குக் வித் கோமாளி சீசன் 4 நிகழ்ச்சியில் இதுவரை 9 போட்டியாளர்கள் கலந்துகொண்டுள்ள நிலையில், அடுத்த வாரம் எண்ட்ரி கொடுக்க உள்ள 10வது போட்டியாளர் யார் என்கிற தகவல் வெளியாகி உள்ளது.
குக் வித் கோமாளி நிகழ்ச்சி இதுவரை மூன்று சீசன்கள் முடிவடைந்துள்ளது. அதன்படி முதல் சீசனில் வனிதா டைட்டிலை வென்றார். இரண்டாவது சீசனில் கனியும், மூன்றாவது சீசனில் ஸ்ருத்திகாவும் டைட்டிலை ஜெயித்தனர். மூன்று சீசன்களின் ஹாட்ரிக் வெற்றிக்கு பின்னர் தற்போது குக் வித் கோமாளி நிகழ்ச்சியின் நான்காவது சீசன் தொடங்கப்பட்டு உள்ளது.
நேற்று முன்தினம், ஆரம்பமான இந்நிகழ்ச்சியில், கடந்த சீசனைக் காட்டிலும் சற்று பிரம்மாண்டமாகவே ஏற்பாடுகள் செய்யப்பட்டு இருந்தன. குக் வித் கோமாளி வெற்றிபெற முக்கிய காரணமே கோமாளிகள் தான். அந்த வகையில் இதற்கு முந்தைய சீசன்களில் இருந்த புகழ், குரேஷி, சுனிதா, மணிமேகலை ஆகியோர் மட்டுமே பழைய கோமாளிகள் மற்ற அனைவருமே புதுமுகங்கள் தான். அதில் முதல் வார நிகழ்ச்சியில் ஜிபி முத்து மட்டும் தான் சற்று கவனம் ஈர்த்தார். மற்றபடி எஞ்சியுள்ள புதிய கோமாளிகள் பெரியளவில் சோபிக்கவில்லை.
இதையும் படியுங்கள்... ரூட்டை மாற்றும் நயன்தாரா! தொடர்ந்து சொதப்பல்... இனி அந்த மாதிரி படங்களுக்கு நோ சொல்ல முடிவு
அதேபோல் குக்குகளை பொறுத்தவரை விசித்ரா, ஷெரின், காளையன், கிஷோர், ஸ்ருஷ்டி டாங்கே, ராஜ் ஐயப்பா, விஜே விஷால், ஆண்ட்ரியன் ஆகியோர் பங்கேற்றுள்ளனர். மேலும் கடந்த சீசன்களில் கோமாளியாக வந்து கலக்கிய ஷிவாங்கி, இந்த சீசனில் குக் ஆக களமிறங்கி ஆச்சர்யப்படுத்தி உள்ளார். இதுதவிர மேலும் ஒரு சர்ப்ரைஸ் போட்டியாளர் இருப்பதாகவும் ரக்ஷன் ஹிண்ட் கொடுத்திருந்தார்.
அந்த போட்டியாளர் அடுத்த வார எபிசோடில் தான் எண்ட்ரி கொடுக்க உள்ளதாகவும் அறிவிக்கப்பட்டு இருந்தது. தற்போது அந்த போட்டியாளர் யார் என்கிற தகவல் வெளியாகி உள்ளது. அதன்படி, பல்வேறு தமிழ் படங்களில் வில்லன் மற்றும் குணச்சித்திர வேடங்களில் நடித்து அசத்தி வரும் நடிகர் மைம் கோபி தான் அடுத்த வாரம் 10-வது போட்டியாளராக எண்ட்ரி கொடுக்க உள்ளாராம்.
இதையும் படியுங்கள்... ஏய் சுழலி.. அழகி.! கருப்பு சேலையில் சும்மா நச்சுனு போஸ் கொடுத்த ப்ரேமம் பட நாயகி அனுபமா பரமேஸ்வரன்!!