சின்னத்திரை சீரியல்களின் டிஆர்பி நிலவரம் வார வாரம் வெளியிடப்படும். அந்த வகையில் 2025-ம் ஆண்டின் 44-வது வாரத்திற்கான டாப் 10 தமிழ் சீரியல்களின் டிஆர்பி ரேட்டிங் வெளியாகி உள்ளது.
சின்னத்திரை சீரியல்களின் வெற்றி, தோல்வியை தீர்மானிப்பது அதன் டிஆர்பி ரேட்டிங்ஸ் தான். ஒவ்வொரு வாரமும் சீரியல்களுக்கான டிஆர்பி ரேட்டிங் வெளியிடப்படும். அந்த வகையில் 2025-ம் ஆண்டின் 44-வது வாரத்திற்கான டாப் 10 தமிழ் சீரியல்களுக்கான டிஆர்பி ரேட்டிங் நிலவரம் வெளியாகி உள்ளது. அதில் வழக்கம்போல் சன் டிவி மற்றும் விஜய் டிவி சீரியல்கள் தான் இடம்பெற்று இருக்கின்றன. அது என்னென்ன சீரியல்கள் என்பதை இந்த தொகுப்பில் பார்க்கலாம்.
211
10. ஹனுமன்
சன் டிவியில் இராமாயணம் சீரியல் முடிவுக்கு வந்த பின்னர் ஒளிபரப்பாகி வரும் ஹனுமன் சீரியல், முதல் வாரத்தில் இருந்தே டாப் 10 பட்டியலில் இடம்பிடித்து வருகிறது. கடந்த வாரத்தை போல் இந்த வாரமும் 10வது இடத்தை தக்க வைத்துள்ள ஹனுமன் சீரியல், 6.86 டிஆர்பி ரேட்டிங்கை பெற்றிருக்கிறது.
311
9. பாண்டியன் ஸ்டோர்ஸ் 2
விஜய் டிவியின் பிரைம் டைம் சீரியலான பாண்டியன் ஸ்டோர்ஸ் 2 தொடர், கடந்த வாரம் 7.45 புள்ளிகள் உடன் 9-வது இடத்தை பிடித்திருந்த நிலையில் இந்த வாரம் 7.37 புள்ளிகளை பெற்று அதே இடத்தில் நீடித்து வருகிறது.
விஜய் டிவியில் சக்கைப்போடு போட்டு வரும் சீரியல்களில் அய்யனார் துணை சீரியலும் ஒன்று. இந்த சீரியல் கடந்த வாரம் 8.19 புள்ளிகள் உடன் 7-ம் இடத்தில் இருந்த நிலையில், இந்த வாரம் 8.29 டிஆர்பி உடன் 8-ம் இடத்துக்கு தள்ளப்பட்டு இருக்கிறது.
511
7. அன்னம்
சன் டிவியில் அபி நக்ஷத்ரா நடிப்பில் ஒளிபரப்பாகி வரும் அன்னம் சீரியல், கடந்த வாரம் 8.32 புள்ளிகள் உடன் ஆறாம் இடத்தில் இருந்தது. ஆனால் இந்த வாரம் அதைவிட கூடுதலாக (8.37) டிஆர்பி ரேட்டிங் பெற்றிருந்த போதிலும் 7-ம் இடத்துக்கு தள்ளப்பட்டு உள்ளது.
611
6. சிறகடிக்க ஆசை
விஜய் டிவியின் நம்பர் 1 சீரியலான சிறகடிக்க ஆசை, கடந்த சில வாரங்களாக டிஆர்பியில் பயங்கர அடிவாங்கி இருந்தது. கடந்த வாரம் 8.18 புள்ளிகள் உடன் 8-ம் இடத்தில் இருந்த இந்த சீரியல், இந்த வாரம் மளமளவென முன்னேறி 8.41 புள்ளிகள் உடன் 6-ம் இடத்துக்கு தாவி இருக்கிறது.
711
5. எதிர்நீச்சல் தொடர்கிறது
சன் டிவியின் பிரைம் டைம் சீரியலான எதிர்நீச்சல் தொடர்கிறது, கடந்த வாரம் 8.76 புள்ளிகள் உடன் 4-ம் இடத்தில் இருந்த நிலையில், இந்த வாரம் டிஆர்பியில் சற்று சரிவை சந்தித்து 8.55 புள்ளிகள் உடன் 5-ம் இடத்துக்கு தள்ளப்பட்டு இருக்கிறது.
811
4. மருமகள்
சன் டிவியின் மருமகள் சீரியல், கடந்த வாரம் 8.71 புள்ளிகள் உடன் 5-ம் இடத்தில் இருந்தது. இந்த வாரம் அதைவிட கம்மியான டிஆர்பியை (8.63) பெற்றிருந்தாலும், எதிர்நீச்சல் சீரியலை பின்னுக்கு தள்ளி நான்காம் இடத்துக்கு முன்னேறி இருக்கிறது.
911
3. கயல்
சைத்ரா ரெட்டி நடிப்பில் சன் டிவியில் ஒளிபரப்பாகி வரும் கயல் சீரியல், கடந்த வாரம் 8.88 புள்ளிகளை பெற்றிருந்த நிலையில், இந்த வாரம் அதைவிட கூடுதலாக 9.41 புள்ளிகளை பெற்று மூன்றாம் இடத்தை தக்கவைத்து உள்ளது.
1011
2. சிங்கப்பெண்ணே
சன் டிவியில் திங்கள் முதல் சனிக்கிழமை வரை தினந்தோறும் இரவு 9 மணிக்கு ஒளிபரப்பாகி வரும் சிங்கப்பெண்ணே சீரியல், கடந்த வாரம் 9.62 புள்ளிகள் பெற்றிருந்த நிலையில், இந்த வாரம் 9.78 புள்ளிகளை பெற்று இரண்டாம் இடத்தில் நீடிக்கிறது.
1111
1. மூன்று முடிச்சு
சன் டிவியில் பிரைம் டைம் சீரியலாக ஒளிபரப்பாகி வரும் மூன்று முடிச்சு சீரியல், கடந்த வாரத்தைப் போல் இந்த வாரமும் முதலிடம் பிடித்து அசத்தி உள்ளது. கடந்த வாரம் 9.69 புள்ளிகளை பெற்ற இந்த சீரியல், இந்த வாரம் 10.49 டிஆர்பி ரேட்டிங்கை பெற்று உள்ளது.
