2026 ஐபிஎல் கிரிக்கெட்டில் சென்னை சூப்பர் கிங்ஸ் அணிக்காக விளையாடத் தயாராகி வரும் தோனி, 4 கோடி ரூபாய் ஊதியத்தில் அன்கேப்டு வீரராக தக்க வைக்கப்பட்டுள்ளார்.
இந்திய கிரிக்கெட் அணியின் முன்னாள் கேப்டன் மகேந்திர சிங் தோனி. 'மிஸ்டர் கூல்' எனப்படும் தோனி இந்திய அணியை தனது தனித்துவ தலைமைப்பண்பு மூலம் உச்சிக்கு கொண்டு சென்றவர். இந்திய கிரிக்கெட் அணிக்கு டி20 உலககோப்பை, 50 ஓவர் உலகக்கோப்பை மற்றும் சாம்பியன்ஸ் கோப்பை தொடர்களில் கோப்பையை வென்று கொடுத்த ஒரே கேப்டன் தோனி தான்.
24
தோனிக்கு ரூ.1,000 அபராதம்
சர்வதேச கிரிக்கெட்டிலிருந்து ஓய்வு பெற்றிருந்தாலும், தோனி ஐபிஎல் கிரிக்கெட்டில் தொடர்ந்து விளையாடி வருகிறார். இந்த நிலையில், தோனிக்கு ரூ.1,000 அபராதம் விதிக்கப்பட்டுள்ளது. ராஞ்சியில் உள்ள தனது வீட்டிற்கு அருகே காரில் வேகமாக சென்றதால் தோனி அபராதத்தில் சிக்கியுள்ளார். ராஞ்சி நகரின் தானியங்கி போக்குவரத்து கண்காணிப்பு அமைப்பு மூலம் இந்த விதிமீறல் கண்டறியப்பட்டது. மோட்டார் வாகனச் சட்டம் பிரிவு 183-ன் கீழ் தோனியின் வாகனத்திற்கு இ-சலான் அனுப்பி வைக்கப்பட்டது.
34
இவ்வளவு அபராதமா
சாதாரண மனிதர்கள் போக்குவரத்து விதிகளை மீறினாலும் ரூ.1,000 அபராதமும், கோடிகளில் மிதக்கும் தோனிக்கும் ரூ.1,000 விதிக்கப்பட்டது நியாயமா? இவர்களுக்கு கூடுதல் அபராதம் விதிக்கப்பட வேண்டாமா? என நெட்டிசன்கள் கருத்து தெரிவித்து வருகின்றன. இதற்கு சில நாட்களுக்கு முன்பு, ஜார்க்கண்ட் மாநில வீட்டுவசதி வாரியம் தோனிக்கு நோட்டீஸ் ஒன்று அனுப்பியிருந்தது.
2026 ஐபிஎல் கிரிக்கெட்டில் சென்னை சூப்பர் கிங்ஸ் அணிக்காக விளையாடத் தயாராகி வரும் தோனி, 4 கோடி ரூபாய் ஊதியத்தில் அன்கேப்டு வீரராக தக்க வைக்கப்பட்டுள்ளார். அதே வேளையில் தோனி இந்த சீசனின் அனைத்து போட்டிகளிலும் விளையாடுவாரா? என்ற கேள்வி எழுந்துள்ளது.
