பள்ளி, கல்லூரி மாணவர்களுக்கு குஷியான அறிவிப்பு! வைகுண்டசுவாமி பிறந்த நாள் விழா - 4ம் தேதி விடுமுறை அறிவிப்பு

அய்யா வைகுண்டசுவாமியின் 193வது பிறந்த நாளை முன்னிட்டு வருகின்ற 4ம் தேதி உள்ளூர் விடுமுறை அளிக்கப்பட்டுள்ளதால் பள்ளி, கல்லூரி மாணவர்கள் மகிழ்ச்சி அடைந்துள்ளனர்.

பள்ளி, கல்லூரி மாணவர்களுக்கு குஷியான அறிவிப்பு! வைகுண்டசுவாமி பிறந்த நாள் விழா - 4ம் தேதி விடுமுறை அறிவிப்பு

இந்தியாவின் தென்கோடி முனையான கன்னியாகுமரி மாவட்டத்தில் அய்யா வைகுண்ட சுவாமியின் தலைமைப்பதி அமைந்துள்ளது. இங்கு ஒவ்வொரு வருடமும் அய்யா வைகுண்டரின் உதய விழா விமரிசையாகக் கொண்டாடப்படுவது வழக்கம். அந்த வகையில் இந்த ஆண்டு வருகின்ற மாசி மாதம் 20ம் தேதி வைகுண்ட சுவாமியின் 193வது பிறந்த நாள் விழா கொண்டாடப்பட உள்ளது.

உள்ளூர் விடுமுறை

இந்நிலையில் இது தொடர்பாக தூத்துக்குடி மாவட்ட ஆட்சியர் இளம்பகவத் வெளியிட்டுள்ள அறிவிப்பில், “தூத்துக்குடி மாவட்டத்தில் வருகின்ற மார்ச் 4ம் தேதி உள்ளூர் விடுமுறை அறிவிக்கப்படுகிறது. அய்யா வைகுண்டசுவாமி 193வது பிறந்த நாள் விழாவினை முன்னிட்டு வருகின்ற மார்ச் 4ம் தேதி தூத்துக்குடி மாவட்டம் முழுவதும் உள்ளூர் விடுமுறை அறிவிக்கப்படுகிறது.

பள்ளி, கல்லூரிகளுக்கு விடுமுறை

உள்ளூர் விடுமுறை அறிவிக்கப்பட்டாலும் அத்தியாவசியப் பணிகள், பணியாளர்களுக்கு இந்த விடுமுறை பொருந்தாது என்று தெரிவிக்கப்பட்டுள்ளது. இது பொதுவிடுமுறை கிடையாது என்பதால் இந்த விடுமுறையை ஈடுசெய்யும் விதமாக வருகின்ற 8ம் தேதி அதாவது இரண்டாவது சனிக்கிழமை அலுவலக நாளக அறிவிக்கப்படுவதாக மாவட்ட ஆட்சியர் தெரிவித்துள்ளார்.