Breast Pain: மாதவிடாய் வருவதற்கு முன்பே அதற்காக நம் உடல் தயார் நிலையில் உள்ளது என்பதை உணர்த்தும் அறிகுறிகளில் ஒன்றுதான் மார்பக வலியாகும்.
மாதவிடாய் உடலை மட்டுமல்லாமல், மன நிலையிலும் பாதிப்பை ஏற்படுத்தும். மாதவிடாய் காலத்தில் பெண்களுக்கு படபடப்பு, கோபமான மனநிலை, எரிச்சல், பதட்டம் ஆகியவை ஏற்படும். சில பெண்களுக்கும் மார்பகங்களில் வலி, வீக்கம், கனத்த உணர்வு போன்றவை இருக்கும். இதற்கு என்ன காரணம் என்பதை இந்த பதிவின் மூலம் தெரிந்து வைத்து கொள்வோம்.
இவை புரோஜெஸ்ட்ரோன் மற்றும் ஈஸ்ட்ரோஜென் ஹார்மோன்களின் அளவுகளில் ஏற்படுகிற மாற்றங்கள் காரணமாக நமக்கு ஏற்படுகிறது. இதை ப்ரீ மென்ஸ்டுரல் சிண்ட்ரோம் (premenstrual syndrome) என்று அழைப்பார்கள்.
வீக்கம், மென்மையாதல், வலி, எரிச்சல், போன்றவை மாதவிடாய் காலத்தில் பெண்கள் பலருக்கும் தோன்றும் அறிகுறிகள் ஆகும்.இந்த அறிகுறிகள் மாதவிடாய் தொடங்குவதற்கு சில நாட்கள் முன் ஆரம்பித்து, மாதவிடாய் காலத்தில் உச்சத்தை அடைந்து பிறகு தானாகவே சரியாகி விடக்கூடியவை. பயப்படத் தேவையில்லை. இந்த அறிகுறிகள் மாதவிடாய் வந்து இரண்டு மூன்று நாட்களில் சரியாகிவிடும். அதற்காக இப்படி எல்லா அறிகுறிகளையுமே சாதாரணம் என நினைத்து அலட்சியப்படுத்தவும் கூடாது.
எவற்றை அலட்சியப்படுத்தக்கூடாது?
மார்பகங்களில் அல்லது அக்குள் பகுதியில் கட்டி வளர்ச்சி, வீக்கம், வலி போன்றவை இருந்தால் சாதாரணமாக கருத வேண்டாம்.
மார்பகங்களின் முளைக் காம்புகளில் இரத்தமோ, திரவமோ கசிந்தால் அலட்சியப்படுத்த வேண்டாம்.
மார்பகத்தின் சருமமானது சிவந்துபோவது, அரிப்பது, குழிகள் விழுந்து காணப்படுவது போன்ற மாற்றங்களை சந்தித்தால்.
மாதவிடாய் முடிந்தபிறகும் இந்த அறிகுறிகள் தொடர்ந்தால், உடனடியாக மகளிர் மருத்துவரை அணுகிப் ஆலோசனை மேற்கொள்வது அவசியம்.
மாதவிடாய் மார்பக வலி இருந்தால் என்ன செய்யலாம்?
கொழுப்பு அதிகமான உணவுகளைத் தவிர்த்து குறைந்த கொழுப்புள்ள உணவுகளை சாப்பிடவும்.
இறுக்கமான உள்ளாடைகள் அணியாதீர்கள். இரவில் தூங்கும்போது உள்ளாடைகளை கழற்றிவிட்டு வசதியாக தூங்குங்கள்.
டீ, காஃபி குடிக்க வேண்டாம். இவை தவிர்த்து வேர்க்கடலை, பூண்டு, பால், சீரகம், முருங்கைக்கீரை, ஆலிவ் , சோளம், வாழைப்பழம், இளநீர், கேரட், பழுப்பரிசி ஆகியவை சாப்பிடலாம்.
மார்பக வலியைக் குறைக்க அந்த இடத்தில் சுடுதண்ணீர் ஒத்தடம் கொடுக்கலாம்.சூடான தண்ணீரை பருகலாம்.
மாதவிலக்கு ஆரம்பிப்பதற்கு ஒரு வாரம் முன்னதாகவே உணவில் உப்பின் அளவைக் குறைத்துவிடவும். உடற்பயிற்சி செய்வதை வழக்கப்படுத்திக் கொள்ளவும்.
சேனலை கிளிக் செய்து பின்தொடரவும்