Salt Cleaning: உப்பு சமையலுக்கு மட்டும் இல்லீங்க! வெறும் ஒரு ஸ்பூன் போதும்! கிச்சனை பளிச்னு மாத்த இதோ 4 சூப்பர் டிப்ஸ்!

Kitchen Cleaning: உப்பு இல்லை என்றால் அது நாக்கில் வைக்க முடியாத அளவுக்குச் சுவையற்றதாக மாறிவிடும். ஆனால் கிளீனிங் கெமிக்கல்களுக்குப் பதிலாக, வெறும் ஒரு ஸ்பூன் உப்பை வைத்தே கிச்சன் கறைகளை விரட்டலாம்.

ஒரு ஸ்பூன் உப்பு

உலகிலேயே மிகச்சிறந்த அறுசுவை உணவாக இருந்தாலும், அதில் ஒரு சிட்டிகை உப்பு இல்லை என்றால் அது நாக்கில் வைக்க முடியாத அளவுக்குச் சுவையற்றதாக மாறிவிடும். ஆனால் கிளீனிங் கெமிக்கல்களுக்குப் பதிலாக, வெறும் ஒரு ஸ்பூன் உப்பை வைத்தே கிச்சன் கறைகளையும், கெட்ட வாசனையையும் விரட்டியடிக்க முடியும் என்பது தெரியுமா?

கட்டிங் போர்டு கறைகளை நீக்க எலுமிச்சை + உப்பு மேஜிக்

காய்கறிகள், அசைவம் வெட்டிய பிறகு கட்டிங் போர்டில் தங்கிவிடும் கறைகளும் வாடையும் அப்படியே இருக்கும். கட்டிங் போர்டின் மேல் உப்பைத் தூவி, பாதி எலுமிச்சை பழத்தைக் கொண்டு நன்றாகத் தேய்த்து, பின்னர் தண்ணீரில் கழுவ வேண்டும். இதே முறையை கிச்சன் மேடையைச் சுத்தம் செய்யவும் பயன்படுத்தலாம்.

பளிச்சிடும் சிங்க் மற்றும் ஸ்டீல் பாத்திரங்கள்

கிச்சன் சிங்க் அல்லது ஸ்டீல் பாத்திரங்களில் படிந்திருக்கும் விடாப்பிடியான கறைகள் கறை படிந்த இடங்களில் கொஞ்சம் உப்பைத் தூவி, ஸ்பான்ச் கொண்டு மென்மையாகத் தேய்த்துக் கழுவினால் அழுக்குகள் நீங்கி பாத்திரங்கள் பளிச்சென்று மின்னும். மிக மென்மையான பாத்திரங்களில் தேய்க்கும்போது கீறல் விழ வாய்ப்புள்ளதால் மென்மையாக தேய்க்க வேண்டும்.

டைல்ஸ் துரு விடாக்கறைகளை விரட்ட உப்பு போதும்

டைல்ஸ் அல்லது சில உலோகப் பொருட்கள்ல லேசா துரு அல்லது கறை இருக்கா? உப்பு, எலுமிச்சை சாறு கலவையை அது மேல தடவி கொஞ்ச நேரம் விட்டுடுங்க. அப்புறம் ஒரு சாஃப்ட் பிரஷ் அல்லது ஸ்பான்ச் வெச்சு தேயுங்க. எல்லா இடத்துக்கும் இந்த முறை செட் ஆகாது. அதனால, முதல்ல ஒரு சின்ன இடத்துல டெஸ்ட் பண்ணிப் பாருங்க. 

ஃபிரிட்ஜ் கெட்ட வாசனைக்கு குட்பை

லஞ்ச் பாக்ஸ், பிளாஸ்டிக் டப்பாக்கள் மற்றும் ஃபிரிட்ஜில் வீசும் ஒருவிதமான கெட்ட வாசனை வரும். வெதுவெதுப்பான தண்ணீரில் கொஞ்சம் உப்பைக் கலந்து, அந்த நீரைக் கொண்டு டப்பாக்களைக் கழுவ வேண்டும். இதனால் துர்நாற்றம் நீங்கி, டப்பாக்கள் எப்போதும் ஃபிரெஷ்ஷாக இருக்கும்.