இந்தியா ஆஸ்திரேலியா இடையேயான 4 டெஸ்ட் போட்டிகள் கொண்ட தொடரின் முதல் போட்டி அடிலெய்டில் இன்று தொடங்கியது. பகலிரவு போட்டியாக நடக்கும் இந்த டெஸ்ட்டில், டாஸ் வென்று முதலில் பேட்டிங் ஆடிவரும் இந்திய அணி, முதல் நாள் ஆட்ட முடிவில், ஆறு விக்கெட் இழப்பிற்கு 233 ரன்கள் அடித்துள்ளது.
undefined
கடந்த முறை(2018-2019) ஆஸ்திரேலியாவிற்கு சுற்றுப்பயணம் செய்த இந்திய அணி, முதல் முறையாக ஆஸ்திரேலிய மண்ணில் டெஸ்ட் தொடரை வென்று சாதனை படைத்தது. அந்த வரலாற்று படுதோல்விக்கு பழிதீர்க்கும் முனைப்பில் ஆஸ்திரேலிய அணியும், மீண்டும் ஆஸி., மண்ணில் டெஸ்ட் தொடரை வெல்லும் முனைப்பில் இந்திய அணியும் இம்முறை டெஸ்ட்டில் மோதுகின்றன.
undefined
இரு அணிகளுமே சமபலம் வாய்ந்த அணிகளாக திகழ்வதால் போட்டி கண்டிப்பாக மிகக்கடுமையாக இருக்கும். இந்நிலையில், இம்முறை டெஸ்ட் தொடரை எந்த அணி வெல்லும் என ரிக்கி பாண்டிங் ஆருடம் தெரிவித்துள்ளார்.
undefined
ஆஸ்திரேலிய அணி 2-1 என டெஸ்ட் தொடரை வெல்லும் என்று ரிக்கி பாண்டிங் ஆருடம் தெரிவித்துள்ளார். இந்த தொடரை ஒளிபரப்பும் ஆஸி.,யின் 7 கிரிக்கெட் சேனலில் ரிக்கி பாண்டிங் வர்ணனை செய்துவருவது குறிப்பிடத்தக்கது.
undefined