Useful kitchen tips: வீட்டில் இல்லத்தரசிகள் அதிகம் பயன்படுத்தும், சமையல் அறைக்கு தேவையான சின்ன சின்ன குறிப்புகள் இந்த பதிவின் மூலம் தெரிந்து வைத்து கொள்வோம். அப்படி, தெரிந்து கொண்டால் நீங்கள் தான் உங்கள் வீட்டின் கிச்சன் குயின்.
நம்முடைய வீடுகளில், சமையல் அறைதான் அதிகம் பயன்படுத்தும் இடமாகும். காலை முதல் இரவு உறங்க செல்வது வரை இல்லத்தரசிகள் பயணம் சமையம் அறையில் தொடர்ந்து கொண்டேதான் இருக்கும். பொதுவாக சமையல் அறையில் நாம் சில விஷயங்களை சிரமப்பட்டு செய்து கொண்டிருப்போம். இது போன்ற சின்ன சின்ன விஷயங்களுக்கு தேவையான பரிந்துரைகள் உள்ளன. அப்படியாக, இல்லத்தரசிகளின் கோவில் என்று அழைக்கப்படும் சமையலறை சுத்தத்திற்காகவும், நல்ல ஒரு ஆரோக்கியத்திற்காகவும் தேவையான எளிய குறிப்புகள் இந்த பதிவில் பார்க்கலாம்.
டிப்ஸ் 1:
நாம் பிஸியாக சுமைக்கு பொழுது, வெங்காயம் உரிப்பது, பூண்டு உரிப்பது கூட சிரமமாக இருக்கும். இனிமேல் நீங்கள் வெங்காயத்தின் தலைப்பகுதி மற்றும் வால் பகுதியை மட்டும் நீக்கிவிட்டு ஒரு கப் பாத்திரத்தில் போட்டு ஊற வைத்துக் கொள்ளுங்கள். ஒரு பத்து நிமிடம் கழித்து இதை பிசைந்தாலே தோல் சுலபமாக உரிந்து வந்துவிடும். இதற்காக அதிக நேரம் செலவு செய்ய வேண்டிய அவசியம் இல்லை.
டிப்ஸ் 2:
ஹார்லிக்ஸ் அல்லது பூஸ்ட் போன்றவை கட்டி படாமல் இருக்க இந்த டிப்ஸ் உபயோகமாக இருக்கும். இதற்கு நீங்கள் ஒரு சிறிய அளவிலான மெல்லிய காட்டன் துணி ஒன்றை எடுத்துக் கொள்ளுங்கள். அதில் கொஞ்சம் அரிசி போட்டு இறுக்கமாக முடித்து வைத்துக் கொள்ளுங்கள். இதை அந்த பாட்டிலில் போட்டு வைத்தால், எவ்வளவு நாட்கள் ஆனாலும் கட்டி படாமல் அப்படியே இருக்கும். ஒரு பாலிதீன் கவர் போட்டு அதன் மேல் மூடியை போட்டு இறுக்கமாக மூடி பாருங்கள், காற்று கொஞ்சம் கூட போகாமல் இருக்கும்.
டிப்ஸ் 3:
இட்லி, தோசைக்கு மாவு ஊற வைக்கும் பொழுதும் ஐஸ் வாட்டர் சேர்த்து ஊற வைத்து பாருங்கள். சீக்கிரம் புளிக்காமலும், மாவு ருசியாகவும் இருக்கும். மேலே சொன்ன உதவி குறிப்புகளை நிச்சம் பின்பற்றி பாருங்கள் உங்களுக்கு உபயோகமாக இருக்கும்.
டிப்ஸ் 4:
கிச்சன் மேடையை சுற்றி எப்போதும், கரப்பான் பூச்சி, பல்லிகள் போன்றவை உலா வந்து கொண்டிருந்தால், முதலில் இரண்டு ஊதுபத்தியை எடுத்துக் கொள்ளுங்கள். அதனுடன் சிறிதளவு கற்பூரத்தை உடைத்து சேருங்கள். பின்னர் தேவையான அளவிற்கு தண்ணீர் ஊற்றி கலந்து விடுங்கள். இதை வடிகட்டி ஒரு காலியான ஸ்பிரே பாட்டில் அடைத்து வைத்துக் கொள்ளுங்கள். இந்த ஸ்பிரேயை கொண்டு நீங்கள் கிச்சன் மேடையை துடைத்தால், இதன் வாசம் கரப்பான் பூச்சி, பல்லி போன்றவற்றை வரவே விடாது. அத்துடன் சமையல் அறை தெய்வீகமாக இருக்கும்.
டிப்ஸ் 5:
சமையலறையில் அடிக்கடி எறும்பு நடமாட்டம் இருந்தால் எறும்பு தொந்தரவை சீக்கிரம் ஒழிக்க இரண்டு பட்டை, நாலைந்து கிராம்புகள் லேசாக வறுத்து பொடி செய்து எடுத்துக் கொள்ளுங்கள். இதை எறும்பு வரும் இடங்களில் நீங்கள் தூவி விட்டால் போதும், பட்டை, கிராம்புகளின் வாசனையினால் எறும்புகள் கிட்ட வரவே வராது.