Sani Vakra Peyarchi 2022 Palangal: நீதியின் கடவுளான சனி பகவான் வக்ர பெயர்ச்சி காரணமாக, குறிப்பிட்ட சில ராசிகளுக்கு பெரும் பண இழப்பை சந்திக்க நேரிடும். எனவே, இந்த நேரத்தில் எந்தெந்த ராசிகள் எச்சரிக்கையாக இருக்க வேண்டும் என்பதை இந்த பதிவின் மூலம் தெரிந்து வைத்து கொள்ளுங்கள்.
ஜோதிட சாஸ்திரத்தின் அடிப்படையில் சனி மிக முக்கியமான கிரகங்களில் ஒன்றாகும். இந்த கிரகத்தில் சிறு மாற்றம் ஏற்பட்டாலும், அது மனித வாழ்க்கையை நேரடியாக பாதிக்கும். அதன்படி, ஜூன் 5 ஆம் தேதி கும்ப ராசியில், சனி பகவான் பெயர்ச்சியாகியுள்ளார். இதனால், சனி பகவான் ஜூன் 5 முதல் அக்டோபர் 23 2022 வரை கும்பம் ராசியில் வக்ர நிலையில் இருப்பார்.
இதற்கிடையில், ஜூலை 12, 2022 அன்று, சனி மகர ராசிக்கு பெயர்ச்சியாவார். அதன் பிறகு மீண்டும் ஜனவரி 17 அன்று, சனி கும்ப ராசிக்கு மாறுவார். சனி பகவானின் இந்த நிலை மாற்றங்கள் அனைத்து ராசிகளிலும் பல வித மாற்றங்களை ஏற்படுத்தும். வக்ர சனி சில ராசிக்காரர்களுக்கு சுப பலன்களையும், அதேசமயம் சிலருக்கு அசுபம் பலன்களையும் தருவார். தற்போது, சனியின் வக்ர பெயர்ச்சியால் நிதி நெருக்கடியை சந்திக்கும் 5 ராசிகள் பற்றி இந்த பதிவில் தெரிந்து கொள்வோம்.
மேஷம்
மேஷ ராசிக்காரர்களுக்கு சனியின் வக்ர பெயர்ச்சி பொருளாதார ரீதியாக சிரமங்களை சந்திக்க நேரிடும். வியாபாரத்தில் நஷ்டம் ஏற்பட வாய்ப்புள்ளது. முதலீடு விஷயத்தில் சிறப்பு கவனம் செலுத்த வேண்டும். முதலீடு செய்வதற்கு முன்பு ஒருமுறைக்கு பலமுறை சிந்தித்து செயல்படுவது அவசியம். போட்டித் தேர்விலும் வெற்றி பெற கடுமையாக உழைக்க வேண்டும். எதிலும், நிதானம் அவசியம். வெளியூர் பயணங்களை தவிர்த்து கொள்ளுதல் நல்லது.
கன்னி:
சுபச்செலவுகளாக இருந்தாலும், இந்த காலத்தில் அதிக பண செலவு இருக்கும். நிதி நெருக்கடி ஏற்படலாம். எனினும், இதனால் கன்னி ராசிக்காரர்கள் கவலைப்படத் தேவை இல்லை. ஏனென்றால், இப்போது ஏற்படும் செலவுகளுக்கு இறுதியில் லாபம் உண்டாகும். இவற்றால் எதிர்காலம் சிறந்து விளங்கும். தொழிலில் நஷ்ட்டம் ஏற்படும். எந்த செயலையும் ஒருமுறைக்கு, பலமுறை சிந்தித்து செயல்படுவது அவசியம்.
மகரம்:
இந்த காலத்தில் மகர ராசிக்காரர்கள் கடன் வாங்குவதை, கொடுப்பதை தவிர்க்க வேண்டும். ஆரோக்கியத்தில் அக்கறை அவசியம். தொலை தூர பயணங்களை தவிர்க்கவும். சிறிய கவனக்குறைவு ஏற்பட்டாலும், இழப்புகள் ஏற்படலாம். இந்த நேரத்தில், செலவுகள் அதிகரிக்கலாம். இது முதலீடு செய்வதற்கு உகந்த நேரம் அல்ல. ஆகையால், நிதி தொடர்பான அனைத்து விஷயங்களிலும் அதிகபட்ச கவம் தேவைப்படுகின்றது.
மீனம்:
தொழிலில் நஷ்டம் ஏற்படலாம். திடீர் செலவுகள் வரக்கூடும். வெளிநாடு செல்வதில் பிரச்சனைகள் வரலாம். ஆரோக்கியத்தில்அக்கறை கொள்ளுங்கள். மீன ராசிக்காரர்கள் இந்த காலத்தில் நிதி நிலையில் எச்சரிக்கை அவசியம். பண வரவை விட செலவுகள் மிக அதிகமாக இருக்கும்.மனதில் பதற்றம், அமைதியின்மை போன்றவையும் ஏற்படலாம்.