Weight Loss : உடல் எடையை குறைக்க போறீங்களா? இந்த 6 பழங்களை தொட்டுக்கூட பாக்காதீங்க.. எடை எகிறிடும்

எடையை குறைக்க முயற்சிப்பவர்கள் சில பழங்களை சாப்பிடுவது தவிர்க்க வேண்டும். அவை என்னென்ன என்பது குறித்து இந்த பதிவில் பார்க்கலாம்.

Weight Loss

எடையை குறைக்க விரும்புவர்களுக்கு பழங்கள் சிறந்த தேர்வாகும். ஏனெனில் பழங்களில் எல்லா வகையான ஊட்டச்சத்துக்களும் நிறைந்துள்ளன. ஆனால் எந்த மாதிரியான பழங்களை சாப்பிடுகிறோம் என்பதை பொறுத்துதான் அதன் பலன்கள் கிடைக்கும். ஆம், பழங்கள் ஆரோக்கியமானது என்றாலும் சில பழங்கள் அதிக கலோரிகளை கொண்டிருப்பதால் அவற்றை அதிகமாக எடுத்துக் கொண்டால் உடல் எடை அதிகரிக்க வாய்ப்பு உள்ளன. குறிப்பாக அதிக சர்க்கரை மற்றும் கொழுப்பு கொண்ட பழங்களை எடையை குறைக்க முயற்சிப்பவர்கள் மிதமான அளவில் சாப்பிடுவது நல்லது. இல்லையெனில் முற்றிலும் தவிர்க்கவும். இந்த பதிவில் எடையை குறைக்க முயற்சிப்பவர்கள் எந்த மாதிரியான பழங்களை சாப்பிடக்கூடாது அல்லது மிதமான அளவில் சாப்பிட வேண்டும் என்பதை குறித்து தெரிந்து கொள்ளலாம்.

வாழைப்பழம்

வாழைப்பழத்தில் கலோரிகள் அதிகமாகவே உள்ளன. இதுதவிர இயற்கை சர்க்கரை மற்றும் கார்போஹைட்ரேட்டுகள் அதிகமாகவே உள்ளன. எனவே எடையை குறைக்க முயற்சிப்பவர்கள் வாழைப்பழத்தை மிதமான அளவில் சாப்பிடுவது நன்மை பயக்கும். இல்லையெனில் எடை இழப்பில் பாதிப்பை ஏற்படுத்தும்.

திராட்சை

திராட்சை இனிப்பு நிறைந்த சுவையான பழமாகும். இந்த பழத்தின் சுவை காரணமாக நம்மை அறியாமலே நாம் அதிகமாக சாப்பிட்டு விடுகிறோம். எடையை குறைக்க நினைப்பவர்கள் எடுத்துக்கொள்ளும் கலோரிகளின் அளவை கட்டுப்படுத்த இது உதவும் என்றாலும், மிதமான அளவில் சாப்பிட வேண்டும் என்பது நினைவில் வைத்துக் கொள்ளுங்கள். இல்லையெனில் எடை அதிகரிக்கும்.

மாம்பழம்

மாம்பழம் மிகவும் சுவையான பழங்களில் ஒன்றாகும். இதில் ஏராளமான வைட்டமின்கள், மினரல்கள் உள்ளன. எனவே, எடையை குறைக்க முயற்சிப்பவர்கள் இயற்கை சர்க்கரை நிறைந்த இந்த பழத்தை அடிக்கடி சாப்பிடாமல் எப்போதாவது சாப்பிடுவது நல்லது. அதிகமாக சாப்பிட்டால் எடை அதிகரிப்புக்கு வழிவகுக்கும்.

அன்னாச்சி பழம்

அன்னாச்சி பழத்தில் ஏராளமான ஊட்டச்சத்துக்கள் நிறைந்துள்ளன. அவை ஆரோக்கியத்திற்கு பல்வேறு நன்மைகளை வழங்கும். ஆனால் இதில் அதிகளவு சர்க்கரை நிறைந்துள்ளதால் உடலில் கலோரி உட்கொள்ளலை அதிகரிக்கும். இதனால் எடை இழப்பு இலக்கு பாதிக்கப்படும். எனவே எடையை குறைக்க விரும்புபவர்கள் அன்னாச்சி பழத்தை தவிர்ப்பது நல்லது.

மாதுளை

மாதுளையில் வைட்டமின்கள், இரும்புச்சத்து அதிகமாகவே உள்ளன. இவை உடலுக்கு ஆற்றலை கொடுப்பது மட்டுமல்லாமல் ஒட்டுமொத்த ஆரோக்கியத்தையும் மேம்படுத்த இது உதவுகிறது. உடற்பயிற்சி செய்வதற்கு முன் மாதுளை சாப்பிடலாம். ஆனால் உடற்பயிற்சிக்கு பிறகு மாதுளை சாப்பிட்டால் அதில் இருக்கும் அதிகப்படியான சர்க்கரை இரத்தத்தில் சர்க்கரையின் அளவை உயர்த்திவிடும் இதனால் எடையும் அதிகரிக்கும்.

அவகேடோ

அவகேடோ பழம் ஆரோக்கியமான கொழுப்பு மற்றும் ஊட்டச்சத்து நிறைந்த பழமாகும். ஆனாலும் இதில் அதிக அளவு கலோரிகள் உள்ளதால், மிதமான அளவில் சாப்பிட்டால் ஆரோக்கியத்திற்கு நல்லது. மேலும் எடையை குறைக்க முயற்சிப்பவர்கள் இதை மிதமான அளவில் சாப்பிட வேண்டும்.