தாயாக மாறிய ‘குக் வித் கோமாளி’ மணிமேகலை... குழந்தையால் குஷியான ஹுசைன் - குவியும் வாழ்த்துக்கள்

குக் வித் கோமாளி நிகழ்ச்சி மூலம் பேமஸ் ஆன மணிமேகலை, தாயாக மாறி குழந்தையுடன் கொஞ்சி விளையாடியதை பார்த்த ரசிகர்கள் அவருக்கு வாழ்த்துக்களை தெரிவித்து வருகின்றனர்.

manimegalai

சன் மியூசிக்கில் தொகுப்பாளினியாக பணியாற்றி வந்த மணிமேகலை, குக் வித் கோமாளி நிகழ்ச்சி மூலம் தான் பேமஸ் ஆனார். அந்நிகழ்ச்சியின் கடந்த மூன்று சீசன்களாக ரசிகர்களின் மனம்கவர்ந்த கோமாளியாக இருந்து வந்த மணிமேகலை, தற்போது நடைபெற்று வரும் நான்காவது சீசனில் ஒரு சில எபிசோடுகள் மட்டும் கலந்துகொண்டார். பின்னர் திடீரென இந்நிகழ்ச்சியை விட்டு விலகுவதாக அறிவித்து அதிர்ச்சி கொடுத்தார் மணிமேகலை.

manimegalai

திடீரென விலகியதற்கான காரணத்தை அவர் வெளியிடாததால், கர்ப்பமாக இருப்பதன் காரணமாக தான் அவர் விலகியதாக கூறப்பட்டது. ஆனால் அது வெறும் வதந்தி எனக்கூறி சர்ச்சைக்கு முற்றுப்புள்ளி வைத்த மணிமேகலை, பின்னர் சில வாரங்கள் கழித்து குக் வித் கோமாளி நிகழ்ச்சியின் ரீ-எண்ட்ரி கொடுத்தார். ஆனால் இம்முறை கோமாளியாக அல்லாமல் தொகுப்பாளினியாக களமிறங்கி அசத்தி வருகிறார்.

manimegalai

மணிமேகலை பெற்றோரின் எதிர்ப்பை மீறி ஹுசைன் என்பவரை காதல் திருமணம் செய்துகொண்டார் என்பது அனைவரும் அறிந்ததே. திருமணத்துக்கு பின்னர் தான் இவரது கெரியர் அசுர வளர்ச்சி கண்டது. சின்னத்திரையில் கலக்கி வரும் மணிமேகலை, தன் கணவருடன் சேர்ந்து யூடியூப் சேனல் ஒன்றையும் நடத்தி வருகிறார். அதிலும் இவர்களுக்கு ஏராளமான ரசிகர் பட்டாளமே உள்ளது. அவர்களை மகிழ்விக்கும் வகையில் பல்வேறு வீடியோக்களை பதிவிட்டு அதன்மூலமும் லட்சக்கணக்கில் சம்பாதித்து வருகிறது இந்த ஜோடி.

இதையும் படியுங்கள்... சாதி பார்த்து தான் வாய்ப்பளிக்கிறேனா? விமர்சனங்கள் குறித்து முதன்முறையாக மனம்திறந்த மாரி செல்வராஜ்

manimegalai

இந்நிலையில், சமீபத்தில் தனியார் யூடியூப் சேனல் ஒன்று ஹுசைன் மணிமேகலை ஜோடியின் பேன்ஸ் மீட் ஒன்றை நடத்தியது. இதில் கலந்துகொண்ட இருவரும், தங்களைப் பற்றி பல்வேறு சுவாரஸ்யமான தகவல்களை பகிர்ந்துகொண்டனர். அப்போது குழந்தை ஒன்றை கொடுத்து அதற்கு டிரஸ் மாட்டி விடுமாறு ஹுசைன் மணிமேகலை ஜோடிக்கு டாஸ்க் ஒன்று கொடுக்கப்பட்டது.

manimegalai

இதற்காக குழந்தையை வாங்கினார் மணிமேகலை. அப்போது அவரை பார்த்ததும் அந்த குழந்தை அழத் தொடங்கியது. பின்னர் ஹுசைனிடம் சென்றது அழுகையை நிறுத்தியது. இதனால் ஹுசைன் குஷியானார். இதைப் பார்த்து கடுப்பான மணிமேகலை அந்த குழந்தையுடன் செல்ல சண்டை போட்டார். பின்னர் ஒரு தாயாக மாறி மணிமேகலை அந்த குழந்தையை கவனித்துக் கொண்டதை பார்த்த ரசிகர்கள் சீக்கிரமே உங்களுக்கு குழந்தை பிறக்க வேண்டும் என வாழ்த்தி வருகின்றனர். 

இதையும் படியுங்கள்... ரஜினி - கமலுக்கு நோ.. அட்ஜஸ்ட்மெண்டிலும் நடிகர்களின் காதல் வலையிலும் சிக்காத ஒரே நடிகை இவங்கதானம்!