கரண்ட் பில் எகிறுதா? எல்ஜி முதல் சாம்சங் வரை: சிறிய குடும்பங்களுக்கு ஏற்ற டாப் 5 வாஷிங் மெஷின்கள்!

மின்சாரக் கட்டணத்தைச் சேமிக்கவும், குறைந்த அளவு தண்ணீர் மற்றும் மின்சாரத்தைப் பயன்படுத்திச் சிறந்த சலவை அனுபவத்தைப் பெறவும் உதவக்கூடிய 5-ஸ்டார் எனர்ஜி ரேட்டிங் கொண்ட மலிவு விலை வாஷிங் மெஷின்கள் குறித்து பார்போம்.

குறைந்த விலையில் கிடைக்கும் 5 ஸ்டார் வாஷிங் மெஷின்கள்

அதிகரித்து வரும் மின்சாரக் கட்டணச் செலவுகளால் மக்கள் கவலையடைந்து வரும் நிலையில், வீட்டில் மின்சாரத்தைச் சேமிக்க எனர்ஜி-எஃபிஷியன்ட் (Energy-efficient) வாஷிங் மெஷின்களை வாங்குவது சிறந்த வழியாகும். 5-ஸ்டார் பிஇஇ (BEE) ரேட்டிங் கொண்ட வாஷிங் மெஷின்கள் மிகக் குறைந்த மின்சாரம் மற்றும் தண்ணீரைப் பயன்படுத்திச் சிறந்த சலவை அனுபவத்தை வழங்குகின்றன. பட்ஜெட் விலையில் இந்தியச் சந்தையில் கிடைக்கும் 5-ஸ்டார் ரேட்டிங் கொண்ட சிறந்த வாஷிங் மெஷின்கள் குறித்த முழுமையான விவரங்களை பற்றி பார்போம்.

எல்ஜி வாஷிங் மெஷின் (LG)

சிறிய மற்றும் நடுத்தரக் குடும்பங்களுக்கு ஏற்ற இந்த எல்ஜி 7 கிலோ ஃபிரண்ட் லோட் வாஷிங் மெஷின் தரம் மற்றும் சிறந்த செயல்திறனை வழங்குகிறது. இதில் உள்ள 'இன்வெர்ட்டர் டைரக்ட் டிரைவ்' (Inverter Direct Drive) மற்றும் '6 மோஷன் டிடி' (6 Motion DD) தொழில்நுட்பங்கள் சத்தமில்லாத, அதிர்வுகளற்ற மற்றும் மின்சாரத்தைச் சேமிக்கும் செயல்பாட்டை உறுதி செய்கின்றன. பில்ட்-இன் ஹீட்டர் மற்றும் ஹைஜீன் ஸ்டீம் (Hygiene Steam) வசதி கடினமான கறைகள் மற்றும் அலர்ஜி காரணிகளை நீக்குகிறது. அலர்ஜி கேர், குயிக் 30 உள்ளிட்ட 10 வாஷ் புரோகிராம்கள், துருப்பிடிக்காத ஸ்டீல் டிரம் மற்றும் 1200 ஆர்பிஎம் (RPM) வேகம் ஆகியவை துணிகளுக்குச் சிறந்த பாதுகாப்பை அளிக்கின்றன.

சிறப்பம்சங்கள் - 7 கிலோ கொள்ளளவு, சைல்டு லாக், ஹைஜீன் ஸ்டீம், இன்வெர்ட்டர், எல்இடி டிஸ்ப்ளே, புஷ் பட்டன் கட்டுப்பாடு, 230 வோல்ட், 54 டெசிபல் குறைந்த சத்தம், ஸ்டெயின்லெஸ் ஸ்டீல் டிரம், எசென்ஸ் ஒயிட் நிறம். இதன் விலை - ரூ.18,490. சிறந்த செயல்பாட்டிற்கான பல அம்சங்கள், உறுதியான மற்றும் நேர்த்தியான வடிவமைப்பு, கொடுத்த பணத்திற்கு ஏற்ற மதிப்பு, குறைந்த சத்தம் மற்றும் எளிதான பயன்பாட்டுக்கு உரியது.

விடபிள்யூ விசியோ வேர்ல்ட் (VW Visio World)

குறைந்த பட்ஜெட் குடும்பங்களை இலக்காகக் கொண்டு உருவாக்கப்பட்ட இந்த செமி-ஆட்டோமேட்டிக் டாப் லோட் வாஷிங் மெஷின், சலவைச் செலவுகளைக் குறைக்க உதவுகிறது. 1350 ஆர்.பி.எம் சுழற்சி வேகம் கொண்ட இது நேரத்தை மிச்சப்படுத்துகிறது. இதில் உள்ள ரோலர் ஜெட் பல்சேட்டர் (Roller Jet Pulsator) மற்றும் ஜென்டில், நார்மல், ஸ்ட்ராங் ஆகிய 3 வாஷ் மோடுகள் அழுக்கு மற்றும் கிருமிகளை முழுமையாக நீக்குகின்றன. பிளாஸ்டிக் கட்டமைப்புடன் எலிகளிடமிருந்து பாதுகாக்கும் 'ரேட் அவே' (Rat Away) தொழில்நுட்பம் மற்றும் 15 நிமிடத் தனித்தனி டைமர்கள் இதில் உள்ளன.

சிறப்பம்சங்கள் - 7.5 கிலோ கொள்ளளவு, ரோலர் ஜெட் பல்சேட்டர், ரேட் அவே தொழில்நுட்பம், காலர் ஸ்க்ரப்பர், லின்ட் கலெக்டர், துருப்பிடிக்காத பிளாஸ்டிக் அடிப்பகுதி, நாப் / புஷ் பட்டன், 230 வோல்ட், 3 வாஷ் புரோகிராம்கள், கருப்பு நிறம். இதன் விலை - ரூ.18,999. சிறந்த சலவைத் திறன், மிகக் குறைந்த பட்ஜெட் பயனர்களுக்கு ஏற்றது, பணத்திற்கு ஏற்ற மதிப்பு மற்றும் எளிதான பயன்பாடு.

ஹையர் வாஷிங் மெஷின் (Haier)

சிறிய மற்றும் நடுத்தரக் குடும்பங்களுக்காக வடிவமைக்கப்பட்ட இந்த முழு ஆட்டொமெட்டிக் (Fully Automatic) வாஷிங் மெஷின் 5-ஸ்டார் எனர்ஜி ரேட்டிங் கொண்டுள்ளது. இதன் 'ஓசியனஸ் வேவ்' ஸ்டெயின்லெஸ் ஸ்டீல் டிரம் துணிகளுக்குப் பாதிப்பில்லாமல் சக்திவாய்ந்த சலவையை வழங்குகிறது; மேஜிக் ஃபில்டர் நூலிழைகளைச் சேகரிக்கிறது. 'நியர் ஜீரோ பிரஷர்' (Near Zero Pressure) தொழில்நுட்பம் காரணமாக மிக குறைந்த நீர் அழுத்தத்திலும் இது தடையின்றி இயங்கும். குயிக், டெலிகேட், டப் டிரை உள்ளிட்ட 8 வாஷ் மோடுகள், 700 ஆர்பிஎம் வேகம், ஃபஸி லாஜிக், சைல்டு லாக், ஆட்டோ ரீஸ்டார்ட் மற்றும் 10 ஆண்டுகள் மோட்டார் வாரண்டி ஆகியவை இதன் சிறப்பம்சங்களாகும்.

சிறப்பம்சங்கள் - 6 கிலோ கொள்ளளவு, ஓசியனஸ் வேவ் டிரம், மேஜிக் லின்ட் ஃபில்டர், நியர்-ஜீரோ வாட்டர் பிரஷர் தொழில்நுட்பம், சைல்டு லாக், ஆட்டோ ரீஸ்டார்ட், எல்இடி டிஸ்ப்ளே, புஷ் பட்டன், 220 வோல்ட், 8 வாஷ் புரோகிராம்கள், மூன்லைட் சில்வர் நிறம். ஒட்டுமொத்த தரம் மிகவும் நன்றாக உள்ளது, எளிதான பயன்பாடு, சிறிய குடும்பங்கள் மற்றும் பேச்சிலர்களுக்கு ஏற்றது. இதன் விலை - ரூ.19,390 வரை இருக்கும்.

சாம்சங் வாஷிங் மெஷின் (Samsung)

3 முதல் 4 பேர் கொண்ட குடும்பங்களின் சலவைத் தேவைகளைச் சிக்கனமாகப் பூர்த்தி செய்யும் திறன் கொண்டது இந்த சாம்சங் 7 கிலோ டாப் லோட் வாஷிங் மெஷின். இதில் உள்ள எக்கோ பபுள் (Eco Bubble) மற்றும் டூயல் ஸ்டார்ம் (Dual Storm) தொழில்நுட்பங்கள் சிறந்த சலவை முடிவுகளைத் தருகின்றன. 700 ஆர்பிஎம் வேகத்தில் சத்தமின்றி இயங்கும் டிஜிட்டல் இன்வெர்ட்டர் மோட்டாருக்கு 10 ஆண்டுகள் வாரண்டி வழங்கப்படுகிறது. துணிகளை மென்மையாகக் கையாளும் டயமண்ட் டிரம், 9 வாஷ் புரோகிராம்கள் மற்றும் கடின நீரிலும் (Hard water) சிறப்பாகச் செயல்படும் திறன் இதில் உள்ளன.

சிறப்பம்சங்கள் - 7 கிலோ கொள்ளளவு, எக்கோ பபுள் தொழில்நுட்பம், டிஜிட்டல் இன்வெர்ட்டர் மோட்டார், சாஃப்ட் குளோசிங் டோர், மேஜிக் ஃபில்டர், சைல்டு லாக், எல்இடி டிஸ்ப்ளே, டச் / புஷ் பட்டன், 220 வோல்ட், 9 வாஷ் புரோகிராம்கள், ஸ்டெயின்லெஸ் ஸ்டீல் டிரம், லாவெண்டர் கிரே நிறம். இதன் விலை - ரூ.17,490. உறுதியான மற்றும் நேர்த்தியான தோற்றம், பணத்திற்கு ஏற்ற மதிப்பு மற்றும் குறைந்த சத்தம்.

வேர்ல்பூல் வாஷிங் மெஷின் (Whirlpool)

சிறிய மற்றும் நடுத்தரக் குடும்பங்களுக்காக உருவாக்கப்பட்ட இந்த வேர்ல்பூல் 7 கிலோ வாஷிங் மெஷின், கடின நீரிலும் விடாப்பிடியான கறைகளைச் சுத்தமாக நீக்குகிறது. 5-ஸ்டார் எனர்ஜி ரேட்டிங், உறுதியான ஸ்டெயின்லெஸ் ஸ்டீல் டிரம் மற்றும் பாடி, துணிகளை விரைவாக உலர்த்தும் 740 ஆர்பிஎம் மோட்டார் ஆகியவை இதில் உள்ளன. எக்ஸ்பிரஸ் வாஷ் மற்றும் ஸ்பைரோ வாஷ் உள்ளிட்ட 8 வாஷ் புரோகிராம்கள் கடினமான கறைகளை நீக்க உதவுகின்றன. குறைந்த நீர் அழுத்தத்தில் தண்ணீரை நிரப்பும் ZPF தொழில்நுட்பம் மற்றும் தண்ணீர் வரத்துத் தடைபட்டால் எச்சரிக்கும் 'டிரை டேப் சென்சிங்' (Dry Tap Sensing) வசதியும் இதில் உள்ளது.

சிறப்பம்சங்கள் - 7 கிலோ கொள்ளளவு, ஹார்ட் வாட்டர் வாஷ், ஜீரோ பிரஷர் ஃபில் (ZPF) தொழில்நுட்பம், ஸ்பைரோ வாஷ், 6-வது அறிவு ஸ்மார்ட் சென்சார்கள், புஷ் பட்டன், 230 வோல்ட், 8 வாஷ் புரோகிராம்கள், ஸ்டெயின்லெஸ் ஸ்டீல் டிரம், கிரே நிறம். இதன் விலை - ரூ.16,840. உறுதியான கட்டமைப்புடன் கூடிய நேர்த்தியான தோற்றம், பணத்திற்கு ஏற்ற மதிப்பு மற்றும் குறைந்த சத்தம்.