WhatsApp-ல் பணம் சம்பாதிக்க சூப்பர் வாய்ப்பு.. உங்கள் வீடியோக்கள் மூலம் இனி காசு மழை.. முழு விவரம்!

WhatsApp Monetization: யூடியூப், இன்ஸ்டாகிராம் போன்ற சோஷியல் மீடியா மட்டுமின்றி இப்போது வாட்ஸ் அப் வாயிலாகவும் பணம் சம்பாதிக்கலாம். அது எப்படி என்பது குறித்து விரிவாக பார்ப்போம். 

வாட்ஸ் அப் மூலம் பணம் சம்பாதிக்கலாம்

இப்போது பலரும் யூடியூப், இன்ஸ்டாகிராம் போன்ற சோஷியல் மீடியா தளங்களில் வீடியோ, போட்டோக்களை போஸ்ட் செய்து லட்சக்கணக்கில் சம்பாதித்து வருகிறார்கள். நீங்களும் ஒரு வாட்ஸ் அப் சேனல் தொடங்க வேண்டும் என நினைத்தால், உங்களுக்கு இதோ ஒரு சூப்பர் வாய்ப்பு. யூடியூப் போலவே வாட்ஸ்அப் நிறுவனமும் பணம் சம்பாதிக்கும் வாய்ப்பை வழங்க திட்டமிட்டுள்ளது. இனி யூடியூப், இன்ஸ்டா மட்டுமல்ல, வாட்ஸ்அப் மூலமாகவும் நீங்கள் வருமானம் ஈட்டலாம்.

வல்லுநர்கள் சொல்வது என்ன?

வாட்ஸ்அப் இனி வெறும் சாட் செய்வதற்கு மட்டுமான செயலியாக இருக்காது. வெளியான தகவல்களின்படி, வாட்ஸ்அப் கொண்டுவரும் புதிய ஃபீச்சர் மூலம், பயனர்கள் தங்கள் வாட்ஸ்அப் சேனல் வழியாக பணம் சம்பாதிக்க முடியும். நீங்கள் ஒரு வாட்ஸ்அப் சேனல் தொடங்குவது பற்றி யோசித்தால், இதுதான் சரியான நேரம் என்கிறார்கள் வல்லுநர்கள். ஆனால், இதற்காக வாட்ஸ்அப் சில நிபந்தனைகளையும் விதிக்கிறது. 

சேனல் தொடங்கினால் காசு

தகவல்களின்படி, இந்த புதிய ஃபீச்சர் வந்த பிறகு, பயனர்கள் எல்லா வாட்ஸ்அப் சேனல்களையும் இலவசமாக பார்க்க முடியாது. சில குறிப்பிட்ட சேனல்களை சப்ஸ்கிரைப் செய்ய பணம் செலுத்த வேண்டியிருக்கும். ஆனால், எல்லா சேனல்களுக்கும் பணம் செலுத்த தேவையில்லை. வாட்ஸ்அப் இதற்கான ஆப்ஷனை வழங்கும். அதாவது, பணம் செலுத்தி பார்க்க வேண்டிய சேனல்கள் (Paid Channels) மற்றும் இலவச சேனல்கள் என தனித்தனியாகக் காட்டப்படும்.

சந்தா கட்டணம் மூலம் வருமானம்

இப்போதும் கூட வாட்ஸ்அப்பில் சேனல்களை உருவாக்க முடியும். பயனர்கள் எந்த கட்டணமும் இல்லாமல் சேனல்களை சப்ஸ்கிரைப் செய்யலாம். ஆனால், புதிய ஃபீச்சர் வந்தவுடன் இந்த விதிமுறை மாறும். சில சேனல்களைப் பார்க்க பயனர்கள் சந்தா கட்டணம் செலுத்த வேண்டும். ஒரு சேனலுக்கு சப்ஸ்கிரைப் செய்வதற்கு முன்பு, அந்த சேனல் பற்றியும், அதில் உள்ள சப்ஸ்கிரைபர்கள் பற்றியும் முழு தகவல்களைப் பெறும் உரிமை பயனர்களுக்கு இருக்கும்.

வாட்ஸ்அப் சேனல் தொடங்குவது எப்படி?

வாட்ஸ்அப் சேனல் உருவாக்குவது மிகவும் சுலபம். Android மற்றும் iPhone இரண்டிலுமே இதைச் செய்யலாம். முதலில், உங்கள் வாட்ஸ்அப் செயலியைத் திறந்து, 'Channels' பகுதிக்குச் செல்லுங்கள். சேனல்களின் பட்டியலுக்குக் கீழே 'Create Channel' என்ற ஆப்ஷன் இருக்கும். அதைத் தேர்ந்தெடுக்கவும். வாட்ஸ்அப் காட்டும் வழிமுறைகளைச் சரியாகப் படித்துவிட்டு தொடரவும். அடுத்த பக்கத்தில், உங்கள் சேனலின் பெயர் மற்றும் பிற விவரங்கள் கேட்கப்படும். விரும்பினால், சேனலுக்கு ஒரு ஐகானையும் சேர்க்கலாம். தேவையான தகவல்களை நிரப்பிய பிறகு, 'Create' பட்டனை தட்டினால் உங்கள் சேனல் தயாராகிவிடும்.

கன்டென்ட் கிரியேட்டர்களுக்கு ஜாக்பாட்

மேலும், கன்டென்ட் கிரியேட்டர்களுக்காக வாட்ஸ்அப் ஒரு புதிய வசதியையும் வழங்குகிறது. இதன் மூலம், கிரியேட்டர்கள் தங்களின் சில பிரத்யேக வீடியோக்களை 'லாக்' செய்து வைக்கலாம். பணம் செலுத்திய சப்ஸ்கிரைபர்கள் மட்டுமே அந்த வீடியோக்களைப் பார்க்க முடியும்.