வெங்காயம், கேரட், பூண்டு விலை அதிரடி உயர்வு... இன்றைய கோயம்பேடு மார்க்கெட் விலை நிலவரம் என்ன?

Vegetable Prices Today: கடந்த சில நாட்களாக தக்காளி மற்றும் வெங்காயத்தின் விலை ஏற்ற இறக்கத்துடன் வந்த நிலையில், இன்று பெரிய வெங்காயம், வெங்காயம், பச்சை மிளகாய், கேரட், பூண்டு உள்ளிட்ட பல அத்தியாவசிய காய்கறிகளின் விலை உயர்ந்து காணப்படுகிறது.

இன்றைய காய்கறி விலை

சென்னையின் மொத்த காய்கறி சந்தையான கோயம்பேடு மார்க்கெட்டில், இன்று பல முக்கிய காய்கறிகளின் விலையில் மாற்றம் ஏற்பட்டுள்ளது. குறிப்பாக, அன்றாடச் சமையலில் அதிகம் பயன்படுத்தப்படும் பெரிய வெங்காயம், சின்ன வெங்காயம், பச்சை மிளகாய், கேரட், பூண்டு மற்றும் இஞ்சி ஆகியவற்றின் விலை உயர்வாக இருந்தால் குடும்பச் செலவில் தாக்கத்தை ஏற்படுத்தக்கூடும்.

தக்காளி விலை

இன்றைய மொத்த விலை நிலவரப்படி, பெரிய வெங்காயம் ரூ.33, சின்ன வெங்காயம் ரூ.53, தக்காளி ரூ.20, பச்சை மிளகாய் ரூ.61, பீட்ரூட் ரூ.42, உருளைக்கிழங்கு ரூ.23 என்ற விலையில் விற்பனையாகிறது. மேலும் வாழைக்காய் ரூ.10, சாம்பல் பூசணிக்காய் ரூ.19, வாழைப்பூ ரூ.20, குடைமிளகாய் ரூ.44, பாகற்காய் ரூ.43, சுரைக்காய் ரூ.28, அவரைக்காய் ரூ.41, பீன்ஸ் ரூ.40, முட்டைக்கோஸ் ரூ.28, கேரட் ரூ.53 என விலை நிர்ணயிக்கப்பட்டுள்ளது.

வெண்டைக்காய் விலை

மற்ற காய்கறிகளில் காலிஃபிளவர் ரூ.37, கொத்தவரை ரூ.45, வெள்ளரிக்காய் ரூ.30, முருங்கைக்காய் ரூ.50, கத்திரிக்காய் ரூ.34, பெரிய கத்திரிக்காய் ரூ.85, சேனைக்கிழங்கு ரூ.39, சேப்பங்கிழங்கு ரூ.27, பீன்ஸ் ரூ.77, பச்சை பட்டாணி ரூ.65, கோவைக்காய் ரூ.40, வெண்டைக்காய் ரூ.3,பீக்கங்காய் ரூ.30 மற்றும் புடலங்காய் ரூ.39 என்ற விலையில் கிடைக்கிறது. சில்லறை சந்தையில் போக்குவரத்து மற்றும் கடைச் செலவுகளால் இந்த விலைகள் அதிகமாக இருக்கலாம்.

பூண்டு விலை

மசாலா மற்றும் அன்றாட தேவைகளுக்கு பூண்டு ரூ.190, இஞ்சி ரூ.146, எலுமிச்சை ரூ.70, தேங்காய் ரூ.60, நெல்லிக்காய் ரூ.80, காளான் ரூ.86, மாங்காய் ரூ.17 என விற்பனையாகின்றன. கீரை வகைகளில் சிறுகீரை ரூ.8, புதினா ரூ.5, வெந்தயக்கீரை ரூ.10, கொத்தமல்லி ரூ.14, கறிவேப்பிலை ரூ.32 மற்றும் பொதுவான கீரை ரூ.14 என்ற விலையில் கிடைக்கிறது.

கோயம்பேடு காய்கறி விலை

கோயம்பேடு சந்தைக்கு தமிழகத்தின் பல்வேறு மாவட்டங்களில் இருந்தும் தினமும் காய்கறிகள் வரத்து நடைபெறுகிறது. வரத்து, மழை, தேவை மற்றும் போக்குவரத்து செலவு ஆகிய காரணிகளைப் பொறுத்து விலை தினந்தோறும் மாறக்கூடும். எனவே, வீட்டுத் தேவைக்காக காய்கறி வாங்குபவர்கள் தினசரி விலை நிலவரத்தை தெரிந்து வாங்குவது செலவை திட்டமிட உதவும்.