அர்ஜுன் டெண்டுல்கர், தொழில் அதிபரின் மகள் சானியாவின் திருமணம் மும்பையில் நடந்து முடிந்துள்ளது. சொத்து மதிப்பு யாருக்கு அதிகம்? என்பது குறித்து இந்த செய்தியில் விரிவாக பார்க்கலாம்.
இந்திய கிரிக்கெட் ஜாம்பவான் சச்சின் டெண்டுல்கரின் மகனும், கிரிக்கெட் வீரருமான அர்ஜுன் டெண்டுல்கருக்கும், தொழில் அதிபரின் மகள் சானியா சந்தோக்குக்கும் மும்பையில் உள்ள தி செயின்ட் ரெஜிஸ் ஹோட்டலில் இன்று (மார்ச் 5) திருமணம் நடைபெற்றது. இந்த திருமணத்தில் தோனி, டிராவிட், யுவராஜ் சிங் உள்ளிட்ட கிரிக்கெட் பிரபலங்கள், சினிமா, அரசியல் பிரபலங்கள் கலந்து கொண்டனர்.
24
குடும்ப நண்பர்கள்
நீண்டகால நண்பர்களாக இருவரும் காதலில் விழுந்து இப்போது திருமணம் செய்துள்ளனர். சச்சின் டெண்டுல்கரும், சானியாவின் தாத்தா ரவி காயும் நண்பர்கள். சச்சின் கிரிக்கெட் ஜாம்பவான் என்றால், ரவி 'காய் கிராவிஸ்' பிரம்மாண்ட வணிக குழுமத்தின் தலைவர். இரு குடும்பத்தினருக்கும் இடையே பல வருடங்களாக நட்பு நீடித்து வருகிறது. மணமக்கள் இருவருமே ஜாம்பவான்களின் வாரிசுகள் என்பதால் அர்ஜுன் டெண்டுல்கர், சானியா சந்தோக்கின் சொத்து மதிப்பு குறித்து பார்க்கலாம்.
34
அர்ஜுன் டெண்டுல்கரின் சொத்து மதிப்பு
இந்த மாத நிலவரப்படி அர்ஜுன் டெண்டுல்கரின் சொத்து மதிப்பு ரூ.22 கோடி ஆகும். இவரது வருமானத்தில் பெரும் பகுதி ஐபிஎல் ஒப்பந்தங்கள் (5 சீசன்களில் சுமார் ரூ. 1.7 கோடி) மற்றும் கோவா அணிக்காக விளையாடியதன் மூலம் வருகிறது. மேலும் இவர் விளம்பரங்கள் மூலம் ஆண்டுக்கு ரூ. 50 லட்சம் முதல் 1 கோடி வரை சம்பாதிக்கிறார். அதே வேளையில் இவரது குடும்ப சொத்து மதிப்பு ரூ.1,400 கோடிக்கும் அதிகம் என்பது குறிப்பிடத்தக்கது.
சானியா சந்தோக்கின் சொத்து மதிப்பு ரூ.80 லட்சம் முதல் ரூ.4 கோடி வரை இருக்கும். சானியா 'Mr Paws Pet Spa & Store' என்ற சொகுசு செல்லப்பிராணி ஸ்பா மையத்தைத் தொடங்கி நடத்தி வருவது குறிப்பிடத்தக்கது. இவரது தந்தையின் 'கிராவிஸ் குரூப்' சாம்ராஜியத்தின் மொத்த சொத்து மதிப்பு ரூ.1,000 கோடிக்கும் மேல் என்பது குறிப்பிடத்தக்கது.
சொத்து மதிப்பில் சானியாவை விட அர்ஜுன் டெண்டுல்கரே முன்னிலையில் உள்ளார். சச்சின் டெண்டுல்கரை விட அவரது மனைவி அஞ்சலி 6 வயது மூத்தவர். இதேபோல் சானியா சந்தோக்கும் அர்ஜுன் டெண்டுல்கரை விட ஒரு வருடம் மூன்று மாதங்கள் மூத்தவர் என்பது குறிப்பிடத்தக்கது.
