Vastu Tips: வீட்டில் எத்தகைய வாஸ்து குறையும் நீங்க இந்த பரிகாரம் செய்யலாம். அப்படியான, ஒரு சிறந்த பரிகாரத்தை பற்றி தான் நாம் இந்தப் பதிவின் மூலம் தெரிந்து கொள்ள போகிறோம்.
ஒவ்வொரு நபரும் வீடு கட்டும் போது வாஸ்து முறைப்படி கட்ட வேண்டியது அவசியம்..ஆனால், நம்முடைய எல்லா வீடுகளும் வாஸ்து முறைப்படி அமைவதில்லை. இதனால், குடும்பத்தில் பிரச்சனை, குழப்பம், வறுமை போன்றவை தலைவிரித்து ஆடும்..அதேபோன்று, பெரும்பாலும், நாம் விலைக்கு வாங்கும் வீடுகளும், வாஸ்து முறைப்படி கட்டப்படுவதில்லை.இப்படி வாஸ்து குறைபாடு உள்ள வீடுகளில் ஏதாவது ஒரு பிரச்சனை தொடர்ந்து இருந்து கொண்டே இருக்கும். இதையே வாஸ்து குறைபாடு என்கிறோம்.
இந்த குறைபாடு இருப்பவர்களுக்கு பெரும்பாலும் பல்வேறு நிபுணர்கள் வீட்டின் புதிய கட்டமைப்பை பரிந்துரை செய்வார்கள். இல்லையென்றால், ஆசை ஆசையாய் கட்டிய வீட்டை விட்டு வேறு இடத்திற்கு குடிபெயர வேண்டிய சூழல் இருக்கும். வாஸ்து குறைபாடு என்பது சாதாரண பிரச்சனை அல்ல. சில வீடுகளில் எல்லாம் துர்மரணங்கள் கூட வாஸ்துவினால் நிகழ்ந்துள்ளன.
சில நேரம் வாஸ்து பார்த்து வீடு கட்டினாலும், வீட்டில் உண்டாகும் சிறு சிறு பிரச்சனைகளுக்கு கூட வாஸ்து குறை இருக்குமோ? என்கிற பயம் உண்டாகிறது.
எனவே, நீங்கள் இதையெல்லாம் செய்யாமல் எளிதாக வீட்டிலேயே வாஸ்து குறை நீங்க இந்த பரிகாரம் செய்யலாம். அப்படியான, ஒரு சிறந்த பரிகாரத்தை பற்றி தான் நாம் இந்தப் பதிவின் மூலம் தெரிந்து கொள்ள போகிறோம். வாருங்கள் தெரிந்து கொள்வோம்.
உங்கள் வீட்டில் வாஸ்து குறைபாடு இருந்தால், முதலில் ஒரு சிறிய கண்ணாடி பௌலில் சுத்தமான தண்ணீரை நிரப்பி, அதில் ஸ்படிக லிங்கம் போட்டு அதில் பன்னீரை ஊற்றிக் கொள்ளுங்கள். வீட்டின் வரவேற்பறையில் இதனை வைத்து விட்டால் போதும். எந்த ஒரு வாஸ்து குறைபாடும் உங்களை ஒன்றும் செய்ய முடியாது. வாஸ்துவினால் ஏற்படும் பிரச்சனைகள் எதுவாக இருந்தாலும் அவைகள் நீங்கி பல்வேறு நன்மைகள் நடைபெறும். சிறிய அளவிலான ஸ்படிக லிங்கத்தை போட்டால் கூடப் போதும். இந்த, ஸ்படிக லிங்கம் பிரசித்தி பெற்ற சிவன் கோயில்களில் அமைக்கப்பட்டிருக்கும் கடைகளில் கிடைக்கும்.
வாரம் ஒருமுறை அதிலிருக்கும் தண்ணீரை மாற்றி விட்டு புதியதாக தண்ணீரையும், பன்னீரையும் சேர்த்து மீண்டும் அதே இடத்தில் வைத்து விடுங்கள். இவ்வாறு தொடர்ந்து செய்து வந்தால் வாஸ்து பிரச்சனை எதுவும் உங்களை நெருங்க கூட செய்யாது. மேலும் வாஸ்து குறைபாடு நீங்க வீட்டை சுற்றிலும் பசுமையான மரங்கள் வளர்ப்பது நல்ல தீர்வாக இருக்கும். அதுமட்டுமின்றி, கல் உப்பு எடுத்து, மஞ்சள் நிரப்பி வீட்டின் எங்கோ ஒரு மூலையில் வைத்தால், கெட்ட சக்தி, கஷ்டம் போன்றவை உங்களை தொடவே தொடாது.
சேனலை கிளிக் செய்து பின்தொடரவும்