கூகுள் பிக்சல் லேப்டாப் வருது.. MacBook-க்கு நேரடி போட்டி.. ஆரம்பமே அசத்தல்.!

கூகுள், "பிக்சல்" பிராண்டின் கீழ் ஒரு புதிய லேப்டாப்பை உருவாக்கி வருவதாக தகவல் வெளியாகியுள்ளது. இது "பிக்சல் Glow" மற்றும் Gemini ஏஐ போன்ற பிரத்யேக அம்சங்களுடன் ஆப்பிள் மேக்புக்கிற்கு போட்டியாக வரலாம்.

கூகுள் பிக்சல் லேப்டாப்

கூகுள் இனி ஸ்மார்ட்போன்களிலேயே நின்று விடப் போவதில்லை போலிருக்கிறது. புதிய திசையில் நகரும் இந்த டெக் ஜெயன்ட், “பிக்சல்” பிராண்டின் கீழ் ஒரு லேப்டாப்பை உருவாக்கிக் கொண்டுள்ளது என்ற தகவல் வெளியாகியுள்ளது. இந்த லேப்டாப் நேரடியாக ஆப்பிள் நிறுவனத்தின் மேக்புக்-க்கு போட்டியாக வரலாம் என்பதால் டெக் உலகில் நல்ல எதிர்பார்ப்பு உருவாகியுள்ளது.

குறிப்பாக முக்கிய ஏஐ அம்சங்களே இந்த சாதனத்தின் ஹைலைட் என சொல்லப்படுகிறது. இந்த பிக்சல் லேப்டாப்பின் மிக விசேஷமான அம்சம் “பிக்சல் Glow” எனப்படும் புதிய தொழில்நுட்பம். இது சாதாரண அறிவிப்பு லைட் அல்ல. லேப்டாப்பின் பின்புறத்தில் இருக்கும் ஒரு மென்மையான லைட் மூலம், பயனர் திரையைப் பார்க்காமல் கூட முக்கிய தகவல்களை அறிந்து கொள்ள முடியும்.

பிக்சல் லேப்டாப் அம்சங்கள்

உதாரணமாக, முக்கியமான ஒருவரின் கால் வந்தாலோ அல்லது ஏஐ உடன் தொடர்பு கொண்டாலோ, இந்த லைட் ஒரு குறிப்பிட்ட முறையில் ஒளிரும். இது தினசரி பயன்பாட்டில் ஒரு புதிய அனுபவத்தை தரும். 9to5கூகுள் வெளியிட்ட தகவல்படி, இந்த பிக்சல் Glow அம்சம் Android Canary மற்றும் Android 17 beta-வில் கண்டறியப்பட்டுள்ளது. இதனால் இந்த அம்சம் உண்மையிலேயே வரக்கூடும் என்ற நம்பிக்கை அதிகரித்துள்ளது.

பயனர் தொடர்ந்து திரையை பார்க்க வேண்டிய அவசியத்தை குறைப்பதே இதன் முக்கிய நோக்கம். மேலும், இந்த லேப்டாப்பில் Gemini ஏஐ இணைப்பு மிக முக்கிய பங்கு வகிக்கிறது. இந்த ஏஐ மூலம், சாதனம் இன்னும் புத்திசாலித்தனமாக செயல்படும். குரல் கட்டளைகள், புத்திசாலித்தனமான பரிந்துரைகள், நிகழ் நேர தொடர்புகள் போன்றவை மிகவும் எளிதாக இருக்கும். இதனால் ஹேண்ட்ஸ்-ஃப்ரீ பயன்பாடு கூட அதிகமாக சாத்தியமாகும்.

பிக்சல்புக்

கூகுள் முன்பு பிக்சல்புக் போன்ற சாதனங்களை வெளியிட்டிருந்தாலும், இந்த முறை ஏஐ-ஐ மையமாக வைத்து பெரிய மாற்றத்தை நோக்கி வருகிறது. அதனுடன், கூகுள் ஏஐ ஸ்மார்ட் கண்ணாடிகள் மீதும் கவனம் செலுத்துகிறது. luxury brand GUCCI உடன் இணைந்து Android XR அடிப்படையில் smart glasses உருவாக்கப்படலாம் என தகவல்கள் வெளியாகியுள்ளன. 

இதில் நிகழ்நேர மொழிபெயர்ப்பு, வழிசெலுத்தல், இன்-லென்ஸ் காட்சி போன்ற அம்சங்கள் இருக்கலாம். பிக்சல் லேப்டாப் குறித்த அதிகாரப்பூர்வ அறிவிப்பு வரவில்லை என்றாலும், வரும் கூகுள் I/O நிகழ்வில் ஒரு டீசர் வெளியாகும் வாய்ப்பு அதிகம்.