ப்ளேஆஃப் சுற்றுக்கு தகுதிபெற வலுவான வாய்ப்பில் உள்ளது. ஆனால், கேப்டன் ரியான் பராக் பேட்டிங்கில் மிகவும் மோசமாக ஆடி வருகிறார். 9 போட்டிகளில் வெறும் 117 ரன்கள் மட்டுமே எடுத்துள்ளார். அவரது சராசரி 14.62 ஆகவும், ஸ்ட்ரைக் ரேட் 124.46 ஆகவும் உள்ளது. அதிகபட்ச ஸ்கோர் 29 மட்டுமே. ராஜஸ்தான் அணியின் இந்த வெற்றிப் பயணத்திற்கு முக்கிய காரணம், தொடக்க ஆட்டக்காரர்களான வைபவ் சூர்யவன்ஷி (9 போட்டிகளில் 400 ரன்கள், ஸ்ட்ரைக் ரேட் 238-க்கு மேல், ஒரு சதம், இரண்டு அரைசதங்கள்) மற்றும் யஷஸ்வி ஜெய்ஸ்வால் (9 போட்டிகளில் 306 ரன்கள், ஸ்ட்ரைக் ரேட் 158-க்கு மேல், மூன்று அரைசதங்கள்) ஆகியோரின் அதிரடி ஆட்டம்தான்.
வேகப்பந்து வீச்சில் ஜோஃப்ரா ஆர்ச்சர் (19.50 சராசரியில் 14 விக்கெட்டுகள்) மற்றும் நான்ட்ரே பர்கர் (32.77 சராசரியில் 9 விக்கெட்டுகள்) சிறப்பாக செயல்பட்டுள்ளனர். டோனோவன் ஃபெரைரா (6 இன்னிங்ஸ்களில் 182 ரன்கள், சராசரி 36.40, ஸ்ட்ரைக் ரேட் 158-க்கு மேல், இரண்டு அரைசதங்கள்) சில போட்டிகளில் நல்ல ஃபினிஷிங் கொடுத்துள்ளார். ராஜஸ்தான் ராயல்ஸ் அணி தனது சொந்த மைதானத்தில் வரும் வெள்ளிக்கிழமை டெல்லி கேப்பிடல்ஸ் (DC) அணியை எதிர்கொள்கிறது.