பெங்களூருவை சேர்ந்தவர் மதுமிதா. இவர் கடந்த 2018-ம் ஆண்டு முதல் கன்னட சீரியல்களில் நடித்து வந்தார். இதையடுத்து 2019-ம் ஆண்டு ஜீ தமிழில் ஒளிபரப்பான பிரியாத வரம் வேண்டும் என்கிற சீரியலில் நாயகியாக நடிக்க கமிட் ஆனார். பின்னர் சன் டிவிக்கு தாவிய மதுமிதா, கடந்த 2022-ம் ஆண்டு திருச்செல்வம் இயக்கத்தில் தொடங்கப்பட்ட எதிர்நீச்சல் சீரியலில் நாயகியாக நடிக்க கமிட் ஆனார். அந்த சீரியலில் ஜனனி என்கிற கேரக்டரில் நடித்தார் மதுமிதா. அந்த சீரியல் பிளாக்பஸ்டர் ஹிட் ஆனது. இந்த சீரியல் கடந்த 2024-ம் ஆண்டு முடிவுக்கு வந்தது.
இதையடுத்து விஜய் டிவிக்கு சென்ற மதுமிதா, அங்கு அய்யனார் துணை என்கிற சீரியலில் நடிக்க கமிட் ஆனார். அய்யனார் துணை சீரியல் தொடங்கிய ஒரே வருடத்தில் ரசிகர்கள் மத்தியில் அமோக வரவேற்பை பெற்று வருகிறது. இதன் காரணமாக விஜய் டிவியில் அதிக டிஆர்பி ரேட்டிங்கை பெற்று முதல் இடத்தில் இருந்து வருகிறது அய்யனார் துணை. தற்போது பிரைம் டைம் சீரியலாக இது ஒளிபரப்பாகி வருகிறது. அந்த சீரியலில் நிலா என்கிற கேரக்டரில் நடித்து வருகிறார் மதுமிதா. அவருக்கு ஜோடியாக அரவிந்த் நடிக்கிறார்.
34
காதலனை அறிமுகப்படுத்திய மதுமிதா
மதுமிதாவின் நடிப்புக்கு பல்வேறு விருதுகளும் கிடைத்திருக்கின்றன. இந்த நிலையில், தன்னுடைய வாழ்க்கை குறித்த முக்கிய அப்டேட்டை வெளியிட உள்ளதாக குறிப்பிட்ட மதுமிதா, தன்னுடைய காதலனை கடந்த வாரம் அறிமுகப்படுத்தினார். அவர் பெயர் பாலாஜி என்பதையும் சொல்லி இருந்தார். இருவரும் தற்போது திருமணத்துக்கு தயாராகிவிட்டனர். அதன்படி தன்னுடைய திருமண தேதியையும் மதுமிதா அதிகாரப்பூர்வமாக அறிவித்துள்ளார். அதைப்பார்த்த ரசிகர்கள், அவருக்கு வாழ்த்துக்களை தெரிவித்த வண்ணம் உள்ளனர்.
அதன்படி மதுமிதா - பாலாஜி ஜோடியின் திருமணம் வருகிற செப்டம்பர் 30ந் தேதி நடைபெறும் என அறிவிக்கப்பட்டு உள்ளது. இந்த பதிவில் தன்னுடைய காதலுடன் ஃபாரினில் நடத்திய போட்டோஷூட்டை பகிர்ந்துள்ளார் மதுமிதா. அவரின் இந்த பதிவுக்கு லைக்ஸுகளும் குவிந்த வண்ணம் உள்ளனர். அய்யனார் துணை சீரியலில் நாயகனாக நடிக்கும் அரவிந்தும் காதல் திருமணம் தான் செய்துகொண்டார். அவர் நடிகை சங்கீதாவை காதலித்து கரம்பிடித்தார். அதேபோல் தற்போது மதுமிதாவை தன்னுடைய நீண்ட நாள் காதலனை கரம்பிடிக்க உள்ளார்.
