International Friendship Day 2022: நட்பின் முக்கியத்துவத்தை பற்றி சாக்ரடீஸ் போன்ற மேதைகளின் கூற்று என்ன என்பதை இந்த நாளில் தெரிந்து கொள்வோம் வாருங்கள்.
நட்பு என்பது அன்பின் மற்றொரு சொல் என்றால் மிகையாகாது. நம் முன்னேற்றத்தின் முதல் படிக்கட்டி பெற்றோர்கள் என்றால், இரண்டாவது படிக்கட்டு நண்பர்கள்தான். அத்தகைய நண்பர்களை பெருமைபடுத்தும் விதத்தில், ஒவ்வொரு ஆண்டும் ஜூலை 30ம் தேதி நண்பர்கள் தினமாக கொண்டாடப்பட்டு வருகிறது. ஆனால், இந்தியாவில் ஒவ்வொரு வருடமும் ஆகஸ்ட் மாதத்தின் முதல் ஞாயிறு அன்று நண்பர்கள் தினம் கொண்டாப்பட்டு வருகிறது.
நட்புக்காக தொடங்கி நண்பன் வரை பல திரைப்படங்கள் பல படங்கள் அனைத்து காலக்கட்டங்களில் வெளியாகி நட்பின் சிறப்பை எடுத்துரைக்கிறது. ''முஸ்தப்பா முஸ்தப்பா மூழ்காத ஷிப்பே ஃப்ரெண்ட்ஷிப் தான்’ என்ற வார்த்தைக்குள் எத்தனை உண்மை இருக்கிறது.''ஃப்ரெண்ட்ஷிப் தான் சொத்து நமக்கு''. அந்தளவுக்கு ஒவ்வொருவர் வாழ்விலும் மிகப் பெரும் மாற்றத்தினை ஏற்படுத்துவது இந்த நண்பர்கள் தான்.
வாழ்வில் எந்த சூழலிலும் பாசிட்டிவாக இருக்க ஒரே ஒரு சிறந்த நண்பர் இருந்தால் கூட போதும். நம்மை மற்றும் நம் சூழ்நிலையை புரிந்து கொள்ள நண்பர்கள் உறுதுணையாக இருக்கிறார்கள். அதனால்தான் நண்பர்கள் நமக்கு வாழ்க்கையில் கிடைத்த மிகப்பெரிய வரமாக இருக்கிறார்கள். இந்த அழகான உறவின் முக்கியத்துவத்தை பற்றி சாக்ரடீஸ் போன்ற மேதைகளின் கூற்று என்ன என்பதை தெரிந்து கொள்வோம் வாருங்கள்.
1. டாக்டர் ஏ.பி.ஜே. அப்துல் கலாம் கூற்றுப்படி, ஒரு புத்தகம் என்பது 100 நல்ல நண்பர்களுக்கு சமம். ஆனால், ஒரு நல்ல நண்பன் என்பவன்... ஒரு நூலகத்திற்கே சமமானவன்.
2. கஸாலி என்ற மாமேதை, நட்பினை மூன்று வகையாக பிரிக்கிறார். முதலாவது வகை நட்பு உணவை போன்றது. இந்த வகை நட்பு எப்போதும் தேவை. இரண்டாவது வகை நட்பு மருந்தினை போன்றது. இந்த வகை நட்பு எப்போதாவது தேவை. மூன்றாவது வகை நட்பு நோயை போன்றது. இந்த வகை நட்பு எப்போதும் தேவையில்லை என்கிறார்.
சாக்ரடீஸ், ஒரு வீட்டை கட்டிக் கொண்டிருந்தார். அந்த வீட்டை பார்த்த நபர் உங்களுக்கு இந்த சிறிய வீடு இதுபோதுமா?' என்று கேட்டுள்ளார். உடனே தத்துவ அறிஞர் சாக்ரடீஸ், இந்த சிறிய வீட்டை நிரப்புவதற்கு உண்மையான நண்பர்கள் கிடைப்பார்களா எனத் தெரியவில்லை என்றாராம்.
அதுமட்டுமின்று, உலக புகழ் பெட்ரா யங் என்ற அறிஞர் கூற்றுப்படி, ''நீ உலகின் அதிபதியாய் இருப்பினும் ஒரு நண்பன் இல்லாவிடில் ஏழை தான்,'' என கூறுகிறார்.
எனவே, இந்த நாளில் முடிந்த அளவிற்கு நண்பர்கள் ஒன்று கூடுவதற்கு முயற்சி செய்யுங்கள். நீங்கள் நீண்ட நாட்களாக சந்திக்க முடியாத நினைவில் வைத்திருக்கும் நண்பர்களை, அதிக தொலைவில் இருப்பவரை தேடிச் சென்று “சர்ப்பிரைஸ் விசிட்” ஒன்று அடியுங்கள். உங்களை பார்த்த மகிழ்ச்சியில் அவருடைய சந்தோஷத்தை புகைப்படம் எடுங்கள். இணையத்தில் நண்பர்களுடன் பகிர்ந்து கொள்ளுங்கள்.
சேனலை கிளிக் செய்து பின்தொடரவும்