Water Bottle: உங்க பிளாஸ்டிக் வாட்டர் பாட்டில் அடியில் இந்த எண்கள் இருக்கா? உடனே தூக்கி வீசுங்க! ஆபத்து!

Water Bottle: நீங்கள் பயன்படுத்தும் பிளாஸ்டிக் வாட்டர் பாட்டில் அடியில் இந்த எண்கள் இருக்கா? பிளாஸ்டிக் பாட்டில் எண்களின் உண்மையான அர்த்தம் என்ன, எந்த பாட்டில் தண்ணீர் குடிக்க பாதுகாப்பானது? என்பது குறித்து இந்த செய்தியில் விரிவாக பார்க்கலாம்.

உங்க பிளாஸ்டிக் வாட்டர் பாட்டிலுக்கு ( Water Bottle) அடியில் இந்த எண்கள் இருக்கா?

பிளாஸ்டிக் பாட்டில்கள் நமது வாழ்வின் ஒரு அங்க‌மாகி விட்டது. பிளாஸ்டிக் பாட்டில்களில் தண்ணீர் குடிப்பது முதல் தொடங்கி பிளாஸ்டிக் டப்பாக்களில் உணவு வைத்து சாப்பிடுவது வரை அனைத்துக்கும் நாம் அவற்றை பயன்படுத்துகிறோம். நாம் அன்றாடம் பயன்படுத்தும் பிளாஸ்டிக் பாட்டில்கள் மற்றும் டப்பாக்களின் அடியில் ஒரு சிறிய முக்கோண வடிவ குறியீடும், அதற்குள் 1 முதல் 7 வரையிலான எண்களும் இருப்பதை கவனித்திருக்கிறீர்களா?

அது ஏதோ தயாரிப்பு நிறுவனம் சார்ந்த எண் என்று பலரும் நினைத்துக் கொண்டிருக்கிறார்கள். ஆனால், அதுதான் நமது ஆரோக்கியத்தை தீர்மானிக்கும் மிக முக்கியமான இரசாயனக் குறியீடு (Plastic Resin Codes) ஆகும். எந்த எண் கொண்ட பிளாஸ்டிக் பாட்டிலை நாம் பயன்படுத்த வேண்டும்? எதை உடனே குப்பைத் தொட்டியில் வீச வேண்டும்? என்பது குறித்த அதிர்ச்சியூட்டும் உண்மைகளை இந்தச் செய்தியில் விரிவாகப் பார்ப்போம். 

ஏன் பிளாஸ்டிக் பாட்டில்களில் எண்கள் குறிக்கப்படுகின்றன?

அனைத்து பிளாஸ்டிக்குகளும் ஒரே மாதிரியானவை அல்ல. சில பிளாஸ்டிக்குகள் ஒருமுறை பயன்படுத்திவிட்டு தூக்கி எறிவதற்காக தயாரிக்கப்படுபவை; சில மறுசுழற்சி செய்யக்கூடியவை; வேறு சில கடுமையான நச்சுத்தன்மை வாய்ந்தவை. பொதுமக்கள் தங்களுக்குப் பாதுகாப்பான பிளாஸ்டிக்கைத் தேர்ந்தெடுக்கவும், மறுசுழற்சி செய்பவர்களின் வசதிக்காகவும் 'சொசைட்டி ஆஃப் பிளாஸ்டிக்ஸ் இண்டஸ்ட்ரி' (SPI) இந்த 1 முதல் 7 வரையிலான குறியீட்டு முறையை அறிமுகப்படுத்தியது.

இதையும் படிங்க: Water Bottle: ஃபிரிட்ஜில் பிளாஸ்டிக் பாட்டிலில் தண்ணீர் குடிப்பவரா நீங்க? உங்க உயிருக்கு ஆபத்து.! அதிர்ச்சி தகவல்.!

பிளாஸ்டிக் பாட்டில்களில் 1 முதல் 7 வரையிலான எண்களின் ரகசியம்: எவை பாதுகாப்பானவை?

பிளாஸ்டிக் பொருட்களின் அடியில் உள்ள முக்கோண எண்களின் முழு விபரம் மற்றும் அவற்றின் ஆபத்துகள் இதோ:

1. எண் 1 (PET அல்லது PETE)

நாம் கடைகளில் வாங்கும் மினரல் வாட்டர் பாட்டில்கள், குளிர்பானப் பாட்டில்கள் மற்றும் ஜூஸ் பாட்டில்களில் இந்த எண் இருக்கும். இந்த வகை பிளாஸ்டிக்குகள் 'ஒருமுறை மட்டுமே பயன்படுத்தக் கூடியவை' (Single-use). தண்ணீரை குடித்துவிட்டு இந்த பாட்டில்களை மீண்டும் வீட்டில் தண்ணீர் பிடித்து வைக்கப் பயன்படுத்தக் கூடாது. ஏனெனில், இவற்றைத் தொடர்ந்து பயன்படுத்தும் போது 'ஆண்டிமனி' (Antimony) போன்ற ஆபத்தான இரசாயனங்கள் தண்ணீரில் கலந்து உடலுக்குள் செல்லக்கூடும்.

2. எண் 2 (HDPE)

தடிமனான பிளாஸ்டிக் டப்பாக்கள், பால் கேன்கள், ஷாம்பு பாட்டில்கள் மற்றும் டிடர்ஜென்ட் திரவங்கள் வைக்கப்படும் டப்பாக்களில் இந்த எண் இருக்கும். இது மிகவும் பாதுகாப்பான பிளாஸ்டிக் வகையாகக் கருதப்படுகிறது. இதிலிருந்து இரசாயனங்கள் எளிதில் உணவிலோ நீரிலோ கசிவதில்லை. இதனை மறுசுழற்சி செய்வதும் மிகவும் எளிது.

3. எண் 3 (PVC அல்லது V)

பிளாஸ்டிக் குழாய்கள் (Pipes), தரை விரிப்புகள் (Mats), பொம்மைகள் மற்றும் மருத்துவ உபகரணங்களில் இது பயன்படுத்தப்படுகிறது. இது மிகவும் நச்சுத்தன்மை வாய்ந்த ஆபத்தான பிளாஸ்டிக் ஆகும். இதில் காரீயம் (Lead) மற்றும் தாலேட்டுகள் (Phthalates) போன்ற புற்றுநோயை உண்டாக்கும் இரசாயனங்கள் உள்ளன. இந்த வகை பிளாஸ்டிக்குகளை உணவுப் பொருட்களுடன் தொடர்பு கொள்ளும் வகையில் ஒருபோதும் பயன்படுத்தக் கூடாது.

இதையும் படிங்க: Mushy Rice: குக்கரில் சாதம் குழைந்துவிட்டதா? பிரெட் துண்டு போதும்.. உதிரி உதிரியாக மாற்றலாம்!

மறுசுழற்சி செய்வது சற்று கடினம்

4. எண் 4 (LDPE)

மளிகைக் கடைகளில் தரும் பிளாஸ்டிக் பைகள், பிரெட் மற்றும் காய்கறிகளை பேக் செய்யும் கவர்கள், கசக்கக்கூடிய (Squeezable) சாஸ் பாட்டில்களில் இந்த எண் இருக்கும். இது நெகிழ்வுத்தன்மை கொண்டது மற்றும் பயன்படுத்த பாதுகாப்பானது. ஆனால், இவற்றை மறுசுழற்சி செய்வது சற்று கடினம் என்பதால் சுற்றுச்சூழலுக்கு உகந்தது அல்ல.

5. எண் 5 (PP - Polypropylene)

நாம் வீடுகளில் பயன்படுத்தும் மதிய உணவுப் பெட்டிகள் (Lunch Boxes), தயிர் மற்றும் வெண்ணெய் டப்பாக்கள், மருந்து பாட்டில்கள், மற்றும் குழந்தைகளுக்கான பால் பாட்டில்களில் இந்த எண் இருக்கும். பிளாஸ்டிக் வகைகளிலேயே மிகவும் பாதுகாப்பானது இதுதான். இது அதிக வெப்பத்தைத் தாங்கக்கூடியது. எனவேதான் மைக்ரோவேவ் ஓவனில் பயன்படுத்தும் பாத்திரங்கள் இந்த பிளாஸ்டிக்கில் செய்யப்படுகின்றன.

6. எண் 6 (PS - Polystyrene)

தெர்மாகோல் டீ கப்புகள், டிஸ்போசபிள் தட்டுகள், உணவுகளை பேக் செய்யும் பெட்டிகளில் (Fast food containers) இது இருக்கும். இது ஆரோக்கியத்திற்கு மிகவும் கேடு விளைவிக்கக்கூடியது. இதில் சூடான டீ அல்லது உணவுகளை வைக்கும்போது, 'ஸ்டைரின்' (Styrene) என்ற நச்சு இரசாயனம் உருகி உணவோடு கலந்துவிடுகிறது. இது நரம்பு மண்டல பாதிப்புகளை ஏற்படுத்தலாம்.

இதையும் படிங்க: Ceiling Fan Tips: ஃபேன் காற்று கம்மியா இருக்கா? ஜெட் வேகத்தில் சுற்ற வைக்கும் 5 சிம்பிள் டிப்ஸ்!

பெரிய தண்ணீர் கேன்கள்

7. எண் 7 (OTHER அல்லது PC)

பெரிய தண்ணீர் கேன்கள் (20 லிட்டர் கேன்கள்), ஸ்போர்ட்ஸ் வாட்டர் பாட்டில்கள் மற்றும் எலக்ட்ரானிக் பொருட்களில் இது இருக்கும். 1 முதல் 6 வரையிலான பிரிவுகளில் வராத இதர கலப்பு பிளாஸ்டிக்குகள் இதில் அடங்கும். இதில் பெரும்பாலும் 'பிஸ்பெனால் ஏ' (BPA) என்ற ஆபத்தான இரசாயனம் கலந்திருக்கும். இது மனிதர்களின் ஹார்மோன் சமநிலையைக் குலைக்கக்கூடியது. எனவே, எண் 7 குறியீடு போட்ட பாட்டில்களில் 'BPA Free' என்று குறிப்பிட்டிருந்தால் மட்டுமே பயன்படுத்த வேண்டும்.

பிளாஸ்டிக் பொருட்களை வாங்கும் போது அதன் அடியில் 2, 4 அல்லது 5 ஆகிய எண்கள் இருந்தால் மட்டுமே அதை உணவு மற்றும் குடிநீருக்குப் பயன்படுத்துங்கள். 1, 3, 6, 7 ஆகிய எண்கள் கொண்ட பிளாஸ்டிக்குகளை உணவுப் பயன்பாட்டிற்குத் தவிர்ப்பதே உங்களுக்கும் உங்கள் குடும்பத்திற்கும் நல்லது. ஆனால் முடிந்தவரை பிளாஸ்டிக் பாட்டில்களுக்கு மாற்றாக எவர்சில்வர் (Stainless Steel) அல்லது செம்பு (Copper) மற்றும் கண்ணாடி பாட்டில்களைப் பயன்படுத்துவதே ஆரோக்கியமான வாழ்விற்குச் சிறந்த வழியாகும்.