தென்னாப்பிரிக்காவுக்கு எதிரான டி20 தொடரிலிருந்து காயத்தால் விலகிய இந்திய ஃபாஸ்ட் பவுலர் பும்ராவுக்கு மாற்று வீரராக முகமது சிராஜ் அறிவிக்கப்பட்டுள்ளார்.
டி20 உலக கோப்பைக்காக இந்திய அணி தீவிரமாக தயாராகிவரும் நிலையில், இந்திய அணியின் முன்னணி ஃபாஸ்ட் பவுலர் ஜஸ்ப்ரித் பும்ரா காயத்தால் அவதிப்பட்டுவருகிறார். தென்னாப்பிரிக்காவுக்கு எதிரான 3 டி20 போட்டிகள் கொண்ட தொடருக்கான இந்திய அணியில் இடம்பெற்றிருந்த ஜஸ்ப்ரித் பும்ரா காயம் காரணமாக இந்த தொடரிலிருந்து விலகினார்.
முதுகுப்பகுதியில் காயம் காரணமாக தென்னாப்பிரிக்க தொடரிலிருந்து விலகி பெங்களூருவில் உள்ள தேசிய கிரிக்கெட் அகாடமியில் இருக்கிறார். எனவே அவருக்கு மாற்று வீரராக முகமது சிராஜ் அறிவிக்கப்பட்டுள்ளார்.
இதையும் படிங்க - காயத்தால் டி20 உலக கோப்பையிலிருந்து விலகிய பும்ரா.. ஓராண்டுக்கு முன்பே எச்சரித்த அக்தர்! இப்ப வைரலாகும் வீடியோ
இந்தியாவிற்காக 5 சர்வதேச டி20 போட்டிகளில் ஆடியுள்ள சிராஜ் 5 விக்கெட் மட்டுமே வீழ்த்தியுள்ளார். கடைசியாக கடந்த பிப்ரவரி மாதம் இலங்கைக்கு எதிராக நடந்த டி20 போட்டியில் ஆடிய சிராஜ், அதன்பின்னர் சர்வதேச டி20 போட்டிகளில் ஆடவில்லை. ஐபிஎல்லில் 65 போட்டிகளில் ஆடி 59 விக்கெட் வீழ்த்தியுள்ளார் சிராஜ்.
பும்ரா டி20 உலக கோப்பையில் ஆடுவதும் சந்தேகம் தான். ஆனால் டி20 உலக கோப்பையில் பும்ராவிற்கான மாற்று வீரர் இன்னும் அறிவிக்கப்படவில்லை.
இதையும் படிங்க - கவாஸ்கரே என்னை பாராட்டியிருக்கார்னா சும்மாவா..? பெருமைப்படும் இளம் வீரர்
இந்த தென்னாப்பிரிக்க தொடரிலேயே பும்ராவிற்கு பதிலாக ஷமியை எடுக்காமல் சிராஜை எடுத்ததை ரசிகர்கள் விமர்சித்துவருகின்றனர். ஆனால் ஷமி கொரோனாவால் பாதிக்கப்பட்டிருப்பதால் அதிலிருந்து முழுமையாக மீண்டு வருவதற்கான அவகாசம் கொடுக்கப்பட்டிருக்கும். அவரை டி20 உலக கோப்பைக்கான பும்ராவிற்கான மாற்று வீரராக எடுப்பது திட்டமாக இருக்கும்.