பஞ்சாப்பை பஞ்சு பஞ்சாக்கிய அபிஷேக் சர்மா – முதல் சதம் அடித்து வரலாற்றில் இடம் பிடித்த அபி!

Abhishek Sharma: 246 ரன்கள் இலக்கை துரத்திய ஹைதராபாத் அணிக்கு டிராவிஸ் ஹெட், அபிஷேக் சர்மா அதிரடியான இன்னிங்ஸ்களை ஆடினர். குறிப்பாக அபிஷேக் சர்மா 40 பந்துகளில் சதம் அடித்தார். 141 ரன்கள் குவித்த இன்னிங்சில் 12 சிக்ஸர்கள், 10 பவுண்டரிகள் அடித்து பஞ்சாப் அணிக்கு அதிர்ச்சி அளித்தார்.    

Abhishek Sharma Maiden IPL Hundred

Abhishek Sharma: அதிரடி, ஆக்ரோஷம், ரன் மழை என அனைத்தையும் உப்பல் மைதானத்தில் சன் ரைசர்ஸ் ஹைதராபாத் வீரர்கள் டிராவிஸ் ஹெட், அபிஷேக் சர்மா காட்டினர். வந்த பந்துகளை பவுண்டரி, சிக்ஸர்களாக விளாசினர். களத்தில் இறங்கியதுமே பஞ்சாப் பந்துவீச்சாளர்களை தாக்கினர்.

பஞ்சாப் பந்துவீச்சாளர்களுக்கு வியர்வை வரவழைத்தனர். டிராவிஸ் ஹெட் அதிரடியாக அரைசதம் அடிக்க, இளம் வீரர் அபிஷேக் சர்மா மைதானத்தை அதிர வைத்து தனது முதல் ஐபிஎல் சதத்தை அடித்தார்.

சதம் அடித்த பிறகு அபிஷேக் சர்மா கொண்டாடிய விதம் சிறப்பாக இருந்தது. இது ஆரஞ்சு படைக்காக என்று தனது சதத்தை அர்ப்பணித்தார். அவர் எப்படி களத்தில் இறங்கினார் என்பதை புரிந்து கொள்ளலாம்.

Abhishek Sharma Fastest hundreds in the IPL

உப்பலில் அடித்தால் பஞ்சாபில் விழும் அளவுக்கு சிக்ஸர் அடித்த அபிஷேக் சர்மா

ஐபிஎல் 2025 போட்டியில் ஹைதராபாத்தில் உள்ள உப்பல் மைதானத்தில் பஞ்சாப் கிங்ஸ் - சன் ரைசர்ஸ் ஹைதராபாத் அணிகள் மோதின. முதலில் பேட்டிங் செய்த பஞ்சாப் அணி 6 விக்கெட்டுகளை இழந்து 245 ரன்கள் எடுத்தது. கேப்டன் ஷ்ரேயாஸ் ஐயர் 82 ரன்கள், பிரபுசிம்ரன் 42 ரன்கள் எடுத்தனர்.

246 ரன்கள் இலக்கை துரத்திய சன் ரைசர்ஸ் ஹைதராபாத் அணிக்கு ஓப்பனர்கள் அபிஷேக் சர்மா, டிராவிஸ் ஹெட் அதிரடியான தொடக்கம் கொடுத்தனர். அபிஷேக் சர்மா அதிரடியாக விளையாடி 7 ஓவர்களில் ஹைதராபாத் அணி 93 ரன்கள் எடுத்தது. 10 ஓவர்களில் 143/0 ரன்கள் எடுத்தது.

அபிஷேக் சர்மா 19 பந்துகளில் அரைசதம் அடித்தார். இது ஐபிஎல் 2025-ல் இரண்டாவது அதிவேக அரைசதம் ஆகும். பின்னர் மேலும் அதிரடியாக விளையாடி பவுண்டரிகள், சிக்ஸர்கள் அடித்து சதம் அடித்தார். 40 பந்துகளில் சதத்தை பூர்த்தி செய்தார். ஐபிஎல் வரலாற்றில் 6-வது அதிவேக சதம் அடித்த வீரர் ஆனார். மொத்தம் 141 ரன்கள் குவித்த இன்னிங்சில் 14 பவுண்டரிகள், 10 சிக்ஸர்கள் அடித்தார்.

Abhishek Sharma Maiden IPL Century

ஐபிஎல் 2025-ல் பெரிய சிக்ஸர் அடித்த அபிஷேக் சர்மா

அபிஷேக் சர்மா தனது அதிரடி சதத்தில் சிக்ஸர் மழை பொழிந்தார். மொத்தம் 10 சிக்ஸர்கள் அடித்தார். இதில் பெரிய சிக்ஸர்களும் அடங்கும். மார்கோ ஜான்சன் பந்துவீச்சில் 10-வது ஓவரில் இரண்டு பெரிய சிக்ஸர்கள், இரண்டு பவுண்டரிகள் அடித்தார். இதில் ஒரு சிக்ஸர் 106 மீட்டர் தூரம் சென்றது. இது இந்த ஐபிஎல் தொடரில் மிகப்பெரிய சிக்ஸர் ஆகும். 

Abhishek Sharma Century Records

அதேபோல், ஐபிஎல்-ல் அதிக தனிநபர் ஸ்கோர் 141 ரன்களுடன் அபிஷேக் சர்மா 3-வது வீரராக உள்ளார். முதல் இரண்டு இடங்களில் கிறிஸ் கெயில் 175*, பிரண்டன் மெக்கல்லம் 158* ரன்களுடன் உள்ளனர்.

மேலும், ஐபிஎல்-ல் அதிக தனிநபர் ஸ்கோர் அடித்த இந்திய வீரர் என்ற சாதனையை அபிஷேக் சர்மா படைத்தார். ஐபிஎல் வரலாற்றில் மூன்றாவது அதிக ஸ்கோர் இது. டிராவிஸ் ஹெட்-அபிஷேக் சர்மா ஜோடி 171 ரன்கள் பார்ட்னர்ஷிப் அமைத்து ஐபிஎல் 2025-ல் அதிக ரன்கள் எடுத்த ஜோடி ஆனது.

Abhishek Sharma

இந்த போட்டியில் டிராவிஸ் ஹெட் 37 பந்துகளில் 9 பவுண்டரிகள், 3 சிக்ஸர்களுடன் 66 ரன்கள் எடுத்தார். அபிஷேக் சர்மா, டிராவிஸ் ஹெட், ஹென்ரிச் கிளாசென் ஆகியோரின் இன்னிங்ஸ்களால் 18.3 ஓவர்களில் 247/2 ரன்கள் எடுத்து ஹைதராபாத் அணி வெற்றி பெற்றது. இது ஐபிஎல் வரலாற்றில் இரண்டாவது அதிக சேஸிங் ஆகும்.