உன்னை நம்புனதுக்கு.. பேருந்திலேயே அபிஷேக் சர்மாவை வெளுத்து வாங்கிய கம்பீர்.. வைரல் வீடியோ!

நடப்பு டி20 உலகக்கோப்பையில் அமெரிக்காவுக்கு எதிரான போட்டியில் முதல் பந்திலேயே டக் அவுட் ஆன அபிஷேக் சர்மா, பாகிஸ்தானுக்கு எதிரான போட்டியில் 5 பந்துகளில் டக் அவுட் ஆனார். பின்பு நெதர்லாந்துக்கு எதிராக 3 பந்துகளிலும் டக் அவுட்டில் வெளியேறினார்.

இந்திய அணி படுதோல்வி

டி20 உலகக்கோப்பையில் சூப்பர் 8 சுற்றில் தென்னாப்பிரிக்காவுக்கு எதிரான முதல் போட்டியில் இந்திய அணி படுதோல்வியை சந்தித்தது. இந்திய அணி வீரர்களை முன்னாள் வீரர்களும், ரசிகர்களும் விமர்சித்து வரும் நிலையில், இந்திய அணியின் தலைமை பயிற்சியாளர் கவுதம் கம்பீர் மற்றும் தொடக்க வீரர் அபிஷேக் சர்மா இடையேயான உரையாடல் வீடியோ சமூக ஊடகங்களில் வைரலாகி வருகிறது.

அபிஷேக் சர்மாவிடம் பேசிய கவுதம் கம்பீர்

அதாவது சென்னை விமான நிலையத்தில் தரையிறங்கிய இந்திய வீரர்கள் பின்பு சேப்பாக்கம் மைதானத்துக்கு அணியின் பேருந்தில் சென்றனர். அப்போது டிரைவருக்குப் பின்னால் உள்ள இருக்கையில் அமர்ந்திருக்கும் கவுதம் கம்பீர், ஃபார்மில் இல்லாத அபிஷேக் சர்மாவிடம் மிகவும் தீவிரமாக பேசும் வீடியோ வெளியாகியுள்ளது. 

அணி நிர்வாகத்தால் வாய்ப்புகள் வழங்கப்பட்ட போதிலும் ஃபார்முக்கு திரும்ப முடியாமல் போன அபிஷேக் சர்மாவுக்கு கடுதம் கம்பீர் அறிவுரைகளை வழங்கியதாக தகவல்கள் கூறுகின்றன.

கடுமையாக சொதப்பிய அபிஷேக் சர்மா

நடப்பு டி20 உலகக்கோப்பையில் அமெரிக்காவுக்கு எதிரான போட்டியில் முதல் பந்திலேயே டக் அவுட் ஆன அபிஷேக் சர்மா, பாகிஸ்தானுக்கு எதிரான போட்டியில் 5 பந்துகளில் டக் அவுட் ஆனார். பின்பு நெதர்லாந்துக்கு எதிராக 3 பந்துகளிலும் டக் அவுட்டில் வெளியேறினார். இதனால் தென்னாப்பிரிக்காவுக்கு எதிராக பார்முக்கு திரும்புவார் என எதிர்பார்க்கப்பட்ட நிலையில், இந்த போட்டியிலும் தடுமாற்றத்துடன் 15 ரன்கள் மட்டுமே அடுத்து அபிஷேக் சர்மா ஆட்டமிழந்தார்.

கவுதம் கம்பீர் சொன்னது என்ன?

பிப்ரவரி 26 அன்று சென்னையில் உள்ள எம்.ஏ. சிதம்பரம் மைதானத்தில் ஜிம்பாப்வேக்கு எதிரான இந்தியாவின் அடுத்த போட்டி வாழ்வா சாவா போராட்டம் ஆகும். இந்த போட்டியில் தோற்றால் இந்திய அணி தொடரை விட்டு வெளியேறி விடும். ஆகவே கம்பீர் மற்றும் அபிஷேக் இடையேயான இந்த விவாதம் வரவிருக்கும் முக்கியமான மோதலுக்கு அணியை தயார்படுத்துவதில் ஒரு பகுதியாகக் கருதப்படுகிறது.

 பவர்பிளேயில் எப்படி விளையாட வேண்டும்? என கம்பீர் அபிஷேக் சர்மாவுக்கு அறிவுரை வழங்கியிருக்கிறார். இதனால் ஜிம்பாப்வேவுக்கு எதிரான ஆட்டத்தில் அபிஷேக் சர்மா எப்படி விளையாடுவார்? என்பதை பொறுத்திருந்து தான் பார்க்க வேண்டும்.