2025ம் ஆண்டு பொங்கல் பண்டிகைக்கு ஜனவரி 14 முதல் 16 வரை விடுமுறை அறிவிக்கப்பட்டுள்ளது. பொதுமக்களின் கோரிக்கையை ஏற்று ஜனவரி 17ம் தேதியும் விடுமுறை அறிவிக்கப்பட்டு, மொத்தம் 6 நாட்கள் விடுமுறையாக அறிவிக்கப்பட்டுள்ளது.
2025ம் ஆண்டு ஜனவரி மாதம் பொங்கல் பண்டிகைக்கு 3 நாட்கள் விடுமுறை அறிவிக்கப்பட்டுள்ளது. அதாவது ஜனவரி 14 செவ்வாக்கிழமை தை பொங்கல், ஜனவரி 15 புதன் திருவள்ளுவர் தினம், ஜனவரி 16 வியாழன் உழவர் திருநாள் வருகிறது. இடையில் ஜனவரி 17ம் தேதி வெள்ளிக்கிழமை ஒருநாள் மட்டும் விடுமுறை அளிக்கும் பட்சத்தில் மறுநாள் சனி, ஞாயிறு வார விடுமுறை வந்துவிடும்.
இதையும் படிங்க: ஃபெஞ்சல் புயல்! தீவிர இயற்கை பேரிடராக அறிவித்தது தமிழக அரசு! இதனால் என்ன பலன் தெரியுமா?
ஆகையால் சொந்த ஊர் செல்பவர்கள் வெள்ளிக்கிழமை விடுமுறை வேண்டும் என அரசு ஊழியர்கள் மற்றும் ஆசிரியர்கள் உள்ளிட்ட பல்வேறு தரப்பில் இருந்து தமிழக அரசுக்கு கோரிக்கை விடுக்கப்பட்டது. இதனால் போகி பண்டிகைக்கு விடுமுறை அளித்தால் மொத்தம் 9 நாட்கள் விடுமுறை கிடைக்கும். அப்படி இல்லை என்றால் ஜனவரி 17ம் தேதி விடுமுறை அறிவித்தால் 6 நாட்கள் விடுமுறை வரும். இதனால், பள்ளி மாணவர்கள் குஷியில் இருந்து வந்தனர். இந்நிலையில் ஜனவர 17ம் தேதி அரசு விடுமுறை தமிழக அரசு அறிவிப்பை வெளியிட்டுள்ளது.
இதுதொடர்பாக தமிழக அரசு வெளியிட்டுள்ள செய்தி குறிப்பில்: இவ்வாண்டு தமிழ்நாட்டில் ஜனவரி 14ம் தேதி செவ்வாய்கிழமை அன்று தைப் பொங்கல் பண்டிகை கொண்டாடப்படுவதாலும், 15, 16, 18 மற்றும் 19 ஆகியவை அரசு விடுமுறை நாட்கள் என்பதாலும் மாணவர்கள், அவர்தம் பெற்றோர்கள், ஆசிரியர்கள் மற்றும் அரசு அலுவலர்கள் தங்களது சொந்த ஊருக்குச் சென்று பண்டிகையை மகிழ்வுடன் கொண்டாடும் வகையில், அதற்கு இடைப்பட்ட நாளான 17ம் தேதி (வெள்ளிக்கிழமை) அன்று தமிழ்நாடு முழுவதும் உள்ள அனைத்து அரசு அலுவலகங்களுக்கும் உள்ளூர் விடுமுறை அறிவிக்குமாறு பல தரப்பிலிருந்து அரசுக்கு கோரிக்கைகள் வரப்பெற்றன.
இதையும் படிங்க: தமிழகத்தில் இனி மழை கிடையாது! ஆனால்! ட்விஸ்ட் வைத்த வானிலை மையம்!
இதையும் படிங்க: பொதுமக்களுக்கு குட்நியூஸ்! ஆவின் ஐஸ்கிரீம்! சூப்பர் ஆஃபர்!
அக்கோரிக்கைகளை ஏற்று, முதலமைச்சர் அவர்கள், மாணவர்கள், அவர்தம் பெற்றோர்கள், ஆசிரியர்கள் மற்றும் அரசு அலுவலர்கள் தங்களது சொந்த ஊர் சென்று பொங்கல் பண்டிகையை கொண்டாடும் வகையில், 17ம் தேதி (வெள்ளிக்கிழமை) அன்று தமிழ்நாடு முழுவதும் உள்ள அனைத்து அரசு அலுவலகங்கள், பொதுத்துறை நிறுவனங்கள், பள்ளிகள், கல்லூரிகள் மற்றும் அனைத்து கல்வி நிறுவனங்களுக்கும் உள்ளூர் விடுமுறை அளித்தும், அவ்விடுமுறையை ஈடுசெய்யும் வகையில், 25ம் தேதி (சனிக்கிழமை) அன்று பணி நாளாக அறிவிக்கப்பட்டுள்ளது.
சேனலை கிளிக் செய்து பின்தொடரவும்