இரண்டு மாசமானாலும் கேஸ் சிலிண்டர் தீராமல் சமைக்க.. இந்த மாதிரி டிப்ஸ் பயன்படுத்தி பாருங்கள்..!

சீக்கிரம் கேஸ் சிலிண்டர் தீர்ந்து போகாமல் பயன்படுத்த எளிய டிப்ஸ்.. 

சிலிண்டர் விலை நாளுக்கு நாள் அதிகமாகி கொண்டே வருகிறது. எவ்வளவு சிக்கனமாக பயன்படுத்தினாலும் சீக்கிரம் கேஸ் தீர்ந்து நம் உயிரை வாங்கிவிடும். ஆனால் சமைக்கும் போது எரிவாயுவை விரைவில் தீர்ந்து போகாமல் சேமிக்க என்ன செய்யலாம் என்பதை பற்றி இந்த பதிவில் காணலாம். 

Gas

அனைத்து இல்லத்தரசிகளும் பொதுவாக கேஸ் சீக்கிரம் தீராமல் இருக்க பல குறிப்புகளை பயன்படுத்துகிறார்கள். சிலர் பருப்பை முன்கூட்டியே ஊறவைத்து சமைக்கிறார்கள். ஒரே நேரத்தில் சமையலை செய்து முடிக்கிறார்கள். ஆனாலும் இரண்டு மாதங்களுக்கு குறைவாகவே கேஸ் பயன்படுத்தமுடிகிறது. சிலர் ஒரு மாதத்தில் காலியாக விடுவதாக கூறுகிறார்கள். கேஸ் நீண்ட நாள் பயன்படுத்த சில டிப்ஸ்... 

பாத்திரங்களை அடுப்பில் வைக்கும் முன் அதன் மீது தண்ணீர் இருக்கக் கூடாது. பெரும்பாலானவர்கள் பாத்திரங்களைக் கழுவியதும் அப்படியே நேராக போய் பாத்திரத்தை அடுப்பில் வைப்பார்கள். இப்படி செய்வதால் கேஸ் சீக்கிரம் தீர்ந்து போகும் வாய்ப்பு அதிகம். ஈரமான பாத்திரம் விரைவில் சூடாகாது. அதனால் ஈரமான பாத்திரத்தை துணியால் துடைத்து அடுப்பில் வையுங்கள். இதனால் நீண்ட நாள் கேஸ் பயன்படுத்த முடியும். 

கேஸ் அதிகம் செலவாகாம சேமிக்க, முதலில் கேஸ் பர்னரை சுத்தமாக வைத்திருக்க வேண்டும். மூன்று மாதங்களுக்கு ஒரு முறையாவது பர்னரை சர்வீஸ் செய்ய வேண்டும். பர்னர் சுத்தமாக இருக்கிறதா இல்லையா என்பதை கேஸ் ஸ்டவ் ஃப்ளேமின் நிறத்தைப் பார்த்தாலே கண்டு கொள்ளலாம். கேஸ் ஸ்டவ் நெருப்பின் நிறம் சிவப்பு, மஞ்சள் அல்லது ஆரஞ்சு நிறமாக வந்தால், பர்னரில் சிக்கல் இருப்பதாக அர்த்தம். பர்னரை உடனடியாக சுத்தம் செய்யவும். முடிந்தால், ஒரு முறை சர்வீஸ் செய்யுங்கள். இது தேவையற்ற கேஸ் இழப்பைத் தவிர்க்கும். 

பொதுவாக தானியங்கள் சமைக்க அதிக நேரம் எடுத்து கொள்ளும். இதனால் அதிக கேஸ் செலவாகும். சமைக்கும் முன் தானியங்கள், அரிசி போன்றவற்றை ஒரு மணி நேரத்திற்கு முன் தண்ணீரில் ஊற வைக்கவும். இது அரிசி அல்லது தானியங்களை மிக விரைவாக சமைக்க உதவியாக இருக்கும். இதனால் கேஸும் சேமிக்கப்படுகிறது. 

இதையும் படிங்க: தொப்பை கிடுகிடுனு குறைய.. தினமும் காலையில் இந்த அற்புத டீ குடித்து பாருங்கள்..!

சமைக்கும் போது, ​​எப்போதும் திறந்த மூடியில்லாத பாத்திரத்திற்குப் பதிலாக குக்கரைப் பயன்படுத்த வேண்டும். இதன் மூலம், அரிசி, காய்கறிகள் விரைவாக வேகும். கேஸ் எக்காரணம் கொண்டும் வீணாகாது. சமையலையும் சீக்கிரம் செய்துவிடலாம். 

இதையும் படிங்க: வாரம் இருமுறை இந்த கீரை சாப்பிட்டால்.. வாழ்க்கை முழுக்க கல்லீரல், சிறுநீரகம் பிரச்சனையே கிட்ட வராது..!