டி20 உலக கோப்பைக்காக இந்திய அணி தீவிரமாக தயாராகிவரும் நிலையில், இந்திய அணியின் முன்னணி ஃபாஸ்ட் பவுலர் ஜஸ்ப்ரித் பும்ரா காயத்தால் அவதிப்பட்டுவருகிறார். தென்னாப்பிரிக்காவுக்கு எதிரான 3 டி20 போட்டிகள் கொண்ட தொடருக்கான இந்திய அணியில் இடம்பெற்றிருந்த ஜஸ்ப்ரித் பும்ரா காயம் காரணமாக இந்த தொடரிலிருந்து விலகினார்.
இந்தியாவிற்காக 5 சர்வதேச டி20 போட்டிகளில் ஆடியுள்ள சிராஜ் 5 விக்கெட் மட்டுமே வீழ்த்தியுள்ளார். கடைசியாக கடந்த பிப்ரவரி மாதம் இலங்கைக்கு எதிராக நடந்த டி20 போட்டியில் ஆடிய சிராஜ், அதன்பின்னர் சர்வதேச டி20 போட்டிகளில் ஆடவில்லை. ஐபிஎல்லில் 65 போட்டிகளில் ஆடி 59 விக்கெட் வீழ்த்தியுள்ளார் சிராஜ்.
இந்த தென்னாப்பிரிக்க தொடரிலேயே பும்ராவிற்கு பதிலாக ஷமியை எடுக்காமல் சிராஜை எடுத்ததை ரசிகர்கள் விமர்சித்துவருகின்றனர். ஆனால் ஷமி கொரோனாவால் பாதிக்கப்பட்டிருப்பதால் அதிலிருந்து முழுமையாக மீண்டு வருவதற்கான அவகாசம் கொடுக்கப்பட்டிருக்கும். அவரை டி20 உலக கோப்பைக்கான பும்ராவிற்கான மாற்று வீரராக எடுப்பது திட்டமாக இருக்கும்.