முடி கொட்டுறதால ரொம்ப நாளா கவலைப்படுறீங்களா? காஸ்ட்லியான ட்ரீட்மென்ட் எல்லாம் எடுத்தும் பலன் இல்லையா? உங்க சாப்பாட்டுல இந்த 6 வைட்டமின்களை சேர்த்துக்கிட்டா, முடி கொட்டுறதை பெரிய அளவுல குறைக்கலாம். அது என்னென்னனு பார்க்கலாம்.
நம் உடலுக்கு வைட்டமின்கள் ரொம்பவே முக்கியம். இவை நமக்குத் தேவையான ஊட்டச்சத்துக்களைக் கொடுத்து நம்மை ஆரோக்கியமாக வைத்திருக்கின்றன. குறிப்பாக, வைட்டமின் பி, வைட்டமின் டி, வைட்டமின் ஈ போன்றவை முடி வளர்ச்சிக்கும், முடி உதிர்வைக் கட்டுப்படுத்தவும் அவசியமானவை.
27
வைட்டமின் ஏ குறைபாடு
வைட்டமின் ஏ குறைபாடு இருந்தால் முடிகள் பலவீனமாகும். இந்தக் குறைபாட்டை சரிசெய்ய, உங்கள் உணவில் பாலக்கீரை, கேரட், சோயாபீன்ஸ், முட்டை, சர்க்கரைவள்ளிக் கிழங்கு ஆகியவற்றைச் சேர்க்கலாம். இது முடி உதிர்வைக் குறைப்பதோடு, பொடுகு மற்றும் அரிப்புப் பிரச்சனையையும் தடுக்கும்.
37
பப்பாளி, நெல்லிக்காய், திராட்சை, குடைமிளகாய்
முடியின் ஒட்டுமொத்த ஆரோக்கியத்திற்கு வைட்டமின் சி மிகவும் அவசியம். இது முடி உதிர்வைத் தடுப்பதுடன், வறண்ட மற்றும் உயிரற்ற முடிகளையும் ஆரோக்கியமாக்குகிறது. கிவி, பப்பாளி, நெல்லிக்காய், திராட்சை, குடைமிளகாய், எலுமிச்சை போன்றவற்றைச் சாப்பிட்டால், முடியின் வேர்கள் வலுப்பெறும்.
வைட்டமின் டி-யின் சிறந்த மூலம் சூரிய ஒளிதான் என்பது நம் எல்லோருக்கும் தெரியும். காலையில் இளம் வெயிலில் நிற்பது நல்லது. இது தவிர, பால் பொருட்கள், முழு தானியங்கள், ப்ரோக்கோலி மற்றும் ஒமேகா-3 கொழுப்பு நிறைந்த மீன் வகைகளையும் உணவில் சேர்த்துக்கொள்ளலாம்.
57
வைட்டமின் பி-7 தேவை
வைட்டமின் பி-7 குறைபாட்டாலும் முடி உதிரத் தொடங்கும். பாலக்கீரை, வேர்க்கடலை, சாக்லேட், நட்ஸ், முழு தானியங்கள் போன்றவற்றைச் சாப்பிட்டு இந்தக் குறைபாட்டைச் சரிசெய்யலாம். இது முடி வளர்ச்சிக்குத் தேவையான பயோட்டினை வழங்குகிறது.
67
வைட்டமின் பி-9 குறைபாடு
வைட்டமின் பி-9 குறைபாடு இளம் வயதிலேயே முடி உதிர்வை ஏற்படுத்தும். பாசிப்பருப்பு, மசூர் பருப்பு, கொண்டைக்கடலை, எள், ராஜ்மா போன்றவற்றைச் சாப்பிட்டால் முடி உதிர்வது நின்று, வளர்ச்சியும் வேகமாக இருக்கும்.
77
பாதாம், வேர்க்கடலை, பீநட் பட்டர்
வைட்டமின் ஈ ஒரு சக்திவாய்ந்த ஆன்டிஆக்ஸிடன்ட். இது உச்சந்தலை மற்றும் மயிர்க்கால்களை ஃப்ரீ ரேடிக்கல் சேதத்திலிருந்து பாதுகாக்கிறது. கோதுமை விதை எண்ணெய், சூரியகாந்தி, கடுகு விதைகள், பாதாம், வேர்க்கடலை, பீநட் பட்டர், பீட்ரூட், பாலக்கீரை, பூசணி அல்லது சிவப்பு குடைமிளகாய் போன்றவற்றைச் சாப்பிடலாம்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
