இந்தியாவுக்கு பெரிய ஷாக்..! ஹர்திக் அடித்த பந்து.. நிலைகுலைந்த சிராஜ்: களமிறங்குவதில் சிக்கல்..

இந்தியா vs தென்னாப்பிரிக்கா: சூப்பர் 8 சுற்றுக்கு முன்னதாக இந்திய அணிக்கு அதிர்ச்சி. பயிற்சி அமர்வின் போது ஹர்திக் பாண்டியா அடித்த பந்து தாக்கியதில் நட்சத்திர வேகப்பந்து வீச்சாளர் முகமது சிராஜ் காயமடைந்தார்.

ஹர்திக் பாண்டியா ஷாட்டால் துடித்த நட்சத்திர வேகப்பந்து வீச்சாளர்

டி20 உலகக் கோப்பை 2026 சூப்பர் 8 சுற்றில் தென்னாப்பிரிக்காவுடன் மோத இந்தியா தயாராகி வருகிறது. இந்த முக்கிய போட்டிக்கு முன், ஹர்திக் பாண்டியா காரணமாக முகமது சிராஜ் காயமடைந்தது கவலையை ஏற்படுத்தியுள்ளது.

வலைப் பயிற்சியில் என்ன நடந்தது?

பயிற்சியின் போது ஹர்திக் பாண்டியா அடித்த பந்து, பந்துவீசிக்கொண்டிருந்த சிராஜின் இடது முழங்காலில் பலமாக தாக்கியது. வலியால் துடித்த அவருக்கு உடனடியாக மருத்துவ உதவி அளிக்கப்பட்டது.

காயங்களால் தவிக்கும் இந்திய அணி

இந்த உலகக் கோப்பையில் இந்திய அணி காயங்களால் தொடர்ந்து பாதிக்கப்பட்டு வருகிறது. வாஷிங்டன் சுந்தர், பும்ரா, அபிஷேக் சர்மா ஆகியோரைத் தொடர்ந்து தற்போது சிராஜும் காயமடைந்துள்ளது அணிக்கு பின்னடைவாகும்.

சிராஜின் சிறப்பான ஃபார்ம்.. அணியில் முக்கியப் பங்கு

அமெரிக்காவுக்கு எதிரான போட்டியில் பும்ராவுக்கு பதிலாக களமிறங்கிய சிராஜ், 3/29 என்ற சிறப்பான பந்துவீச்சால் அணியின் வெற்றிக்கு முக்கிய காரணமாக இருந்தார். அவரது இருப்பு பந்துவீச்சு துறைக்கு பலம் சேர்க்கிறது.

சூப்பர் 8-ஐ நோக்கிய இந்திய அணியின் பயணம்

இந்த தொடரில் தோல்வியே சந்திக்காமல் சூப்பர் 8 சுற்றுக்கு இந்தியா தகுதி பெற்றுள்ளது. அரையிறுதிக்கு முன்னேற, தென்னாப்பிரிக்கா, ஜிம்பாப்வே, வெஸ்ட் இண்டீஸ் உள்ள குழுவில் முதல் இரண்டு இடங்களைப் பிடிக்க வேண்டும்.

பந்துவீச்சு பயிற்சியாளர் மோர்னி மோர்கல் நம்பிக்கை

சிராஜின் காயம் குறித்து தெளிவான தகவல் இல்லை என்றாலும், மற்ற பந்துவீச்சாளர்கள் மீது நம்பிக்கை உள்ளதாக பயிற்சியாளர் மோர்னே மோர்கல் கூறியுள்ளார். குறிப்பாக வருண் சக்கரவர்த்தியை அவர் பாராட்டினார்.