இந்தியாவுக்கு எதிரான முதல் டி20 போட்டியில் 239 ரன்கள் என்ற இமாலய இலக்கை நோக்கி ஆடிய நியூசிலாந்து அணி 190 ரன்கள் மட்டுமே எடுத்து 48 ரன்கள் வித்தியாசத்தில் படுதோல்வி அடைந்தது.
நியூசிலாந்துக்கு எதிரான முதல் டி20 போட்டியில் இந்திய அணி 48 ரன்கள் வித்தியாசத்தில் அபார வெற்றி பெற்றுள்ளது. இந்த போட்டியில் முதலில் பேட்டிங் செய்த இந்திய அணி 20 ஓவர்களில் 7 விக்கெட் இழந்து 238 என்ற இமாலய ரன்கள் குவித்தது. அதிரடியில் வெளுத்துக்கட்டி சிக்சர் மழை பொழிந்த அபிஷேக் சர்மா வெறும் 35 பந்துகளில் 5 பவுண்டரிகள் மற்றும் 8 சிக்ஸர்களுடன் 84 ரன்கள் விளாசினார்.
24
இந்திய அணி இமாலய ரன்கள் குவிப்பு
சூர்யகுமார் 22 பந்துகளில் 4 பவுண்டரிகள் மற்றும் 1 சிக்ஸருடன் 32 ரன்கள் எடுத்தார். ஹர்திக் பாண்ட்யா 16 பந்துகளில் 3 பவுண்டரிகள் மற்றும் 1 சிக்ஸருடன் 25 ரன்கள் எடுத்தார். கடைசியில் ரிங்கு சிங் 20 பந்துகளில் 4 பவுண்டரிகள் மற்றும் 3 சிக்ஸர்களுடன் ஆட்டமிழக்காமல் 44 ரன்கள் அடித்து அணி 230 ரன்கள் கடக்க உதவினார்.
நியூசிலாந்து தரப்பில் ஜேக்கப் டஃபி சிறப்பாக பந்துவீசி 4 ஓவர்களில் 27 ரன்கள் மட்டுமே கொடுத்து 2 விக்கெட்டுகளை சாய்த்தார். மற்ற பவுலர்கள் ரன்களை வாரி வழங்கினார்கள்.
34
கிளென் பிலிப்ஸ் அதிரடி ஆட்டம்
239 ரன்கள் என்ற இமாலய இலக்கை நோக்கி ஆடிய நியூசிலாந்து அணி 20 ஓவர்களில் 7 விக்கெட் இழப்பிற்கு 190 ரன்கள் மட்டுமே எடுத்து 48 ரன்கள் வித்தியாசத்தில் படுதோல்வி அடைந்தது. நியூசிலாந்து அணி டேவின் கான்வே (0), ரச்சின் ரவீந்திரா (1) என தொடக்க வீரர்கள் 2 பேரையும் வெறும் 2 ரன்களுக்கு இழந்து பரிதவித்தது. அதிரடியில் பட்டையை கிளப்பிய கிளென் பிலிப்ஸ் 40 பந்துகளில் 6 சிக்சர்கள், 4 பவுண்டரிகளுடன் 79 ரன்கள் எடுத்து அவுட் ஆனார்.
