Shirt Pocket Secret : சட்டைகளில் பாக்கெட்டுகள் இருப்பது உதவிகரமாக இருக்கும். அந்த பாக்கெட்டுகள் பெரும்பாலும் இடதுபுறம் தான் இருக்கும். அதன் பின்னணியில் உள்ள காரணத்தை இந்த தொகுப்பில் பார்க்கலாம்.
நாம் தினமும் அணியும் சட்டைகளில் ஒரு விஷயத்தை பெரும்பாலும் கவனித்திருப்போம். ஆண்கள் அணியும் பெரும்பாலான சட்டைகளிலும், பல பெண்கள் அணியும் ஷர்ட்களிலும் பாக்கெட் பெரும்பாலும் இடது பக்கத்தில்தான் இருக்கும். ஆனால், ஏன் வலது பக்கத்தில் இல்லாமல் இடது பக்கத்திலேயே வடிவமைக்கப்படுகிறது என்ற கேள்வி பலருக்கும் எழுந்திருக்கும்.
வரலாற்றை திருப்பிப் பார்த்தால், ஆரம்பத்தில் தயாரிக்கப்பட்ட சட்டைகளில் பாக்கெட் என்ற வசதியே இல்லை. தேவையான பொருட்களை தனியாக பைகளில் அல்லது இடுப்பில் கட்டிக்கொண்டு செல்வதே வழக்கமாக இருந்தது. பின்னர் பேனா, சிறிய நோட்டுப் புத்தகம், பணம் போன்றவற்றை எளிதாக எடுத்துச் செல்லும் வசதிக்காக சட்டைகளில் பாக்கெட் அறிமுகப்படுத்தப்பட்டது.
சட்டையின் இடது பக்கத்தில் பாக்கெட் அமைக்கப்பட்டதற்கு உறுதியான அறிவியல் ஆதாரம் எதுவும் இல்லை. இருப்பினும், பயன்பாட்டு வசதியே இதற்கான முக்கிய காரணமாகக் கூறப்படுகிறது. உலக மக்களில் பெரும்பாலானோர் வலது கை பழக்கம் கொண்டவர்கள். வலது கையால் பொருட்களை எடுத்து பயன்படுத்துவதற்கு, இடது மார்புப் பகுதியில் இருக்கும் பாக்கெட் மிகவும் வசதியாக இருக்கும். அதன் காரணமாகவே சட்டை வடிவமைப்பாளர்கள் இடது பக்க பாக்கெட்டை பொதுவான வடிவமாக ஏற்றுக்கொண்டனர்.
முதலில் ஆண்களின் சட்டைகளில் மட்டுமே பாக்கெட் இடம்பெற்றது. பெண்களின் ஆடைகளில் பாக்கெட் பெரும்பாலும் இடம்பெறவில்லை. ஆனால் காலப்போக்கில் பெண்களின் வசதியையும் கருத்தில் கொண்டு அவர்களுக்கான ஷர்ட்களிலும் பாக்கெட்டுகள் சேர்க்கப்பட்டன. அதிலும் இடது பக்க வடிவமைப்பே அதிகமாக பயன்படுத்தப்பட்டது. முன்பெல்லாம் வலது பக்கம் பாக்கெட் இருந்தால் அதை பலரும் ஆச்சர்யமாக பார்ப்பார்கள். ஆனால் தற்போதையே காலகட்டத்தில் இரண்டு பக்கமும் பாக்கெட் இருப்பது ஒரு ஃபேஷனாக மாறிவிட்டது.
தற்போது ஃபேஷன் உலகில் பல புதிய வடிவமைப்புகள் வந்துவிட்டன. சில சட்டைகளில் வலது பக்க பாக்கெட், சிலவற்றில் இருபுற பாக்கெட்டுகள், சிலவற்றில் பாக்கெட் இல்லாத வடிவங்களும் காணப்படுகின்றன. இருப்பினும், இடது பக்க பாக்கெட் கொண்ட பாரம்பரிய வடிவமைப்பே இன்னும் அதிகமாக பயன்படுத்தப்பட்டு வருகிறது. பயன்பாட்டு வசதியுடன் சேர்ந்து, சட்டையின் தோற்றத்தையும் அழகாக காட்டுவதால், இடது பக்க பாக்கெட் இன்று வரை ஒரு நிலையான ஃபேஷன் அம்சமாகவே தொடர்கிறது. சட்டை மட்டுமின்றி டீ-சர்ட்களிலும் இதே நடைமுறை தொடர்கிறது.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
