சென்னை மற்றும் அதன் சுற்றுவட்டாரப் பகுதிகளில் திடீரென பெய்த மழையால் மக்கள் மகிழ்ச்சி அடைந்துள்ளனர். இந்த மாத இறுதியில் மேலடுக்கு சுழற்சி காரணமாக பரவலாக நல்ல மழை பெய்யும் என எதிர்பார்க்கப்படுகிறது.
தமிழகத்தில் சென்னை உள்ளிட்ட பல்வேறு மாவட்டங்களில் வெயில் சுட்டெரித்து வருகிறது. மே மாதம் திரும்பி விந்துவிட்டதோ என பொதுமக்கள் நினைக்கும் அளவுக்கு வெயிலின் கொடூரத்தாண்டம் இருந்து வருகிறது. இதனால், நேரங்களில் பொதுமக்கள் வீட்டிலே முடங்கி விடுகின்றனர். இரவு நேரங்களிலும் வெப்பத்தின் தாக்கத்தை நன்றாகவே உணர முடிகிறது. கடந்த 100 ஆண்டுகளில் இல்லாத அளவுக்கு செப்டம்பர் மாதத்தில் மதுரையில் நேற்று முன்தினம் 41 டிகிரி செல்சியஸ் வெப்பம் பதிவானது. தமிழகத்தில் அதிகபட்சமாக மதுரையில் 103 டிகிரி வெயில் சுட்டெரித்தது. பாளையங்கோட்டை, நாகப்பட்டினம், தஞ்சாவூர், திருச்சி, வேலூர் மாவட்டங்களில் 102 டிகிரி, சென்னை, ஈரோடு, கரூர், மற்றும் காரைக்கால், புதுச்சேரியில் 100 டிகிரி வெப்ப நிலை பதிவாகியிருந்தது.
இந்நிலையில் சென்னை, காஞ்சிபுரம், திருவள்ளூர் உள்ளிட்ட புறநகர் பகுதிகளிலும் அதிகாலை திடீரென மழை பொழுந்து குளிர்ச்சியான சூழலை ஏற்படுத்தியது. இதுதொடர்பாக தமிழ்நாடு வெதர்மேன் பிரதீப் ஜான் வெளியிட்டுள்ள முகநூல் பதிவில்: இவ்வளவு வெயிலுக்குப் இடையில் எதிர்பார்த்தபடியே 19-ம் தேதி மழை பெய்துள்ளது. அடுத்த ஒரு வாரத்திற்கு இதுதான் ட்ரெண்ட். காஞ்சிபுரம், திருவள்ளூர், சென்னை மற்றும் செங்கல்பட்டில் ஆங்காங்கே மழை பெய்யும்.
இதையும் படிங்க: School Student: பள்ளி மாணவர்களுக்கு மாதந்தோறும் ரூ.1,500! விண்ணப்பிக்க கடைசி நாள் எப்போது? வெளியான தகவல்!
இந்த மாதம் கடைசியில் மேலடுக்கு சுழற்சி காரணமாக பரவலாக நல்ல மழை பெய்யும். இன்று அதிகாலையில் பெய்த மழையால் வெப்பம் தணிந்து குளிர்ச்சியான சூழல் நிலவியதால் மக்கள் மகிழ்ச்சி அடைந்துள்ளனர். குறிப்பாக தென் சென்னை, மத்திய சென்னை பகுதிகளில் சில இடங்களில் நல்ல மழை பெய்தது. இனி இரவு மற்றும் அதிகாலை நேரங்களில் ஒரு சில இடங்களில் மழை பெய்யும்.
இதையும் படிங்க:Tamilnadu Government School: பள்ளிகளுக்கு முக்கிய உத்தரவு! செப்டம்பர் 27ம் தேதி வரை கால அவகாசம் நீட்டிப்பு!
சேப்பாக்கம் பகுதியில் இரவு மற்றும் அதிகாலையின் தான் மழை பெய்யும் என்பதால் இந்தியா - வங்கதேசம் போட்டிக்கு மழை அச்சுறுத்தல் இல்லை. சென்னையில் கொஞ்சம் கொஞ்சமாக நாளுக்கு நாள் வெப்பநிலை குறையும். மாத இறுதியில் வட தமிழகத்தில் பரவலாக மழை பெய்யும். மதுரைக்கு அப்படியொரு அதிர்ஷ்டம் இல்லை. கொளுத்தும் வெயில் தொடரும். அடுத்த 5 நாட்களில் பெரும்பாலும் இரவு அல்லது அதிகாலை நேரங்களில் மழை பெய்யும் என பிரதீப் ஜான் தெரிவித்துள்ளார்.
இதையும் படிங்க: SSC Job Vacancy: 40,000 மத்திய அரசுப் பணியிடங்கள் காலி! அப்ளை செய்வது எப்படி?
இதனிடையே தமிழகத்தில் அடுத்த 2 தினங்களுக்கு அதிகபட்ச வெப்பநிலை ஒருசில இடங்களில் 2° -4° செல்சியஸ் இயல்பை விட அதிகமாக இருக்கக்கூடும். அதிக வெப்பநிலை மற்றும் அதிக ஈரப்பதம் இருக்கும் பொழுது ஓரிரு இடங்களில் அசெளகரியம் ஏற்படலாம் என சென்னை வானிலை மையம் தெரிவித்துள்ளது.
சேனலை கிளிக் செய்து பின்தொடரவும்