Washing Machine வீட்டு உபயோக பொருட்களின் முக்கியத்துவம்
இன்றைய காலகட்டத்தில் ஒவ்வொரு இந்தியக் குடும்பத்திலும் இன்றியமையாத பொருளாக வாஷிங் மெஷின் மாறிவிட்டது. துணிகளைத் துவைக்கும் கடினமான வேலையை இது எளிதாக்கினாலும், பலரும் இதை நிறுவும் (Installation) போது செய்யும் சிறு தவறுகளால் மெஷினின் ஆயுட்காலம் குறைகிறது. குறிப்பாக, வாஷிங் மெஷினுக்கும் சுவற்றிற்கும் இடையே எவ்வளவு இடைவெளி இருக்க வேண்டும், நீர் அழுத்தம் மற்றும் குழாய்களைப் பொருத்துவது போன்ற அடிப்படை விஷயங்களில் நாம் கவனம் செலுத்துவதில்லை. இது பிற்காலத்தில் பெரிய செலவை இழுத்துவிடும்.
25
வாஷிங் மெஷினை எங்கே வைப்பது சரியான முறை?
பெரும்பாலான வீடுகளில் இடம் கிடைக்கும் இடத்தில் வாஷிங் மெஷினை அப்படியே சுவற்றை ஒட்டி வைத்துவிடுகிறார்கள். இது முற்றிலும் தவறான முறை என்று நிபுணர்கள் எச்சரிக்கின்றனர். வாஷிங் மெஷினின் பின்பக்கத்திற்கும் சுவற்றிற்கும் இடையே குறைந்தது 4 முதல் 6 அங்குல இடைவெளி (Gap) இருக்க வேண்டும். இந்த இடைவெளி இருந்தால்தான் மெஷின் இயங்கும் போது ஏற்படும் அதிர்வுகள் (Vibration) சீராக இருக்கும். மேலும், பின்னால் உள்ள வயர்கள் மற்றும் குழாய்களுக்கு அழுத்தம் ஏற்படாமல் இது பாதுகாக்கிறது.
35
சுவற்றை ஒட்டி வைத்தால் என்ன ஆபத்து?
வாஷிங் மெஷின் சுவற்றை ஒட்டி இருந்தால், துணிகளை அலசும்போதும் பிழிந்து எடுக்கும்போதும் (Spin Cycle) டிரம் வேகமாகச் சுழல்வதால் ஏற்படும் அதிர்வால் மெஷின் சுவற்றில் மோதக்கூடும். இதனால் அதிக சத்தம் வருவது மட்டுமின்றி, மெஷினின் பாகங்கள் விரைவில் தேய்மானமடையும். மேலும், தண்ணீர் குழாய்கள் வளைந்து நீர் ஓட்டம் தடைபடலாம். இதனால் மோட்டார் பழுதாகி, தண்ணீர் கசிவு ஏற்படவும் வாய்ப்புள்ளது. போதுமான இடைவெளி இருந்தால்தான் காற்று ஓட்டம் (Airflow) சீராக இருந்து மோட்டார் சூடாவதைத் தடுக்கும்.
வாஷிங் மெஷினை எப்போதும் சமமான மற்றும் உறுதியான தரையில் (Flat Surface) வைக்க வேண்டும். தரை மேடு பள்ளமாக இருந்தால் அதிர்வு அதிகமாகி மெஷின் அடிக்கடி சுவற்றில் இடிக்கும். வீட்டில் இடப்பற்றாக்குறை இருந்தால், அதிர்வைக் குறைக்கும் பேட்கள் (Anti-vibration pads) அல்லது உறுதியான ஸ்டாண்டுகளைப் பயன்படுத்தலாம். அதேபோல, தண்ணீர் வரும் மற்றும் வெளியேறும் குழாய்களை மிகவும் இறுக்கமாகப் பொருத்தக்கூடாது; அவை இயல்பாக அசைய இடம் இருக்க வேண்டும். மெஷினை நிறுவிய பின் ஒருமுறை துணிகள் இல்லாமல் ஓடவிட்டு, அது சுவற்றில் இடிக்கிறதா என்று சோதிப்பது நல்லது.
55
குளிர்காலத்தில் வாஷிங் மெஷின் பராமரிப்பு
குளிர்காலத்தில் குழாய்களில் உள்ள தண்ணீர் மிகவும் குளிர்ந்து போவதால், மோட்டாருக்கு அதிக அழுத்தம் ஏற்படும். இதைத் தவிர்க்க, உங்கள் மெஷினில் வசதி இருந்தால் வாரத்திற்கு ஒருமுறை வெதுவெதுப்பான நீரில் (Warm water cycle) இயக்கலாம். மேலும், அதிக துணிகளைப் போட்டு மெஷினைத் திணறடிக்க வேண்டாம். துவை்த்து முடித்த பிறகு, ஈரப்பதம் தங்கி துர்நாற்றம் வராமல் இருக்க மெஷினின் கதவைச் சற்று திறந்து வைக்க வேண்டும். இந்தச் சிறிய மாற்றங்களைச் செய்வதன் மூலம் பழுதுபார்ப்புச் செலவைக் குறைத்து வாஷிங் மெஷினின் ஆயுளை அதிகரிக்கலாம்.
