சென்னையில் மட்டுமல்ல இந்த 8 மாவட்டங்களில் அடுத்த 3 மணிநேரத்தில்! வானிலை மையம் கொடுத்த சூப்பர் அப்டேட்!

Tamilnadu Weather:தென்னிந்திய பகுதிகளின் மேல் நிலவும் வளிமண்டல கீழடுக்கு சுழற்சி காரணமாக தமிழகத்தில் மழை பெய்ய வாய்ப்புள்ளது. இந்நிலையில், அடுத்த 3 மணி நேரத்தில் சென்னை, திருவள்ளூர் உள்ளிட்ட 8 மாவட்டங்களில் லேசானது முதல் மிதமான மழை பெய்யக்கூடும்.

தமிழகத்தில் மழை

தமிழகத்தில் கடந்த சில நாட்களாக சென்னை, திருவண்ணாமலை, விழுப்புரம் உள்ளிட்ட மாவட்டங்களில் அவ்வப்போது மழை பெய்து வந்தது. இதனால் வெயில் குறைந்து பல்வேறு இடங்களில் குளிர்ச்சியான சூழல் நிலவி வந்தது. இதனால் பொதுமக்கள் நிம்மதி பெருமூச்சு விட்டனர். இந்நிலையில் அடுத்த 3 மணி நேரத்தில் சென்னை, திருவள்ளூர் உள்ளிட்ட 8 மாவட்டங்களில் மழை எச்சரிக்கை விடுக்கப்பட்டுள்ளது.

வளிமண்டல கீழடுக்கு சுழற்சி

தென்னிந்திய பகுதிகளின் மேல் ஒரு வளிமண்டல கீழடுக்கு சுழற்சி நிலவுகிறது. இதன் காரணமாக இன்று தமிழகத்தில் ஓரிரு இடங்களிலும், புதுச்சேரி மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். பலத்த தரைக்காற்று மணிக்கு 30 முதல் 40 கிலோ மீட்டர் வேகத்தில் வீசக்கூடும்.

சென்னையில் மழைக்கு வாய்ப்பு

அதேபோல் சென்னை மற்றும் புறநகர் பகுதிகளில் இன்று வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்ய வாய்ப்புள்ளது. அதிகபட்ச வெப்பநிலை 37° செல்சியஸை ஒட்டியும், குறைந்தபட்ச வெப்பநிலை 27-28° செல்சியஸை ஒட்டியும் இருக்கக்கூடும் என தெரிவித்துள்ளது.

8 மாவட்டங்களில் மழை

இந்நிலையில் தமிழ்நாட்டில் அடுத்த 3 மணி நேரத்தில் 8 மாவட்டங்களில் மழைக்கு வாய்ப்புள்ளது. அதாவது சென்னை, திருவள்ளூர், தென்காசி, தேனி, திருநெல்வேலி, கன்னியாகுமரி, கோயம்புத்தூர், நீலகிரி மாவட்டங்களில் ஓரிரு இடங்களில் லேசானது முதல் மிதமான மழை பெய்ய வாய்ப்புள்ளது என வானிலை மையம் தெரிவித்துள்ளது.