Jiohotstar: வெறும் 100 ரூபாய்க்கு டி20 உலகக்கோப்பை பார்த்து ரசிக்கலாம்.. ஜியோ கிரிக்கெட் பிளான்!

T20 World Cup 2026: டி20 உலகக்கோப்பை விறுவிறுப்பாக நடந்து வரும் நிலையில், வெறும் 100 ரூபாய்க்கு உலகக்கோப்பை முழுவதையும் ஜியோ ஹாட்ஸ்டாரில் பார்த்து ரசிக்கலாம். இது குறித்து விரிவாக பார்க்கலாம். 

டி20 உலகக்கோப்பை 2026

டி20 உலகக்கோப்பை கிரிக்கெட் திருவிழா இந்தியா மற்றும் இலங்கையில் விறுவிறுப்பாக நடந்து வருகிறது. டி20 உலகக்கோப்பை போட்டிகளை ஸ்டார் ஸ்போர்ட்ஸ் குழும சேனல்களில் பார்த்து ரசிக்கலாம். 

ஸ்டார் ஸ்போர்ட்ஸ் தமிழில் தமிழ் வர்னனையுடன் கண்டு மகிழலாம். இதேபோல் மொபைலில் ஜியோ ஹாட்ஸ்டார் (Jiohotstar) ஓடிடியில் பார்க்கலாம். பொதுவாக ஜியோ ஹாட்ஸ்டார் பார்ப்பதற்கு தனியாக சந்தா கட்டணம் செலுத்த வேண்டும்.

100 ரூபாய்க்கு டி20 உலகக்கோப்பை பார்க்கலாம்

இந்த நிலையில், ஜியோ ஹாட்ஸ்டாரில் வெறும் 100 ரூபாய்க்கு டி20 உலகக்கோப்பை முழுவதையும் பார்த்து ரசிக்கும் வாய்ப்பு கனிந்துள்ளது. அதாவது ஜியோவின் ரூ.100 ப்ரீபெய்ட் ரீசார்ஜ் திட்டம் குறைந்த பட்ஜெட்டில் ரசிகர்களுக்காக வடிவமைக்கப்பட்ட சூப்பரான கிரிக்கெட் டேட்டா பேக் ஆகும். இந்த பிளான் 30 நாட்கள் செல்லுபடியாகும் 5 ஜிபி அதிவேக டேட்டாவை வழங்குகிறது.

மேலும் 30 நாள் ஜியோஹாட்ஸ்டார் மொபைல் சந்தாவும் அடங்கும். ஸ்மார்ட்போன் அல்லது டேப்லெட்டில் கிரிகெட் போட்டியை மலிவு விலையில் பார்ப்பதற்கு இது சிறந்த திட்டமாகும். இது ஒரு டேட்டா வவுச்சர் பிளான் என்பதால், பயனர்கள் இது செயல்பட ஒரு செயலில் உள்ள அடிப்படைத் திட்டத்தை வைத்திருக்க வேண்டும்.

ஜியோ ரூ.195 ப்ரீபெய்ட் ரீசார்ஜ் திட்டம்

அதிக டேட்டாவை தேடும் வாடிக்கையாளர்களுக்கு ரூ.195 திட்டம் மொத்தம் 15 ஜிபி டேட்டாவை வழங்குகிறது. இந்த வவுச்சர் 90 நாள் செல்லுபடியாகும் காலத்துடன் வருகிறது. அத்துடன் 90 நாள் ஜியோஹாட்ஸ்டார் மொபைல் சந்தாவையும் உள்ளடக்கியது. முழு டி20 உலகக் கோப்பையையும் பார்க்க விரும்புவோருக்கு இந்த பிளான் மிகவும் சிறந்ததாக இருக்கும்.

Vi ரூ.44 ப்ரீபெய்ட் ரீசார்ஜ் திட்டம்

வோடோபோன் ரூ.44 திட்டம் ஒரு தனித்துவமான, மிகக் குறைந்த விலை சாச்செட் பேக் ஆகும். இந்த பிளானுக்கு வழங்கப்படும் 1 ஜிபி டேட்டா ஒரு நாளுக்கு (நள்ளிரவு வரை) மட்டுமே செல்லுபடியாகும் என்றாலும், ஜியோஹாட்ஸ்டார் மொபைல் சந்தா முழு 30 நாட்களுக்கு நீடிக்கும். ஆகவே கிரிக்கெட் போட்டிகளை பார்க்க இதுவும் சிறந்த பிளான். இந்த பிளானை செயல்படுத்த ஆக்டிவ் பிளான் இருப்பது அவசியமாகும்.