வந்துள்ளது. இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.