KKR கதையை முடித்த அறிமுக வீரர் அஸ்வனி குமார்! மும்பை இந்தியன்ஸ் முதல் வெற்றி!

ஐபிஎல் கிரிக்கெட்டில் கொல்கத்தா நைட் ரைடர்ஸ் அணியை வீழ்த்தி மும்பை இந்தியன்ஸ் முதல் வெற்றி பெற்றது. அறிமுக வீரர் அஸ்வனி குமார் 4 விக்கெட் வீழ்த்தி அசத்தினார்.

IPL: Mumbai Indians beat Kolkata Knight Riders to win their first match ray

IPL: Mumbai Indians beat Kolkata Knight Riders: ஐபிஎல் தொடரின் 12வது போட்டியில் மும்பை இந்தியன்ஸ் அணி கொல்கத்தா நைட் ரைடர்ஸ் அணியை 8 விக்கெட் வித்தியாசத்தில் வீழ்த்தியது. மும்பை வான்கடே மைதானத்தில் நடந்த இந்த போட்டியில் டாஸ் வென்ற மும்பை கேப்டன் ஹர்திக் பாண்ட்யா தங்கள் அணி முதலில் பவுலிங் செய்யும் என அறிவித்தார். அதன்படி கொல்கத்தா முதலில் பேட்டிங் செய்தது. ஆனால் அந்த அணியின் தொடக்கம் இப்படி மோசமாக இருக்கும் என யாருமே எதிர்பார்த்து இருக்க மாட்டார்கள்.

IPL: Mumbai Indians beat Kolkata Knight Riders to win their first match ray
KKR vs MI, Cricket

ட்ரெண்ட் போல்ட் வீசிய முதல் ஓவரிலேயே சுனில் நரைன் ரன் ஏதும் எடுக்காமல் கிளீன் போல்டானார். மற்றொரு தொடக்க வீரர் குயின்டன் டி காக் 1 ரன்னில் தீபக் சாஹர் பந்தில் கேட்ச் ஆனார். தொடர்ந்து கேப்டன் அஜிங்யா ரஹானே (11), வெங்கடேஷ் ஐயர் (3), ரகுவன்ஷி (26) என அடுத்தடுத்து ஆட்டமிழந்தனர். மேலும் அதிரடி வீரர்கள் ரிங்கு சிங் (17, மணிஷ் பாண்டே (19), ஆண்ட்ரே ரசல் (5) என யாரும் நிலைக்கவில்லை. மும்பை அணியில் அறிமுக வீரராக களமிறங்கிய அஷ்வனி குமார் தனது சிறப்பான இடதுகை வேகப்பந்து வீச்சின் மூலம் கொல்கத்தா வீரர்களை வரிசையாக வெளியேற்றினார். 

தோனியால் 10 ஓவர் பேட்டிங் ஆட முடியாது! அப்படினா 'இது' மட்டும் எப்படி? ரசிகர்கள் கேள்வி!
 


IPL, Sports News

இறுதிவரை எந்த ஒரு பேட்ஸ்மேனும் நிலைத்து நின்று விளையாடாததால் 16.2 ஓவர்களில் மட்டுமே தாக்குப்பிடித்த கொல்கத்தா நைட் ரைடர்ஸ் அணி வெறும் 116 ரன்களுக்கு ஆல் அவுட் ஆனது. மும்பை இந்தியன்ஸ் தரப்பில் தனது முதல் போட்டியில் விளையாடிய அஸ்வனி குமார் 3 ஓவர்களில் 24 ரன்கள் கொடுத்து 4 விக்கெட் வீழ்த்தி அசத்தினார். தீப சாஹர் 2 விக்கெட் வீழ்த்தினார். போல்ட், சாண்ட்னர், விக்னேஷ் புத்தூர், ஹர்திக் பாண்ட்யா தலா 1 விக்கெட் சாய்த்தனர்.

பின்பு எளிய இலக்கை நோக்கி களமிறங்கிய மும்பை இந்தியன்ஸ் வீரர்கள் அதிரடியில் வெளுத்துக் கட்டினார்கள். ஒரு சிக்சர் அடித்த கேப்டன் ரோகித் சர்மா (13 ரன்) ரஸல் பந்தில் கேட்ச் ஆனார். அதே வேளையில் மறுமுனையில் இருந்த ரியான் ரிக்கல்டன் சிக்சர் மழை பொழிந்து ஐபிஎல்லில் தனது முதலாவது அரைசதம் விளாசினார்.
 

Ashwani Kumar, IPL 2025

இதற்கிடையே வில் ஜாக்ஸ் (16 ரன்) ரஸல் பந்தில் காலியானார். இதனைத் தொடர்ந்து சூர்யகுமார் யாதவ் (9 பந்தில் 27 ரன்கள்), ரியான் ரிக்கல்டன் (41 பந்தில் 5 சிக்சர்களுடன் 62 ரன்) இறுதிவரை களத்தில் இருந்து அணியை வெற்றி பெறச் செய்தனர். மும்பை இந்தியன்ஸ் அணி 12.5 ஓவர்களில் 2 விக்கெட் மட்டுமே இழந்து 121 ரன்கள் எடுதது வெற்றி பெற்றது. 3 ஆட்டத்தில் விளையாடும் மும்பை இந்தியன்ஸ் அணிக்கு இது முதலாவது வெற்றியாகும்.

கொல்கத்தா அணிக்கு இது 2வது தோல்வியாகும். 4 விக்கெட் வீழ்த்திய அஸ்வனி குமார் அறிமுக போட்டியிலேயே ஆட்டநாயகன் வென்று சாதனை படைத்தார். இந்த போட்டியில் மும்பை அணியின் பவுலிங், பேட்டிங் மற்றும் பீல்டிங் என அனைத்தும் சிறப்பாக இருந்தது.

ஷேன் வார்ன் இறப்புக்கு 'அந்த' மாத்திரை தான் காரணமா? 3 ஆண்டுகளாக மறைக்கப்பட்ட உண்மை!

Latest Videos

vuukle one pixel image
click me!