ரீல் ஜோடி... ரியல் ஜோடி ஆனது..! சீரியல் நடிகையை கரம்பிடிக்கும் ‘ராஜா ராணி 2’ பிரபலம்

விஜய் டிவியில் ஒளிபரப்பாகி வரும் ராஜா ராணி 2 சீரியலில் முக்கிய கதாபாத்திரத்தில் நடித்து வரும் பிரபலம் ஒருவர், சீரியல் நடிகையை காதல் திருமணம் செய்ய உள்ளதாக அறிவித்துள்ளார்.

சீரியலில் நடிக்கும் நடிகர், நடிகைகளிடையே காதல் ஏற்பட்டு அவர்கள் திருமணம் செய்துகொள்வது சமீப காலமாக அதிகரித்த வண்ணம் உள்ளது. ஏற்கனவே சரவணன் மீனாட்சி சீரியலில் நடித்த செந்தில் - ஸ்ரீஜா, ராஜா ராணி சீசன் 1-ல் நடித்த சஞ்சீவ் - ஆல்யா மானசா, திருமணம் சீரியலில் நடித்த சித்து - ஸ்ரேயா என இந்த லிஸ்ட் நீண்டு கொண்டே செல்கிறது.

அந்த வரிசையில் தற்போது புதிதாக இணைந்திருப்பவர்கள் பிரிட்டோ - சந்தியா ராமச்சந்திரன் ஜோடி. இவர்கள் இருவரும் தவமாய் தவமிருந்து என்கிற சீரியலில் ஜோடியாக நடித்து வந்தனர். அதில் பிரிட்டோ பாண்டியாகவும், சந்தியா மலர் என்கிற கதாபாத்திரத்திலும் நடித்து வந்தனர். அந்த சீரியலில் இவர்களது கெமிஸ்ட்ரி சூப்பராக ஒர்க் அவுட் ஆகி இருந்ததால், ரசிகர்கள் மத்தியில் இருவரும் பாப்புலர் ஆகினர்.

இதையும் படியுங்கள்... ஒரே சீசனில் ஓஹோனு வாழ்க்கை..! புகழோடு சென்று கார் வாங்கிய 'குக் வித் கோமாளி' பிரபலம்.! குவியும் வாழ்த்து!

அந்த சீரியலில் நடித்த போது இருவருக்கும் இடையே காதல் ஏற்பட்டு, தற்போது இருவரும் குடும்பத்தினர் சம்மதத்துடன் திருமணத்துக்கும் தயாராகி உள்ளனர். அதன்படி கடந்த ஜனவரி 25ந் தேதி பிரிட்டோ - சந்தியா ராமச்சந்திரன் ஜோடிக்கு திருமணம் நிச்சயமாகி உள்ளது. இந்த நிச்சயதார்த்ததில் குடும்பத்தினரும், நெருங்கிய நண்பர்களும் மட்டுமே கலந்துகொண்டனர்.

தற்போது நிச்சயதார்த்தத்தின் போது ஜோடியாக எடுத்த புகைப்படத்தை இருவரும் இன்ஸ்டாகிராமில் பதிவிட்டு உள்ளனர். இதைப் பார்த்த ரசிகர்கள் இருவருக்கும் வாழ்த்துக்களை தெரிவித்து வருகின்றனர். நடிகை பிரிட்டோ, விஜய் டிவியில் ஒளிபரப்பாகி வரும் ராஜா ராணி 2 சீரியலிலும் முக்கிய கதாபாத்திரத்தில் நடித்து வருகிறார். இவர் பிக்பாஸ் பிரபலம் ரியோ ராஜின் நெருங்கிய நண்பர் என்பது குறிப்பிடத்தக்கது.

இதையும் படியுங்கள்... விஜய்யுடன் துபாய்க்கு சீக்ரெட் டிரிப் போன ராஷ்மிகா... புகைப்படம் லீக் ஆனதால் ஷாக் ஆன வாரிசு நடிகை