Baakiyalakshmi promo - ஆங்கிலத்தில் பேசி சொடக்கு போட்டு ராதிகாவை அசரவைக்கும் பாக்கியா!

ராதிகாவின் அலுவலகத்தில் கேண்டீன் திறந்து வந்தவர்களுக்கு ஆங்கிலத்தில் வரவேற்று சவாலில் ஜெயித்துவிட்டார் பாக்கியா! ராதிகாவுக்கும் பதிலடி பேசி மிரளவைக்கிறார் இந்த வார புரோமோவில் மாஸ் காட்டுகிறார் பாக்கியலட்சுமி!  

விஜய் தொலைக்காட்சியில் திங்கள் முதல் சனிக்கிழமை வரை இரவு 8.30 முதல் 9 மணி வரை பாக்கியலட்சுமி சீரியல் ஒளிபரப்பாகி வருகிறது. இதில், பாக்கியலட்சுமியாக சுசித்ரா ஷெட்டி, கோபியாக சதீஷ்குமார், பாக்கிலட்சுமியின் மாமனார் ராமமூர்த்தியாக எஸ்டிபி ரோசரி, மாமியார் ஈஸ்வரியாக ராஜலக்ஷ்மி ஆகியோர் நடித்து வருகின்றனர்.

தொலைத்த வாழ்க்கையை தேடிச் செல்கிறேன் என்ற பெயரில் கோபி, ராதிகாவை கல்யாணம் செய்துகொண்டு படாதபாடு படுகிறார். இந்த பக்கம் பாக்கியலட்சுமியும் தன் வாழ்க்கையை வேறுகோணத்தில் சிந்திக்க ஆரம்பித்து பயணித்து வருகிறார்.

கடந்த எபிசோட்களில், ராதிகா அலுவலகத்தில் கேண்டீன் டெண்டரில் ஜெயிக்கும் பாக்கியலட்சுமிக்கு, ராதிகா சவால் விடுகிறார், ஆங்கிலத்தில் பேசுமாறு. பாக்கியாவும் இது தன் திறமைக்கு தீனியாக எடுத்துக்கொண்டு ஆங்கிலம் கற்க ஆரம்பிக்கிறார். இந்த வார புரோமோவில் ஆவர் ஆங்கிலம் பேசி ராதிகாவின் சவாலில் ஜெயிப்பதாக காட்டப்பட்டுள்ளது.

அதில், ராதிகா பணிபுரியும் அலுவலகத்தில் பாக்யாவின் ஈஸ்வரி கேண்டின் வெற்றிகரமாக திறக்கப்படுகிறது. திறப்பு விழாவில் வந்ததற்கு நன்றி என ஆங்கிலத்தில் சொல்லும் பாக்கியலட்சுமியை பார்த்து அதிர்ச்சியில் உறைகிறார் ராதிகா. தெரியாத விஷயத்தை வைத்து நம்மள யாராச்சும் அடிக்கிறாங்கன்னா, அவங்களுக்கு அந்த வாய்ப்பையும் கொடுக்கக் கூடாது என்று சொடக்குப் போட்டு வேறு சொல்கிறாள் பாக்கியலட்சுமி.