Window Condensation: மழைக்காலத்தில் ஜன்னல் கண்ணாடிகளில் நீர்த்துளிகள் படிந்து, வீடு முழுவதும் ஈரமாக இருப்பது பெரிய பிரச்சனை. இதை சரிசெய்ய, ஜன்னலில் ஒரு ஸ்பூனை வைக்கும் டிரிக் ஒன்று சோஷியல் மீடியாவில் வைரலாகி வருகிறது.
ஜன்னல் அருகே ஸ்பூன் வைக்கும் இந்த டிரிக் தெரியுமா?
உங்கள் வீட்டு ஜன்னல்களிலும் மழைக்காலத்தில் இப்படி தண்ணீர் வழிகிறதா? இந்த தண்ணீர் சுவர்களைப் பாதிப்பதோடு, வீட்டில் ஈரப்பதம், பூஞ்சை மற்றும் ஒருவித கெட்ட வாசனையையும் உண்டாக்கும். இந்த பிரச்சனையைத் தவிர்க்க ஒரு சிம்பிள் டிரிக் பிரபலமாகி வருகிறது. அதுதான், ஜன்னல் அருகே ஒரு ஸ்டீல் ஸ்பூனை வைப்பது. 100-ல் 90 பேருக்கு இந்த டிரிக் எப்படி வேலை செய்கிறது என்று தெரிவதில்லை. வாங்க பார்க்கலாம்.
வீட்டின் உட்புற வெப்பநிலை, வெளிப்புற வெப்பநிலையை விட அதிகமாக இருக்கும்போது இந்த பிரச்சனை அதிகமாகிறது. அறையில் இருக்கும் சூடான, ஈரப்பதம் நிறைந்த காற்று, ஜன்னலின் குளிர்ச்சியான கண்ணாடியில் பட்டவுடன், காற்றில் உள்ள நீராவி நீர்த்துளிகளாக மாறுகிறது. இந்த செயல்முறைக்கு 'கண்டன்சேஷன்' என்று பெயர். ஜன்னலில் தொடர்ந்து தண்ணீர் படிந்தால், அதன் மரச்சட்டம் சேதமடையலாம். ஜன்னலைச் சுற்றியுள்ள சுவர்களில் ஈரப்பதம் ஏற்பட்டு பூஞ்சை வளரவும் வாய்ப்புள்ளது.
இந்த டெக்னிக்கை முயற்சிக்க பெரிய செலவு எதுவும் தேவையில்லை. ஒரு ஸ்டெய்ன்லெஸ் ஸ்டீல் ஸ்பூன் அல்லது வேறு எந்த ஸ்டீல் ஸ்பூன் இருந்தாலும் போதும். அந்த ஸ்பூனை ஜன்னல் சட்டத்தின் மீது அல்லது ஜன்னலின் ஓரத்தில் வையுங்கள். ஸ்பூன், ஜன்னல் கண்ணாடிக்கு அருகில் இருக்குமாறு பார்த்துக்கொள்ளுங்கள். ஸ்பூனின் கைப்பிடி வீட்டின் உட்பக்கமும், அதன் குழிவான பகுதி கண்ணாடியை நோக்கியும் இருக்க வேண்டும்.
உலோகத்தின் வெப்ப கடத்துத்திறன் (thermal conductivity) என்ற அறிவியல் தத்துவத்தின் அடிப்படையில் இந்த முறை செயல்படுகிறது. இரும்பு, ஸ்டீல் போன்ற உலோகங்கள் கண்ணாடியை விட வேகமாக வெப்பத்தை உள்வாங்கி, வெளியேற்றும். இதனால், ஜன்னல் கண்ணாடியில் படியும் ஈரப்பதத்தை இந்த ஸ்பூன் ஓரளவிற்குத் தன்பக்கம் ஈர்க்கிறது. ஆனால், இது பெரிய அளவில் பலன் தராது என்பது குறிப்பிடத்தக்கது.
57
இதன் முக்கிய நன்மைகள்
• ஸ்பூனின் குளிர்ச்சியான பரப்பில் ஈரப்பதம் நீர்த்துளிகளாகப் படிவதால், கண்ணாடியில் படியும் நீரின் அளவு சற்றுக் குறையலாம்.
• கண்ணாடியில் வழியும் நீர், மரச்சட்டம் அல்லது பெயின்ட்டை சேதப்படுத்துவதைக் குறைக்க இந்த ஸ்பூன் உதவும்.
• ஜன்னலைச் சுற்றி ஈரப்பதம் தொடர்ந்து இருப்பதால் பூஞ்சை வளரும். இந்த ஸ்பூன் வைப்பதால், பூஞ்சை உருவாவது குறைய வாய்ப்புள்ளது.
67
ஈரப்பதம், துர்நாற்றத்தில் இருந்து தீர்வு கிடைக்குமா?
வீட்டில் ஈரப்பதம் அதிகமாக இருந்தால், பூஞ்சை மற்றும் பிற நுண்ணுயிரிகள் வளர சாதகமான சூழல் உருவாகும். இதனால் வீட்டில் ஒருவித கெட்ட வாசனையும் வரலாம். ஜன்னல் அருகே ஸ்பூன் வைப்பது, இந்த ஈரப்பதத்தையும் துர்நாற்றத்தையும் ஒரு சிறிய அளவில் கட்டுப்படுத்த உதவக்கூடும்.
77
ஸ்பூன் டிரிக் உண்மையில் எவ்வளவு பயனுள்ளது?
உங்கள் ஜன்னல் ஓரத்தில் இருந்து தண்ணீர் கசிந்தால், இந்த டிரிக் நிச்சயமாகப் பயன்படாது. அதேபோல, அதிகப்படியான ஈரப்பதத்தையும் இந்த ஸ்பூனால் கட்டுப்படுத்த முடியாது. இது ஒரு சிறிய அளவிற்கு மட்டுமே உதவும்.
குறிப்பு: இது சோஷியல் மீடியாவில் வைரலாகும் ஒரு டிரிக் மட்டுமே. இதை முயற்சிப்பதால் எந்தப் பாதிப்பும் இல்லை, ஆனால் இது முழுமையான தீர்வைக் கொடுக்கும் என்பதற்கு எந்த உத்தரவாதமும் இல்லை.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
