அண்மையில் ராதிகா மெர்ச்சன்ட், ஆனந்த் அம்பானியின் நிச்சயதார்த்தம் வெகுவிமரிசையாக நடந்தது. இந்தியாவின் முன்னணி தொழிலதிபரான முகேஷ் அம்பானி, நீதா அம்பானி தம்பதியின் மும்பை வீட்டில் நடந்த இந்நிகழ்வில் முன்னணி தொழிலதிபர்கள், பாலிவுட் நட்சத்திரங்கள் உள்பட பலர் கலந்து கொண்டனர். பாலிவுட் நட்சத்திரங்கள் அனைவரும் அசத்தலான உடைகளில் மிடுக்காக வந்திருந்தாலும், அம்பானி குடும்பத்தினர் தங்கள் தோற்றத்தால் கவனம் ஈர்த்தனர். முகேஷ் அம்பானியின் மனைவி நீதா அம்பானியோ ஒருபடி மேலே சென்று, தான் செய்த செயல் பலரின் இதயங்களை வென்றார்.
25
பணக்காரர்கள் பலரும் தங்களுடைய ஆடை, அணிகலன்களை காலத்தின்போக்கிற்கு (Trend) ஏற்ப அடிக்கடி மாற்றி கொள்கின்றனர். உடைகள் முதல் நகைகள் வரை அனைத்தையும் திரும்பத் திரும்ப அணிவதில் யாரும் ஆர்வம் காட்டுவதில்லை. ஆனால் கோடீஸ்வர குடும்பத்தை சேர்ந்த நீதா அம்பானி, தன் மகன் நிச்சயதார்த்தத்தில் அணிந்திருந்த நகைகள், ஆடைகள் மற்றவர்களுக்கு முன்னுதாரணமாக மாறியுள்ளது. நம்ப முடியவில்லையா? தொடர்ந்து படியுங்கள்.
35
நீதா அம்பானி, தனது இளைய மகன் ஆனந்த் அம்பானியின் நிச்சயதார்த்தத்தில் அசத்தலான லெஹங்காவுடன் அழகாகத் தெரிந்தார். அந்த ஆடை ஜர்தோசி, சிக்கன்காரி எம்பிராய்டரி மூலம் அலங்கரிக்கப்பட்டது. பட்டோலா பட்டு, படிகங்கள் போன்ற வேலைப்பாடுகள் ஆடையை மேலும் அழகூட்டியது. ஆனால் அதற்கு இணையாக அவர் அணிந்திருந்த நெக்லஸ் தான் காண்போர் கண்ணை கவர்ந்தது. அந்த நெக்லஸ் பழைய நெக்லஸ் என்றால் உங்களால் நம்ப முடிகிறதா? பணக்காரரின் மனைவி பழைய நகைகளை அணிந்து கொண்டுதான் தன் மகனின் நிச்சய நிகழ்வில் கலந்து கொண்டிருக்கிறாராம்.
நீதா அம்பானி அணிந்திருந்த அடுக்கு நெக்லஸில் (Mandaveli necklace) விலைமதிப்பற்ற உயர்தர வைரங்கள் பதிக்கப்பட்டிருந்தன. இது அவருடைய தோற்றத்தை மேலும் அழகாகவே காட்டி காண்பவர்களை மலைக்க செய்தது. இருப்பினும் நீதா அம்பானி தனது மகனின் நிச்சயதார்த்தத்திற்கு அணிந்திருந்த நெக்லஸ் பிரத்யேகமானது இல்லை. அவர் இதே நெக்லஸைதான் மகள் இஷா அம்பானி திருமணத்திலும் அணிந்திருந்தார். பணக்காரரின் மனைவியாக இருந்தாலும் தன்னிடம் இருக்கும் நகையை தான் அவர் அணிந்திருக்கிறார். செலவுகளை கூட்டவில்லை என பலரும் பாராட்டுக்களை தெரிவிக்கின்றனர்.
55
உங்களுடைய பழைய லெஹெங்காக்கள், புடவைகள், நகைகள் எப்போதும் புத்துணர்ச்சியூட்டும் புதிய தோற்றத்தைக் அளிக்கலாம். நீங்கள் சிந்திக்க வேண்டியதெல்லாம் புதிய நிகழ்வுகளில் எந்த ஆடைக்கு எப்படி அதை அணிந்து கொண்டு ஒட்டுமொத்த தோற்றத்தையும் மாற்ற வேண்டும் என்பதை தான். அதற்கு நீதா அம்பானியின் செயல் நல்ல உதாரணம்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
