குட்நியூஸ்.. இன்றும், நாளையும் பள்ளிகளுக்கு விடுமுறை.. வெளியான முக்கிய அறிவிப்பு..!

புதுச்சேரியில் உள்ள அனைத்து பள்ளிகளுக்கும் இன்றும், நாளையும் விடுமுறை என பள்ளிக் கல்வித்துறை அறிவிப்பை வெளியிட்டுள்ளது. 

புதுச்சேரி, காரைக்கால், ஏனாம் பிராந்தியங்கள் பிரெஞ்சு ஆதிக்கத்தில் இருந்து கடந்த 1954ம் ஆண்டு நவம்பர் மாதம் 1ம் தேதி விடுதலை பெற்று இந்தியாவுடன் இணைந்தது. இதனை கொண்டாடும் விதமாக ஒவ்வொரு ஆண்டும் நவம்பர் மாதம் விடுதலை தினம் கடைப்பிடிக்கப்படுகிறது.  கடந்த 2014 ம் ஆண்டு முதல் நவம்பர் 1ம் தேதியை புதுச்சேரி விடுதலை நாளாகவும், அரசு விடுமுறை தினமாகவும் மாநில அரசு அறிவித்தது. அதன்படி இந்த ஆண்டும் புதுச்சேரி மாநிலத்தின் அனைத்து பிராந்தியங்களிலும் விடுதலை தினம் கொண்டாடப்பட இருக்கிறது.

இதேபோல் கிறிஸ்தவர்கள் முன்னோர்களை நினைத்து பிரார்த்தனை செய்யும் கல்லறை திருவிழா ஆண்டுதோறும் நவம்பர் மாதம் 2ம் தேதி நடைபெறும். அன்றைய தினம் தங்கள் குடும்பத்தை சேர்ந்தவர்களின் கல்லறைகளில் பூக்களை வைத்து மெழுகுவர்த்தி ஏந்தி மக்கள் பிரார்த்தனை செய்வார்கள். 

இந்நிலையில் புதுச்சேரி விடுதலை நாள் மற்றும் கல்லரை திருநாள் ஆகியவற்றை அனுசரிக்கும் வகையில் புதுச்சேரியில் 2 நாள் விடுமுறை அளிக்கப்பட்டுள்ளது.