1 முதல் 5ம் வகுப்பு மாணவர்களுக்கு ஹேப்பி நியூஸ்! காலாண்டு தேர்வு எப்போது? எத்தனை நாள் விடுமுறை!

தமிழகத்தில் 1 முதல் 5ம் வகுப்பு வரை உள்ள மாணவர்களுக்கான காலாண்டுத் தேர்வு அட்டவணையைப் பள்ளிக் கல்வித்துறை வெளியிட்டுள்ளது. 

தமிழகத்தில் 6 முதல் 12 வகுப்பு வரை மாணவர்களுக்கான காலாண்டு தேர்வு அட்டவணையை கடந்த சில நாட்களுக்கு முன் பள்ளிக்கல்வித்துறை வெளியிட்டிருந்தது. அதன்படி 6ம் வகுப்பு மாணவர்களுக்கு செப்டம்பர் 15ம் தேதி தொடங்கி 25ம் தேதி வரை நடைபெறுகிறது. இந்த தேர்வுகள் அனைத்தும் காலை 10 மணிக்கு தொடங்கி 12 மணிக்கு முடிவடைகிறது.

7ம் வகுப்பு மாணவர்களுக்கு செப்டம்பர் 15ம் தேதி தொடங்கி 25ம் தேதி வரை நடைபெறுகிறது. இந்த தேர்வுகள் அனைத்தும் மதியம் 2 மணிக்கு தொடங்கி 4 மணிக்கு முடிவடைகிறது. அதேபோல் 8ம் வகுப்பு மாணவர்களுக்கு செப்டம்பர் 15ம் தேதி தொடங்கி 25ம் தேதி நடைபெற உள்ளது. இந்த தேர்வுகள் அனைத்தும் காலை 10 மணிக்கு தொடங்கி 12.30 மணிக்கு முடிவடைகிறது.

9ம் வகுப்பு மாணவர்களுக்கு செப்டம்பர் 15ம் தேதி தொடங்கி 26ம் தேதி நடைபெறுகிறது. இந்த தேர்வுகள் அனைத்தும் மதியம் 2 மணிக்கு தொடங்கி 4.30 மணிக்கு முடிவடைகிறது. 10ம் வகுப்பு மாணவர்களுக்கு செப்டம்பர் 15ம் தேதி தொடங்கி 26ம் தேதி வரை நடைபெறுகிறது. இந்த தேர்வுகள் அனைத்தும் காலை 10 மணிக்கு தொடங்கி 1 மணிக்கு முடிவடைகிறது.

11ம் வகுப்பு மாணவர்களுக்கு செப்டம்பர் 10ம் தேதி தொடங்கி 25ம் தேதி வரை நடைபெறும். இந்த தேர்வுகள் அனைத்தும் மதியம் 2 மணிக்கு தொடங்கி 5 மணிக்கு முடிவடைகிறது. அதேபோல் 12ம் வகுப்புக்கு செப்டம்பர் 10ம் தேதி தொடங்கி 25ம் தேதி வரை நடைபெறுகிறது. இந்த தேர்வுகள் அனைத்தும் காலை 10 மணிக்கு தொடங்கி 1 மணிக்கு முடிவடைகிறது.

இந்நிலையில் 1 முதல் 5 வரையிலான வகுப்புகளுக்கு காலாண்டு தேர்வு அட்டவணையை பள்ளிக்கல்வித் துறை வெளியிட்டுள்ளது. அதன்படி, 4 மற்றும் 5-ம் வகுப்புகளுக்கு வருகிற 17-ம் தேதி தொடங்கி 25-ம் தேதி வரையிலும், 1 முதல் 3 வரையிலான வகுப்புகளுக்கு வருகிற 22-ம் தேதி முதல் 25-ம் தேதி வரையிலும் நடைபெறும் என தெரிவிக்கப்பட்டிருக்கிறது. செப்டம்பர் 26ம் தேதி முதல் அக்டோபர் 5ம் தேதி காலாண்டு தேர்வு விடுமுறை அறிவிக்கப்பட்டுள்ளது. அக்டோபர் 6ம் தேதி மீண்டும் பள்ளிகள் திறக்கப்பட உள்ளது.