LSG அணிக்கு எதிரான போட்டியில் SRH வீரர் அபிஷேக் ஷர்மா டக் அவுட் ஆனார். இதன்மூலம் மோசமான சாதனையை அவர் பதிவு செய்துள்ளார். சஞ்சு சாம்சன், ரோஹித் சர்மாவின் நல்ல சாதனைகளை முறியடிப்பார் என்று பார்த்தால், இப்படி ஒரு வேண்டாத சாதனையை சமன் செய்துள்ளார்.
IPL 2026 தொடரில் சன்ரைசர்ஸ் ஹைதராபாத் அணிக்கு மீண்டும் ஒரு தோல்வி. சொந்த மண்ணில் லக்னோ சூப்பர் ஜெயன்ட்ஸ் அணியை எதிர்கொண்ட SRH, பேட்டிங் மற்றும் பவுலிங் இரண்டிலும் சொதப்பியது. ஓப்பனர் அபிஷேக் ஷர்மா மீண்டும் ஏமாற்றினார். முகமது ஷமி வீசிய பந்தில், தான் சந்தித்த இரண்டாவது பந்திலேயே டக் அவுட் ஆகி வெளியேறினார். இந்த டக் அவுட் மூலம், ஒரு மோசமான சாதனைப் பட்டியலில் அபிஷேக் ஷர்மா இணைந்துள்ளார். ஒரே காலண்டர் ஆண்டில் டி20 போட்டிகளில் அதிக முறை டக் அவுட் ஆன இந்திய வீரர்கள் பட்டியலில் ரோஹித் சர்மா, சஞ்சு சாம்சன் ஆகியோருடன் அவரும் இடம் பிடித்துள்ளார்.
25
அபிஷேக்கின் மோசமான சாதனை..
இந்த ஆண்டில் டி20 போட்டிகளில் அபிஷேக் ஷர்மா டக் அவுட் ஆவது இது ஆறாவது முறையாகும். இதன் மூலம், ஒரே ஆண்டில் அதிக முறை டக் அவுட் ஆன இந்திய வீரர்களான ரோஹித் சர்மா (2018-ல் 6 முறை) மற்றும் சஞ்சு சாம்சன் (2024-ல் 6 முறை) ஆகியோரின் சாதனையை சமன் செய்துள்ளார். சிறப்பாக விளையாடி நல்ல சாதனைகளை படைப்பார் என்று எதிர்பார்த்தால், இப்படி ஒரு மோசமான சாதனையை படைத்ததால் சன்ரைசர்ஸ் ரசிகர்கள் அவர் மீது கோபத்தில் உள்ளனர்.
35
டி20 உலகக் கோப்பையிலும் அபிஷேக்கின் டக் அவுட் சாதனை..
இந்த ஐபிஎல் தொடருக்கு முன்பு நடந்த டி20 உலகக் கோப்பையிலும் அபிஷேக் தொடர்ச்சியாக மூன்று முறை டக் அவுட் ஆனார். இறுதிப் போட்டியில் நியூசிலாந்துக்கு எதிராக அரைசதம் அடித்து ஃபார்முக்கு திரும்பியதாக ரசிகர்கள் நினைத்தனர். ஆனால், ஐபிஎல் முதல் போட்டியிலேயே மீண்டும் சொதப்பினார். உலகக் கோப்பை தொடரில் 8 இன்னிங்ஸ்களில் வெறும் 141 ரன்கள் மட்டுமே அவர் எடுத்தார்.
ராயல் சேலஞ்சர்ஸ் பெங்களூரு அணிக்கு எதிரான முதல் போட்டியில் அபிஷேக் ஷர்மா 8 பந்துகளில் 7 ரன்கள் மட்டுமே எடுத்து ஆட்டமிழந்தார். கொல்கத்தா நைட் ரைடர்ஸ் அணிக்கு எதிரான இரண்டாவது போட்டியில் மட்டும் 21 பந்துகளில் 48 ரன்கள் அடித்து அசத்தினார். ஆனால், அடுத்த போட்டியிலேயே மீண்டும் டக் அவுட். இந்த ஐபிஎல் சீசனில் இதுவரை ஆடிய மூன்று இன்னிங்ஸ்களில் அவர் வெறும் 55 ரன்கள் மட்டுமே எடுத்துள்ளார். இதில் 48 ரன்கள் கொல்கத்தா அணிக்கு எதிராக அடித்தது என்பது குறிப்பிடத்தக்கது. இந்த ஆண்டில் 16 இன்னிங்ஸ்களில் 25.20 சராசரியுடன் 378 ரன்கள் மட்டுமே எடுத்துள்ளார், ஆனால் அவரது ஸ்ட்ரைக் ரேட் 195 ஆக உள்ளது.
55
லக்னோ சூப்பர் ஜெயன்ட்ஸ் அபார வெற்றி..
ஹைதராபாத் உப்பலில் உள்ள ராஜீவ் காந்தி ஸ்டேடியத்தில் நடந்த இந்த போட்டியில், லக்னோ சூப்பர் ஜெயன்ட்ஸ் 5 விக்கெட் வித்தியாசத்தில் வெற்றி பெற்றது. முதலில் பேட்டிங் செய்த உள்ளூர் அணியான சன்ரைசர்ஸ் 156/9 ரன்கள் மட்டுமே எடுத்தது. லக்னோ அணி 19.5 ஓவர்களில் 5 விக்கெட்டுகளை இழந்து இலக்கை எட்டியது. 50 பந்துகளில் 68* ரன்கள் எடுத்த கேப்டன் ரிஷப் பந்த், லக்னோ அணியின் வெற்றிக்கு முக்கிய காரணமாக இருந்தார்.
