IPL 2023: தோனிக்கு பதிலாக கான்வே விக்கெட் கீப்பராக களமிறங்க வாய்ப்பு!

தோனிக்கு காலில் ஏற்பட்ட காயம் காரணமாக அவருக்குப் பதிலாக சென்னை அணியின் தொடக்க வீரரான டெவான் கான்வே விக்கெட் கீப்பராக களமிறங்க வாய்ப்பிருப்பதாக கூறப்படுகிறது.

எம் எஸ் தோனி

சென்னை சூப்பர் கிங்ஸ் அணிக்கும், சன்ரைசர்ஸ் ஹைதராபாத் அணிக்கும் இடையிலான 29 ஆவது போட்டி இன்று இரவு 7.30 மணிக்கு சென்னை எம் ஏ சிதம்பரம் மைதானத்தில் நடக்கிறது.

எம் எஸ் தோனி

இந்தப் போட்டியில் சென்னை அணி முதலில் பந்து வீசினால் தோனிக்குப் பதிலாக டெவான் கான்வே விக்கெட் கீப்பராக களமிறங்குவார் என்று எதிர்பார்க்கப்படுகிறது.

எம் எஸ் தோனி

இந்த 16ஆவது ஐபிஎல் சீசன் தொடங்கியதிலிருந்து தோனி கால் வலியால் அவதிப்பட்டு வருகிறார். ஒரு சில போட்டிகளில் கூட அவர் பங்கேற்கமாட்டார் என்றெல்லாம் தகவல் வெளியானது. எனினும், கால் வலியையும் பெரிது படுத்தாமல் தொடர்ந்து விளையாடி வருகிறார்.

தோனி

தற்போது 41 வயதாகும் தோனி கடந்த போட்டியில் பெங்களூருவிற்கு எதிரான ஆட்டத்தில் பாப் டூப்ளெசிஸின் கேட்சை பிடிக்க முடியாமல் கடும் அவதிக்கு உள்ளானார். எனினும், அந்தப் போட்டியில் சிஎஸ்கே அணி வெற்றி பெற்றது.

எம் எஸ் தோனி

எனினும் இன்றை போட்டியில் சன்ரைசர்ஸ் ஹைதராபாத் அணிக்கு எதிரான ஆட்டத்திற்காக சென்னை அணியினர் திவீர பயிற்சியில் ஈடுபட்டனர். அப்போது சென்னை அணியின் அதிரடி வீரரான டெவான் கான்வே காலில் பேடில் கட்டிக் கொண்டு விக்கெட் கீப்பிங் பயிற்சியை மேற்கொண்டார். இதன் மூலமாக அவர் இன்றைய போட்டியில் தோனிக்குப் பதிலாக விக்கெட் கீப்பராக களமிறங்க வாய்ப்பிருப்பதாக கூறப்படுகிறது.

எம் எஸ் தோனி

தோனியின் வயது மற்றும் வலி காரணமாக அவர் நடுவரையில் களமிறங்காமல் கடைசியில் இறங்கி விளையாடி வருகிறார். பெங்களூருவிற்கு எதிரான போட்டியில் கூட ருத்துராஜ் கெய்க்வாட், டெவான் கான்வே, அஜின்க்யா ரகானே, ஷிவம் துபே, அம்பத்தி ராயுடு, மொயீன் அலி, ரவீந்திர ஜடேஜா ஆகியோரைத் தொடர்ந்து தான் தோனி களமிறங்கினார் என்பது குறிப்பிடத்தக்கது.

எம் எஸ் தோனி

இதுவரை ஹைதராபாத் அணிக்கு எதிராக 18 போட்டிகளில் விளையாடியுள்ள தோனி 488 ரன்கள் எடுத்துள்ளார். இந்தப் போட்டியில் தோனிக்குப் பதிலாக டெவான் கான்வே விக்கெட் கீப்பராக களமிறங்கினால், தோனி பீல்டிங் செய்யலாம், இல்லையென்றால் இம்பேக்ட் பிளேயராக வருவதற்கு வாய்ப்பிருப்பதாக கூறப்படுகிறது.