India vs Netherlands: ஸ்பின்னர் அதிரடி நீக்கம்.. தமிழக வீரர் கம்பேக்.. இந்திய அணி பிளேயிங் லெவன்!

T20 உலகக்கோப்பையில் நெதர்லாந்துக்கு எதிரான போட்டியில் இந்திய அணியில் 2 மாற்றங்கள் செய்யப்பட உள்ளன. இந்தியாவின் பிளேயிங் லெவன் குறித்து இந்த செய்தியில் பார்க்கலாம். 

இந்தியா vs நெதர்லாந்து போட்டி

கிரிக்கெட்டின் அரசன் ஆஸ்திரேலியா வெளியேற்றம்; ஜிம்பாப்வே அணி சூப்பர் 8 சுற்றுக்கு தகுதி என டி20 உலகக்கோப்பை சுவாரஸ்யமான கட்டத்தை எட்டியுள்ளது. நமது இந்திய அணி அமெரிக்காவுடன் ஓரளவு கஷ்டப்பட்டு வெற்றி பெற்றாலும் நமீபியா மற்றும் பரம எதிரியான பாகிஸ்தானை பந்தாடி சூப்பர் 8 சுற்றுக்கு தகுதி பெற்றுள்ளது. 

லீக் சுற்றில் இந்திய அணி தனது கடைசி ஆட்டத்தில் நாளை (பிப்ரவரி 18) நெதர்லாந்து அணியுடன் மோதுகிறது. குஜராத்தின் அகமதாபாத்தில் உள்ள நரேந்திர மோடி மைதானத்தில் இந்த போட்டி நடைபெற உள்ளது.

ஜஸ்பிரித் பும்ராவுக்கு ஓய்வு

நெதர்லாந்துக்கு எதிரான போட்டியில் இந்திய அணியில் இரண்டு மாற்றங்கள் செய்யப்படலாம் என தகவல் வெளியாகி உள்ளது. அதாவது இந்திய அணியின் நம்பர் 1 பாஸ்ட் பவுலர் ஜஸ்பிரித் பும்ராவுக்கு ஓய்வு அளிக்கப்பட்டு அவருக்கு பதிலாக அர்ஷ்தீப் சிங் இடம்பெறலாம். 

இதேபோல் கடந்த போட்டியில் இடம்பெற்றிருந்த ஸ்பின்னர் குல்தீப் யாதவ் நீக்கப்பட்டு அவருக்கு பதிலாக தமிழக ஆல்ரவுண்டர் வாஷிங்டன் இடம்பெறுவார். காயத்தில் இருந்து குணமடைந்த வாஷிங்டன் சுந்தரை சூப்பர் 8 சுற்றுக்கு முன்னதாக களமிறக்கி அவரது உடற்தகுதியை சோதனை செய்ய இந்த முடிவு எடுக்கப்பட்டுள்ளது.

சஞ்சு சாம்சனுக்கு வாய்ப்பில்லை

மற்றபடி இந்திய அணியில் வேறு எந்த மாற்றங்களும் இருக்காது என கூறப்படுகிறது. அபிஷேக் சர்மா விளையாடுவதால் சஞ்சு சாம்சனுக்கு வாய்ப்பில்லை. அபிஷேக் சர்மா மற்றும் இஷான் கிஷன் ஒப்பனிங்கில் களமிறங்குவார்கள். 

திலக் வர்மா ஒன்டவுனிலும், கேப்டன் சூர்யகுமார் யாதவ் அதன்பிறகும் களம் காண்பார்கள். மிடில் வரிசையில் ஹர்திக் பாண்ட்யா, ரிங்கு சிங், பின்வரிசையில் அக்சர் படேல், வாஷிங்டன் சுந்தர், ஷிவம் துபே பலம் சேர்க்க உள்ளனர்.

இந்திய அணி பிளேயிங் லெவன்

பவுலிங்கை பொறுத்தவரை பாஸ்ட் பவுலிங் யூனிட்டில் அர்ஷ்தீப் சிங், ஹர்திக் பாண்ட்யா தேவைப்பட்டால் ஷிவம் துபே உள்ளனர். ஸ்பினர்களை பொறுத்தவரை வருண் சக்கரவர்த்தி, அக்சர் படேலுடன் வாஷிங்டன் சுந்தரும் இணைவார். ரிங்கு சிங் மற்றும் திலக் வர்மாவுக்கும் பவுலிங்கில் வாய்ப்பு வழங்கப்படலாம்.

நெதர்லாந்துக்கு எதிரான போட்டியில் இந்திய அணியின் உத்தேச பிளேயிங் லெவன்: சூர்யகுமார் யாதவ் (கேப்டன்), அபிஷேக் சர்மா, இஷான் கிஷன், திலக் வர்மா, ஹர்திக் பாண்ட்யா, ரிங்கு சிங், வாஷிங்டன் சுந்தர், ஷிவம் துபே, அக்சர் படேல், அர்ஷ்தீப் சிங் மற்றும் வருண் சக்கரவர்த்தி.